黎諾懿帶兒子返屯門友愛邨「體驗貧窮」5億駙馬娶妻住何文田豪宅

Q: 黎諾懿結婚時有咩遺憾？

黎諾懿還到當年讀書的小學走了一轉，更因製作組悉心安排獲得兩大驚喜。首先... 詳情請看

Jan 20 2023

公屋出身的黎諾懿與落選港姐李潔瑩（Nicole）在2014年結婚，李潔瑩被揭其家族擁有5億美容院王國，相當有米，黎諾懿因此被封為「5億駙馬」，34歲娶妻後成功「脫貧」，入住何文田市值過億的複式千呎單位，成為不少網民的「奮鬥」目標！無綫節目《回家》，42歲的黎諾懿就帶埋囝囝小春雞黎峰睿重返自己嘅成長地屯門「體驗貧窮」，又走訪屋企附近嘅商鋪，等囝囝可以了解自己細個嘅生活。

回家黎諾懿黎諾懿帶同囝囝「小春雞」黎峰睿重遊成長地屯門友愛邨。 — 黎諾懿帶同囝囝「小春雞」黎峰睿重遊成長地屯門友愛邨。（圖片來源：TVB提供）

黎諾㦤小時候曾經歷制水

黎諾懿在屯門友愛邨長大，他在節目帶同囝囝「小春雞」黎峰睿舊地重遊，先走訪與舊居間格相約的屋邨單位，更在製作組協助下與「小春雞」重溫昔日家居擺設及生活細節，黎諾㦤透露小時候曾經歷過制水時間，並笑著分享自己的「運水絕技」：「當年我跑落街裝水，由樓下搬上樓可以一滴水都唔瀉。」神奇程度讓「小春雞」聽得瞪大雙眼。二人又拿著黎諾懿兒時最愛的玩具「父子鬥」，成為兒子手下敗將的黎諾懿，被逼要吃兒子「落重手」炮製的粗粒花生醬麵包！

回家黎諾懿黎諾懿帶囝囝到訪與舊居間格相約的屋邨單位。 — 黎諾懿帶囝囝到訪與舊居間格相約的屋邨單位。（圖片來源：TVB提供）

回家黎諾懿黎諾㦤透露小時候曾經歷過制水，並笑著分享自己的「運水絕技」，又向街坊扮賣小食。 — 黎諾㦤透露小時候曾經歷過制水，並笑著分享自己的「運水絕技」，又向街坊扮賣小食。（圖片來源：TVB提供）

黎諾懿懷念五毫子抽啷啷

之後黎諾懿帶囝囝走訪小時候經常流連的「辦館」，並指「辦館」是小時候「夢想勝地」，靠著每次五毫子的抽啷啷遊戲，為自己送上小希望，黎諾懿向囝囝說：「爸爸細個好鍾意抽呢啲啷啷，因為爸爸細個窮啲，有時用五毫子買個機會，希望抽到大獎。細個就係咁簡單，希望買份小禮物氹自己開心。」

回家黎諾懿黎諾懿帶囝囝走訪小時候經常流連的「辦館」，並介紹當年每次五毫子的抽啷啷遊戲。 — 黎諾懿帶囝囝走訪小時候經常流連的「辦館」，並介紹當年每次五毫子的抽啷啷遊戲。（圖片來源：TVB提供）

憑童年照彌補結婚時遺憾

黎諾懿還到當年讀書的小學走了一轉，更因製作組悉心安排獲得兩大驚喜。首先黎諾懿在班房與小學時的好朋友重逢，對方除了為他重建「小學友情網」，更大爆黎諾懿小時候是「萬人迷」，不少女同學均在背後盛讚他靚仔，令他大感搲頭。另一驚喜是小時候因為搬家近乎遺失了所有童年照，因為是次旅程尋回不少昔日珍貴照片。

回家黎諾懿黎諾懿童年同大仔餅印一樣！ — 黎諾懿童年同大仔餅印一樣！（圖片來源：TVB提供）

回家黎諾懿黎諾懿展示當年的學生學籍表。 — 黎諾懿展示當年的學生學籍表。（圖片來源：TVB提供）

黎諾懿問小春雞返公屋住：「咪玩啦，Daddy！」

黎諾懿在節目中又問小春雞「返公屋住好唔好」，網民紛紛代小春雞回答：「住緊咁大間penthouse返去住咁細間公屋？咪玩啦dad」、「阿爸，成功靠父幹！」、「即刻脫離父子關係」、「問吓公公婆婆意見先」、「唔抵得人哋娶到有錢老婆，哈哈」。

回家黎諾懿黎諾懿在公屋單位內向囝囝講解童年捱窮經歷。 — 黎諾懿在公屋單位內向囝囝講解童年捱窮經歷，仲問囝囝「喺度住好唔好」。（圖片來源：TVB提供）

回家黎諾懿網民回應好貼地。 — 網民回應好貼地。（圖片來源：facebook@環球膠報截圖）

回家黎諾懿網民回應創意十足。 — 網民回應創意十足。（圖片來源：facebook@環球膠報截圖）

回家黎諾懿網民道出重點！ — 網民道出重點！（圖片來源：facebook@環球膠報截圖）

黎諾懿現居何文田市值逾億特色單位

黎諾懿34歲娶妻後成功「脫貧」，入住何文田市值過億的複式單位，黎諾懿 IG 曝光家中陳設，有巨廳有大露台有長廊仲有天台，擺明係屋苑內僅得22個嘅複式連天台特色單位，最細嗰個都有二千幾呎、市值過億。無可厚非，屋企大啲，留家抗疫啲時間都容易打發啲，除咗玩廚神喺自己個巨型廚房開 live 煮好嘢外，豪宅可以廣邀朋友開P 食飯、可以喺露台閒閒哋放廿幾個花盆種自家菜、可以喺天台開幾個吹氣池打造小春雞私家水上樂園，仲可以畀囝囝擺廚房仔、電動超跑大型玩具都仲有大把位剩，呢位五億駙馬嘅生活真係令人艷羨！