41歲唐詩詠自爆曾被前度背叛傷到透狂睇男友手機搵出軌證據

May 23 2022

現年41歲的唐詩詠（Natalie）先後與崔建邦及洪永城拍拖多年都分手收場，至今仍單身的她日前在網上節目《絲打圍爐》大講舊情史，坦言有偵測男友出軌的第六感，更曾忍唔住狂check其中一位前度的手機想搵對方出軌的證據，結果令自己傷得更深。對於誰是出軌前度？外界猜測是崔建邦或者洪永城，不過唐詩詠就話唔會講，永遠將秘密埋藏。

唐詩詠絲打圍爐唐詩詠唐詩詠上蝦頭與連詩雅主持的節目大講感情史。 — 唐詩詠上蝦頭與連詩雅主持的節目大講感情史。（圖片來源：IG#natalietong53）

唐詩詠絲打圍爐唐詩詠唐詩詠話自己有第六感，可以感受到男友出軌。 — 唐詩詠話自己有第六感，可以感應到男友出軌。（圖片來源：IG@natalietong53）

唐詩詠自爆有預感男友出軌

被封「女友天花板」的唐詩詠，近年事業運與愛情運同樣停滯不前，拎住視后再無代表作，拖又冇得拍，好dry。日前唐詩詠在楊詩敏（蝦頭）和連詩雅（Shiga）主持的網台節目《絲打圍爐》分享感情史，講到另一半最難頂的事，三人異口同聲表示接受唔到男友出軌，唐詩詠表示自己擁有偵測到男友出軌的第六感。

唐詩詠絲打圍爐唐詩詠唐詩詠話每次男友有唔妥她都很快會發現。 — 唐詩詠話每次男友有唔妥她都很快會發現。（圖片來源：《絲打圍爐》影片截圖）

唐詩詠絲打圍爐唐詩詠她說感到對方出軌時就會突然有衝動去看對方的電話。 — 她說感到對方出軌時就會突然有衝動去看對方的電話。（圖片來源：《絲打圍爐》影片截圖）

唐詩詠曾經狂check前度電話

唐詩詠直言曾被前度背叛傷到透，她表示自己擁有很強的第六感，很快便感到對方出軌，繼而不斷找證據證明對方出軌：「拍拖時一啲好小嘅行為，好易Feel到對你嘅愛係多咗定少咗。我Feel到佢有少到，就突然會有啲第六感覺得要睇一睇佢電話，當你開始睇電話，係停唔到，而嗰樣嘢係會不停重覆，我搵到佢出軌證據，但嗰刻你會唔會選擇分手呢？可能又唔會…我試過不停搵啲嘢去令自己死心，但又冇死心，可能你亦Feel到佢愛我，女人一旦感受到愛就好難放棄。不停去搵證據嘅過程其實好戇居，係好傻…點解要令到自己咁唔開心。」她奉勸大家千萬不要開始去看另一半的電話。