網友期望大劉開網台動議爆笑Channel名 蕭若元回應變收斂、用辭變謹慎

劉鑾雄：諗過開YouTube頻道

蕭若元靠網片炒作話題不乏捧場客，大劉於記招上，也提及過「想開個人YouTube頻道」，自言若果真的在平台上載影片，肯定日日過億(view數)！，但因為怕了黑客，所以最終擱置計劃

「我真係想開個頻道，但屋企人話唔好，你估點解，因為好易俾黑客黑入去。」

網友集氣！為大劉YouTube頻道構思爆笑Channel名！

不過坊間的網民卻萬二分支持大劉開台，因為不少網友都讚賞大劉記招有資訊性、多金句、轉數快又夠Juicy，於是齊齊發揮創意，幫大劉的YouTube頻道改名，當中好多人都將記者會上的金句直接變成Channel名，也有爆笑的「食字」構想，精彩例子包括：

「劉言終結者」
「劉甘歲月」
「劉給這世上我最愛的人」
「The 甘」
「晨早劉劉」
「潮劉特區」

「「Talk 3 Talk 4」
「劉鳴跟進」
「點只乒乓」
「大吉大利大劉大」

前新聞主播伍家謙參戰：「逢星期三推出旅遊節目」

連無綫前新聞主播伍家謙也踴躍留言，得到網民讚好：

蕭若元被訓斥後回應變收斂

蕭若元在記招同日晚上旋即拍片，就大劉的指摘作回應，言詞明顯收斂，雖然他指大劉「已沒有新聞值」，不過都有「戴頭盔」指若果自己所講的資訊有錯誤就會道歉。

嘲大劉貴人善忘 曾多次一同見證政府打大䲔

蕭若元昨晚於自己的網台發佈了一條新影片，專門回應大劉的言論，蕭若元開場便說：「我都慣，成日俾人鬧，我有咁多haters！但俾咁有錢嘅人公開鬧就少見啲。」蕭若元又暗嘲大劉「冇記性」，指只是見過他一次，與他根本不熟，蕭若元說︰「呢個佢貴人善忘，我識得佢係86 、87年，我諗嗰啲佢完全唔記得晒！有次我同佢同時睇住政府救市，一千億嗰次；另外仲有幾次，睇住香港政府血肉長城，頂住啲大鱷 ，大家坐喺度一齊睇。」

蕭若元承認「躁狂非專業用語」

大劉於記者會指自己只是有創傷後遺，並沒有蕭若元所講的躁狂，但蕭生則表示自己所指的躁狂並非醫學用言：「我所講嘅躁狂症，第一係網民講嘅嘢，唔係專業人士講嘅嘢，我所謂躁狂係個人成日發脾氣，脾氣好猛烈，去到不能自控而發得比較多。」他又於片中作出聲明︰「如有錯可send email嚟指正我，我錯咗我一定更正…第二如果係嚴重錯，如話你死咗，但你冇死到，我會道歉。關於佢嘅嘢有咩係錯，我唔知喎！請你指正我，例如我話躁狂，係我點睇同點懷疑你，因為好多人話你經常發脾氣，如有醫生證明你真係冇躁狂症，咁叫醫生寫封信俾我，我咪道歉！」

蕭若元續說：「有啲嘢叫意見，意見係冇辦法作出客觀評定，例如我話佢最愛係李嘉欣，佢話我都唔知自己最愛邊個！係呀，你都唔知，咁旁人睇係一個意見，你對邊段情最刻骨銘心，只係旁人覺得，唔同時段有唔同感覺，例如話你早年當然最愛寶詠琴，否則你唔會同佢結婚；中段我唔知係李嘉欣、關之林，還是蔡少芬，依家就梗係最愛甘比啦。呢三段好難比，我只感覺當時最猛烈嘅程度，依家梗係甘比，我都好相信你係好愛甘比。」

稱大劉影片點擊唔夠勁 安心都有80萬

對於大劉指他這些網絡打手只是呃like呃飯食，對他搵兩餐深表同情，蕭生同回應指並未能於大劉身上賺取點擊：「我睇2022年片，劉鑾雄排第20，我唔需要搵佢呃like，講肥媽都有25萬，講劉鑾雄只有18萬4（截至昨晚），所以講佢唔會令到view數增加，一般而言劉鑾雄已經冇新聞價值，因為佢已退出江湖咁耐。」又叫大劉不用擔心他的收入：「劉生新聞唔會大增我嘅like同收入，比起肥媽都差好遠，所以佢懷疑我嘅動機係唔存在，唔好講我第一名條片係百幾萬，許志安嗰條有7、80萬，許生嘅新聞遠勝你。」不過於今日下午1時，蕭生這條影片半天有多的view數，已超過40多萬。