《太平紋身店》姜濤微微一笑最煞食 維園獨家直擊為拍打戲狂操身

文：東方新地｜圖：新傳媒圖片庫、《太平紋身店》劇照

姜濤 戲份愈來愈重

姜濤在ViuTV劇集《太平紋身店》中飾演「葉蓋天」的兒子「葉天晴」，性格成熟懂事，又善解人意。由於母親早逝，所以他自幼學會體諒父親身兼母職。葉天晴明白父親工作繁忙，一直都想要為他分擔幫中事務，最終目標是能繼承天地幫，讓勞碌半生的父親退下來休息。劇集前段姜濤戲份不多，有時出現甚至只有幾秒閃現的鏡頭，甚少對白，不過只係微微一笑的鏡頭已令粉絲非常滿足！

而到了劇集中段，姜濤的戲份亦愈來愈重，日前劇情講到葉天晴到訪太平紋身店向Nana（周秀娜飾）預約在鬼節時紋身，並要求她在為他紋身時使用神像顏料，令Nana覺得他的行為非常詭異。原來已成為鬼魂多年的他即將真正地放下過去，離開人世⋯⋯

姜濤餐餐炸雞薯條最肥試過200磅

原來姜濤出道前係肥仔一名，仲要由細肥到大一度達到200磅個人巔峰。曾經餐餐炸雞薯條、臨瞓仲啪多兩個漢堡包，中學後姜濤唔想再過被取笑連向心儀女生表白都冇勇氣、睇住對方同靚仔拍拖嘅日子，姜濤因此下定決心跑步減肥，呢個習慣到今時今日做咗萬人迷仲堅持緊。

身材輕微翻脹不顧儀容做到氣喘

發育時期曾經體重高達200磅的姜濤，經過刻苦鍛練減磅，才長期Keep住現時的140磅體重，不過本身是肥底的他，稍為放肆進食便好易發福，為保持狀態他不敢掉以輕心，入行以來都積極操練，早前本刊便拍到他一個人到維園做運動操Fit，當日下午五時許，姜B一個人跑住入維園，他先揀了一個少人的角落位置先做伸展運動，向來淘氣的他自創的體操亦相當另類，只見他配合呼吸大力伸展雙手，之後蹲低再起身，連續做了幾十次才停下來喘息，狂操一輪頭髮亂晒兼大汗淋漓，他依然未捨得停，戲肉還在後頭，做完伸展運動拉筋，便開始高強度練習，成功需苦幹，為保ViuTV一哥地位，姜濤自我操Fit亦非常嚴苛！