大灣區美味好玩攻略｜24歲十強港姐鄧凱文性感浸溫泉 郭柏妍睇到眼定定

鄧凱文唔怕認搏上位 水着look有睇頭過郭柏妍

2位女嘉賓浸溫泉的一幕可謂全集焦點，鄧凱文繼去年參選港姐後，再次以泳裝呈現觀眾眼前，相反師姐郭柏妍卻由頭包到落腳勁密實，搞到鄧凱文以為自己著錯泳衣：「師姐，你話我哋一齊著泳衣上位嘅！」郭柏妍笑說：「上位有好多種方法嘛，你呢個其中一種，我嗰種就另外一種，你上位可能快啲，我嗰個就難講啲！」

南崑山温德姆温泉酒店

節目中的酒店溫泉水上樂園中，單是溫泉部分已經大把野玩，室內室外總共有超過80個温泉池，每個温泉都有不同功效，而且設計方面都好花心思；另有親子一家大小都可以玩的「泡泡池」。

南崑山温德姆温泉酒店溫泉水上樂園中的「幻‧水界」，引入意大利爆紅「暴風雨沉浸式體驗」，利用4D體感技術，從視覺、聽覺、觸覺多方面刺激感官，享受得來又解壓！「懸空透明無邊際泳池」體驗，是將整個泳池懸空於十樓高空，令游泳體驗增添了幾分驚險！而且泳池是採用恆溫水，全天候游泳都唔使驚。

鄧凱文學歷樣貌優秀

樣子甜美的Eris鄧凱文畢業於英國諾定咸大學，樣貌、學歷條件不俗，參選時曾被視為黑馬，落選後決定簽約無綫尋求幕前發展機會。

鄧凱文泳裝 VS郭柏妍泳裝

26歲的郭柏妍是《2020香港小姐競選》季軍得主，24歲的鄧凱文則參加上年《2023年香港小姐競選》並10強止步。不過，如果着起泳裝則是鄧凱文更為佔優，經常以比堅尼示人，相反郭柏妍則較為輸蝕，平時挑選的泳裝款式都較為保守。