奪命提示線上看｜1-30集第三周劇情更新：人體自燃真兇曝光！
奪命提示線上看目錄
奪命提示劇情｜第11至15集劇情內容更新：「百歲社」廢屋發現乾屍案
《奪命提示》第11集 (03/31)：郭柏妍同丁子朗關係破冰
劇情：
商雙（郭柏妍飾）因為蔣庭嘉（麥詩晴飾）嘅遭遇感到難過，但方子超（丁子朗飾）質疑佢欠專業，兩人關係一度緊張。同一時間，招俊朗（張振朗飾）傷勢初癒，溫嘉莉（劉穎鏇飾）關心佢但被杜子瑜（鍾嘉佑飾）道破後刻意保持距離，令俊朗無所適從。子超得知商雙要辭職，急忙道歉救關係。俊朗同同僚林志美（梁凱晴飾）假拍拖測試嘉莉反應，點知棋差一着。姜曦文（劉佩玥飾）、嘉莉同商雙連環發噩夢，懷疑同療癒音樂有關，曦文收到Julie怪訊，帶ASIB隊員到小島廢屋調查，點知遇上孔武有力嘅瘋子！
期待指數：★★★★☆ (4分)
「必睇角色」：郭柏妍飾演嘅商雙
商雙嘅心理學背景喺呢集開始發力，分析噩夢同線索，係推動劇情嘅關鍵人物。
回到目錄
《奪命提示》第12集 (04/01)：陳山聰同劉穎鏇潛入「百歲社」
劇情：
廢屋發現幾具無名乾屍，疑似同「百歲社」有關，郭柏飛（陳山聰飾）同溫嘉莉（劉穎鏇飾）以職員身份潛入調查。姜曦文（劉佩玥飾）懷疑郭柏飛同羅蕊蕊（區明妙飾）有曖昧，醋意大發。方子超（丁子朗飾）媽趙嫦娥（韓馬利飾）搞義工活動，商雙（郭柏妍飾）送物資同嫦娥投契，但嫦娥被搶劫，前夫方炳權（莫家淦飾）救場求原諒。柏飛同曦文假扮富貴夫妻查案，點知經理孟鏡波裝偷拍鏡頭，兩人被迫扮恩愛，漸生真情。曦文從顧小麗（利穎怡飾）口中得知「靈宇宙研習營」復生儀式，成功同柏飛入營。
期待指數：★★★★☆ (4分)
「必睇角色」：陳山聰飾演嘅郭柏飛
柏飛同曦文嘅假夫妻真感情線加上潛入「百歲社」嘅緊張感，陳山聰演技穩陣必睇！
回到目錄
《奪命提示》第13集 (04/02)：張振朗同劉穎鏇中藥伏
劇情：
姜曦文（劉佩玥飾）遇險獲郭柏飛（陳山聰飾）相救，顧小麗（利穎怡飾）老公羅繼宗嫌疑最大，方子超（丁子朗飾）同商雙（郭柏妍飾）奉命監視。子超幫趙嫦娥（韓馬利飾）派食物畀無家者，撞見生父方炳權（莫家淦飾），父子關係惡劣。柏飛同曦文被提早帶去研習營，招俊朗（張振朗飾）同溫嘉莉（劉穎鏇飾）喺荒島做臥底。嘉莉發現食物被下藥，暗中調包救柏飛同曦文，自己同俊朗卻中伏。參加者受藥物影響變瘋狂，喺「老師」煽動下要獵殺俊朗同嘉莉等五名「罪人」。繼宗同小麗入營，子超同商雙跟蹤暴露行蹤。
期待指數：★★★★★ (5分)
「必睇角色」：張振朗飾演嘅招俊朗
俊朗同嘉莉中藥伏後嘅求生場面緊張刺激，張振朗嘅動作戲同感情戲雙線爆發，超精彩！
回到目錄
《奪命提示》第14集 (04/03)：陳山聰受傷生死未卜
劇情：
「復生」儀式引發參加者互相廝殺，郭柏飛（陳山聰飾）同姜曦文（劉佩玥飾）因高分成眾矢之的，柏飛受傷。羅繼宗同顧小麗（利穎怡飾）加入戰圈，「老師」煽動獵殺「侵入者」方子超（丁子朗飾）同商雙（郭柏妍飾）。子超同商雙逃生時遇上柏飛同曦文，「老師」發現四人一夥下令鏟除。招俊朗（張振朗飾）同溫嘉莉（劉穎鏇飾）突襲老師大本營，可惜罪證被毀。Julie傳訊息話復生儀式即將展開。羅蕊蕊（區明妙飾）照顧柏飛，曦文同柏飛假拍拖平息佢嘅戀慕。杜子瑜（鍾嘉佑飾）病情惡化，俊朗同嘉莉要守護佢。
期待指數：★★★★★ (5分)
「必睇角色」：陳山聰飾演嘅郭柏飛
柏飛受傷同曦文嘅感情升溫，加上生死一線嘅緊張感，陳山聰嘅演出令人期待爆棚！
回到目錄
《奪命提示》第15集 (04/04)：劉佩玥救童夢之家危機
劇情：
方子超（丁子朗飾）對商雙（郭柏妍飾）有好感，一齊做義工卻出糗。方予安（何珀廉飾）無意知悉招俊朗（張振朗飾）秘密，又收到Julie訊息。予安扮病騙錢被郭柏飛（陳山聰飾）揭穿，向姜曦文（劉佩玥飾）求救，坦言為救杜子瑜（鍾嘉佑飾）。予安幫方炳權（莫家淦飾）帶水貨，發現同子瑜遺失嘅智能手錶一樣，Julie誘佢偷錶。予安再送貨遇上甘等恐怖分子尋仇，被追殺時幸得柏飛等人救場。但甘澤同戴傑為搵子瑜手錶闖入童夢之家，危機一觸即發！
期待指數：★★★★☆ (4分)
「必睇角色」：劉佩玥飾演嘅姜曦文
曦文喺童夢之家危機中展現冷靜果斷一面，劉佩玥嘅感情同智鬥戲份係呢集亮點！
奪命提示劇情｜1至30集劇透/播出日期/線上看角色演員介紹
近年TVB自家劇甚少有30集長的篇幅，文偉鴻的前作《隱形戰隊》能做到30集連場高潮而且收視僅次《新聞女王》，難怪在台慶前獲安排升職擔任文偉鴻晉升助理總監！《奪命提示》劇集角色包括郭柏飛（陳山聰飾）、姜曦文（劉佩玥飾）和劉力（黃子恆飾）十多年前初出學堂之時，與警長羅友邦（吳瑞庭飾）四師徒感情深厚⋯⋯
奪命提示劇情｜第6至10集劇情內容更新！第三單元故事張振朗目擊人體自燃
《奪命提示》第6集：「淑娟失蹤有古怪，子瑜遇險好危急」
今集重點劇情：柏飛等人救出予安同佩雯，但淑娟唔見咗，子瑜因為唔見咗隻手錶好失落。子超同俊朗對淑娟嘅態度唔同，子超搵到淑娟並知道佢嘅過去。柏飛同曦文發現桐輝死得有古怪，喺案發現場搵到重要線索。子瑜喺疑犯車上發現殺人證據，陷入危險。
第6集必睇演員：子瑜（發現證據嘅關鍵）、柏飛同曦文（追查線索嘅主力）、淑娟（揭開過去嘅重要人物）。
回到目錄
《奪命提示》第7集：「學童獲救鬆口氣，世龍自燃嚇死人」
今集重點劇情：柏飛同曦文成功救出被挾持嘅學童，疑犯落網。蕊蕊因為學業問題同曦文嗌交，柏飛鼓勵佢並答應幫手。警方成立ASIB「神秘訊息情報科」，由振羽帶頭。第三單元奇案開始—— 新角色燕德（郭子豪飾）為咗改善生活參加綜合格鬥比賽，但被人威脅要假輸。俊朗同嘉莉追查Julie嘅提示，點知見到世龍（《愛回家》何賊 – 謝可逸飾演）人體自燃，嚇到呆咗。
第7集必睇演員：柏飛同曦文（救學童嘅核心）、燕德（被威脅嘅關鍵人物）、世龍（自燃事件嘅焦點）。
《奪命提示》第8集：郭子豪飾演釋囚 《愛回家》何賊人體自燃燒成炭！
今集重點劇情：燕德因為7年前嘅冤案對世龍同世虎心懷怨恨，子超同商雙開始調查。柏飛同曦文支持蕊蕊參加歌唱比賽，意外喚起塵封記憶。燕德（郭子豪飾）同庭嘉（麥詩晴飾）影婚紗相時被世虎搞事，商雙被迫表露身分。柏飛同曦文發現爆炸碎片，佳成化驗出化學物質。俊朗為救嘉莉受傷，嘉莉覺得佢有古怪。
第8集必睇演員：燕德（復仇線嘅核心）、商雙（表露身分嘅關鍵）、柏飛同曦文（追查爆炸線索）。
回到目錄
《奪命提示》第9集：郭子豪結婚遇襲傷，世虎發熱有古怪
今集重點劇情：燕德同庭嘉遇襲受傷，佳成怪燕德連累庭嘉。蕊蕊私下同經理人公司接觸，曦文覺得唔被信任。佳成反對庭嘉同燕德一齊，燕德無奈疏遠庭嘉（麥詩晴）。燕德潛入世虎屋企想攞番段片，同世虎大打出手。世虎受傷後全身發熱，柏飛等人發現佢嘅化驗報告有問題。人體自燃案疑犯黎燕德(郭子豪)嘅女友蔣庭嘉(麥詩晴)，原來曾經被死者鄧世龍(謝可逸)等人迷姦並拍低影片，而蔣庭嘉嘅爸爸蔣佳成(吳瑞庭)正正就係警方嘅化學專家，神秘訊息情報科懷疑蔣佳成先係真正嘅兇手…
《奪命提示》第10集劇情：「幕後黑手現真身，火海逃生好驚險」
今集重點劇情：庭嘉身體出現異常，燕德好擔心。ASIB翻查通話記錄，懷疑有幕後黑手操控一切，並恢復燕德手機刪除嘅訊息，發現驚人線索。柏飛等人明白燕德點解要故意輸比賽，並喺影片中搵到關鍵特徵。ASIB趕到燕德同庭嘉嘅藏身處，發現有人縱火，眾人陷入火海，柏飛同俊朗冒險救人。
第10集必睇演員：燕德（被操控嘅關鍵人物）、柏飛同俊朗（火海救援嘅英雄）、幕後黑手（引發連串事件嘅始作俑者）。
《奪命提示》第1集劇情：槍戰大場面！神秘訊息Julie預言兇案
劇情簡介：刑事情報科總督察姜曦文（劉佩玥飾）調查緊一單人口販賣案，突然收到手機助理Julie嘅神秘訊息，帶佢搵到失蹤女臥底被肢解嘅屍體。呢單案同重案組總督察郭柏飛（陳山聰飾）調查緊嘅連環殺人案死者特徵相似。上司關振羽（張國強飾）要求柏飛同曦文合作查案，但兩人早有嫌隙……柏飛派溫嘉莉（劉穎鏇飾）潛入夜店偵查，嘉莉重遇前男友招俊朗（張振朗飾），但唔知俊朗另有目的，只係恨佢當日不辭而別。曦文再次收到Julie預告兇案發生，仲有女臥底遇害時嘅音訊，柏飛得知後都對呢啲神秘訊息感到難以置信。
第1集必睇場面：Julie嘅神秘訊息首次出現，帶出連環殺人案嘅線索，氣氛緊張又神秘，令人好奇Julie究竟係何方神聖！
姜曦文同郭柏飛嘅矛盾初次浮面，兩人嘅合作充滿火藥味，睇到觀眾都替佢哋緊張！
第1集焦點角色：姜曦文（劉佩玥飾）：佢收到神秘訊息後，迅速行動，展現出情報科總督察嘅冷靜同果斷，絕對係今集嘅MVP！
相關章：奪命提示丨郭柏妍著小背心短褲打到飛起 孖前緋聞男友丁子朗互動極奔放
奪命提示｜劉穎鏇「最強Body3.0」連環派世一福利 大爆為開劇超自律習慣（多圖）！
奪命提示｜劉穎鏇小背心濕身上陣勁搶fo 打戲受傷畫面曝光獲讚超敬業
奪命提示｜44歲張彥博為角色極速激減8公斤 等足3年先有劇出大方透露合約情況
奪命提示｜楊卓娜丁子朗「對峙」場口搶先曝光 直言係入行逾20年遇「人生最難嘅戲」
回到目錄
《奪命提示》第2集劇情：僱傭兵敵陣營救
劇情簡介：柏飛同曦文工作上各不相讓，私下亦因師父羅友邦（吳瑞庭飾）之女羅蕊蕊（區明妙飾）嘅監管問題經常發生爭拗。當年友邦追捕悍匪時不幸殉職，柏飛同曦文共同照顧蕊蕊。俊朗嘅年幼契女杜子瑜身患白血病，嘉莉一直不離不棄，更責怪俊朗不負責任。俊朗同僱傭兵宋耀興接洽，被耀興要求協助綁走目標人物……柏飛認為同曦文調查嘅目標一致，希望互通消息，但曦文反應冷淡；此時柏飛收到Julie訊息。昏迷不醒嘅嘉莉身陷險境，俊朗不惜違抗指令潛入敵陣營救嘉莉……
第2集必睇場面：招俊朗為救嘉莉，不惜違抗命令，展現佢對嘉莉嘅感情，場面緊張又感人！
柏飛同曦文嘅矛盾進一步加深，兩人嘅合作更加緊張，睇到觀眾都替佢哋心急！
第2集焦點角色：招俊朗（張振朗飾）：佢冒險救嘉莉，展現出對拍檔嘅忠誠同勇氣，絕對係今集嘅焦點！
《奪命提示》「宋先生」係第一個單元故事的Big Boss，由陳少邦飾演：
回到目錄
《奪命提示》第3集劇情：僱傭兵巢穴營救戰
劇情簡介：俊朗成功營救嘉莉，二人殺出敵陣。曦文帶隊攻破僱傭兵巢穴，與耀興狹路相逢，危急間柏飛趕到。審問期間，耀興做出意想不到嘅舉動……嘉莉受傷入院，俊朗想修補關係，但嘉莉無法原諒佢當日不辭而別。劉力（林子善飾）想調解柏飛同曦文嘅矛盾卻不果；曦文回想當年與柏飛互生情愫，無奈因友邦之死而決裂……柏飛、曦文重新審視女臥底被殺一案，發現端倪。曦文前往醫院保護嘉莉，柏飛、俊朗來至卻見曦文同嘉莉已被擄走；柏飛再次收到Julie指示……
第3集必睇場面：僱傭兵巢穴嘅攻破場面緊張刺激，耀興嘅舉動令人意外，睇到觀眾都心跳加速！
姜曦文同郭柏飛嘅過去感情線逐漸浮現，增添劇情張力，令人更加期待佢哋嘅發展！
第3集焦點角色：郭柏飛（陳山聰飾）：佢及時趕到救場，展現出重案組總督察嘅領導能力，絕對係今集嘅焦點！
《奪命提示》第4集劇情：楊卓娜飾演清潔女工極神似！
劇情簡介：柏飛根據Julie訊息，與俊朗搵到曦文同嘉莉位置……劉力相約柏飛同曦文拜祭友邦，原來劉力都收到神秘訊息。「童夢之家」院童方予安夢遊時幾乎出意外，柏飛同曦文發現予安嘅畫作有古怪。俊朗同嘉莉從醫院送子瑜回院舍，子瑜對俊朗不瞅不睬；俊朗察覺清潔女工劉淑娟（楊卓娜飾）行為怪異。淑娟過馬路險被車撞，司機方子超（丁子朗飾）認出淑娟係舊街坊。予安失蹤，柏飛借調表妹商雙（郭柏妍飾）協助向院童落口供。曦文親姊姜千嬌（樊亦敏飾）替好友照顧女兒巫佩雯，佩雯突然衝出馬路……
第4集必睇場面：方予安嘅夢遊同古怪畫作，帶出神秘案件嘅新線索，令人更加好奇背後嘅真相！
劉淑娟嘅怪異行為，令人懷疑佢背後隱藏嘅秘密，楊卓娜嘅演技真係神似到令人心寒！
第4集焦點角色：商雙（郭柏妍飾）：佢運用心理學知識，協助分析院童嘅畫作，展現出學警嘅潛力，絕對係今集嘅焦點！
回到目錄
《奪命提示》第5集劇情：楊卓娜隱瞞兒子近況！
劇情簡介：柏飛奮身救下佩雯，但佢一臉呆滯，淑娟躲喺一角窺伺。予安同佩雯患有夢遊症，商雙分析畫作，認為二人筆下嘅「多多熊」滲透黑暗訊息。俊朗送智能手錶畀子瑜，成功討其歡心。淑娟不滿被保安葉桐輝誣告偷竊，雙方劇烈爭執，俊朗上前制止。子超到訪淑娟家，問起其子近況，淑娟似有隱瞞。佩雯失蹤，柏飛同曦文懷疑與佩雯隨身攜帶嘅糖果有關。「童夢之家」附近發生命案，任職警察嘅子超接報到場遇上淑娟，淑娟為逃避警方追捕，從高處躍下……
第5集必睇場面：佩雯失蹤同糖果有關，帶出神秘案件嘅新轉折，令人更加緊張劇情發展！
劉淑娟嘅跳樓場面令人震驚，揭開佢背後嘅秘密，楊卓娜嘅演技真係令人拍案叫絕！
第5集焦點角色：方子超（丁子朗飾）：還未加入ASIB嘅丁子朗，喺追捕淑娟時展現出刑警嘅機智同果斷，絕對係今集嘅焦點！
回到目錄
奪命提示劇情｜第16至20集劇情內容
（播出日期：4月7日至4月11日｜劇情精華待更新）
回到目錄
奪命提示劇情｜第21至25集劇情內容
（播出日期：4月14日至4月18日｜劇情精華待更新）
回到目錄
奪命提示劇情｜第26至30集大結局劇情內容
（播出日期：4月21日至4月25日｜劇情精華待更新）
回到目錄
奪命提示劇情｜故事大綱 –ASIB「神秘訊息情報科」
三年前一次行動中，邦被匪徒槍殺、力重傷昏迷，朗歸咎於飛，好友自此分道揚鑣。 城中發生妙齡女郎肢解謀殺案，受害者與販賣人口集團有關，隷屬情報科的文負責調查集團罪證，而重案組的飛負責追查兇手，派遣見習督察溫嘉莉（劉穎鏇飾）混入犯罪集團。飛和莉不約而同、接二連三地收到神秘手機訊息，提示命案線索，上級遂將兩組人合併，成立「神秘訊息情報科」（ASIB – Anonymous Singal Intelligence Bureau）。ASIB由飛和莉帶領，共同拆解這些似是來自未來的神秘訊息，偵破離奇命案。 訊息神秘莫測，無法以科學解釋。究竟訊息是由誰人發出？由未來人嗎？還是未知的自然力量？對方到底是敵是友？
奪命提示分集劇情｜神秘案件奇案單元：
分集劇情奇案單元1：女子肢解案
城中嘅起始案件，兇手用兇殘嘅手法將女子肢解，震驚全城。
分集劇情奇案單元2：人體無故自燃案
有人喺無任何原因下突然自焚，燒成灰燼，毫無線索。
分集劇情奇案單元3：廢屋發現乾屍
一間廢棄屋內發現一具乾屍，身份同死因成謎！
分集劇情奇案單元4：小童院院童憑空失蹤案
小童院嘅院童無聲無息咁消失，無人知佢哋去咗邊。
上述怪案同「奪命提示」連繫起來，令專案小組 ASIB 陷入一場解不開嘅謎團。
相關文章：TVB 2025 劇集巡禮｜文偉鴻新作《造星帝國》劇情大受關注
回到目錄
奪命提示劇情｜劉佩玥被綁架畫面好震撼！
劉穎鏇在《奪命提示》飾演見習督察兼臥底，與張振朗有感情線，另一女主角劉佩玥飾演刑事情報科總督察，與陳山聰有感情線。在預告片可見，劉穎鏇同劉佩玥已經唔少打戲，兩人大展敏捷身手外，更露出性感身材，相當搶鏡！劉佩玥當中又有被綁架的戲份，鏡頭更刻意聚焦上半身，非常震撼！
奪命提示劇情｜劉穎鏇Bra Top上陣逼爆上圍包唔住
其中一場，劉穎鏇被綁後，成功掙脫，仲同敵人大打一場，在打鬥過程中，劉穎鏇外面穿一件網紋螢光長衫，再加白色bra Top，起飛腳同烏低身動作更被鏡頭高炒，傲人身材一覽無遺，逼爆上圍更是包唔住！
26歲的劉穎鏇入行7年機會不斷，在《超能使者》、《隱形戰隊》中博到盡極速上位，在新劇《奪命提示》打戲連場奠定TVB打女之位！
奪命提示劇情｜劉穎鏇郭柏妍「雙嬌」型爆對付壞蛋
另一幕是，劉穎鏇孖郭柏妍二人化身「性感雙嬌」穿上迷你格仔裙，以型爆造型對付壞蛋葉泓聲（Gordon），畫面非常吸睛！網友更大讚這個「長腿姊妹花福利」好過份！
《奪命提示》劇透｜《隱形戰隊》劉穎鏇劉佩玥再度打女上身盡騷傲人身材
回到目錄
奪命提示劇情｜網民：風格十足《隱形戰隊》姊妹作
《奪命提示》預告出爐後，不少網民覺得是劇情又有大規模槍戰，又有調查神秘組織，同《隱形戰隊》幾近似，風格十足姊妹作咁！不過《隱形戰隊》亦加了不少新面孔例如張振朗、丁子朗、郭柏妍等等。「吓？我仲以為呢個係隱形戰隊」、「隱形戰隊2！？」、「超能，隱形 原班人馬」。
回到目錄
奪命提示｜監製文偉鴻開新劇 結合《使徒行者》＋《未來報告》？
《隱形戰隊》監製文偉鴻在2023年1月期間已開拍一部名為《奪命提示》的新劇，類型為時裝警匪劇，主演的藝人有陳山聰、劉穎鏇、劉佩玥、張振朗、丁子朗、郭柏妍、林子善、張國強。
新劇《奪命提示》內容被指結合了劇集《使徒行者》懸疑及電影《未來報告》科幻元素，今次陳山聰終於升呢做到男主角，成為文偉鴻的終極愛將！故事講述郭柏飛（陳山聰飾）、姜曦文（張振朗飾）和劉力（林子善飾）十多年前初出學堂之時，與警長羅友邦（張國強飾）四師徒感情深厚，三年前一次行動中，邦被匪徒槍殺、力重傷昏迷，文歸咎於飛，好友自此分道揚鑣。
此時城中發生妙齡女郎肢解謀殺案，受害者與販賣人口集團有關，隷屬情報科的文負責調查集團罪證，而重案組的飛負責追查兇手，派遣見習督察溫嘉莉（劉穎鏇飾）混入犯罪集團。飛和文不約而同、接二連三地收到神秘手機訊息，提示命案線索，上級遂將兩組人合併，成立神秘訊息情報科（ASIB）。ASIB由飛和文帶領，共同拆解這些似是來自未來的神秘訊息，偵破離奇命案。
奪命提示 角色介紹｜劉穎鏇升呢做女主角 溫嘉莉 職位: ASIB見習督察
劉穎鏇在《超能使者》以「最強Body」作賣點，除了背心短褲外仲著埋比堅尼上陣，非常瞓身，而在同樣是時裝劇的《隱形戰隊》中，劉穎鏇就再瞓多次身，打交著小背心、查案著比堅尼，難怪能夠成為文監製愛將，在新劇《奪命提示》首度升呢做女主角，有指劉穎鏇將會再度與陳山聰有感情線，仲要加埋張振朗玩三角戀，而劉佩玥飾演的臥底角色，則會與丁子朗飾演的學警角色有感情線。而46歲的陳山聰要同35歲的張振朗飾演同期學警，相信也會是一大考驗。
回到目錄
奪命提示其他重要角色：
郭柏飛(陳山聰 飾) 職位: ASIB總督察
招俊朗(張振朗 飾) 職位: ASIB高級督察
方子超(丁子朗 飾) 職位: ASIB督察
姜曦文(劉佩玥 飾) 職位: ASIB總督察
溫嘉莉(劉穎鏇 飾) 職位: ASIB見習督察
商雙(郭柏妍 飾) 職位: ASIB見習督察
奪命提示｜張振朗拍攝期間中頭獎 撞爆眉骨爆血
早前無綫高層樂易玲在出席活動時，透露張振朗在拍攝新劇《奪命提示》期間，被座地燈撞爆眉骨，搞到流血不止。樂易玲表示當時張振朗受傷後流了很多血，雖然有醫療隊為他止血，但她依然為張振朗連夜找整容醫生幫忙縫針：「咁我就漏夜搵咗個plastic surgery (整形外科) 醫生幫佢，因為我唔想佢縫針縫得唔好呀，塊面嚟㗎嘛，佢咁靚仔。佢一路都係清醒㗎，止咗血，但係我見到佢個傷口都深嘅，我搵咗個整容醫生，等佢縫針縫得靚啲吖嘛，唔係會有好大個疤。嗰時係凌晨一點幾，幫佢整到4點幾。」被外界稱為地獄黑仔王嘅張振朗，近年戰績一浪接一浪，不過「見慣世面」嘅佢就話冇有怕，唔會因為唔同意外而嚇窒自己，往後嘅動作戲依然會繼續上陣，不過幕後同事就提供唔同支援，令佢可以安心開工喇。
