奪命提示｜劉穎鏇「最強Body3.0」連環派世一福利大爆為開劇超自律習慣！
劉穎鏇肉緊打鬥「 黃金畫面」
第2集劇情，郭柏飛（陳山聰飾）和姜曦文（劉佩玥飾）不僅在工作上針鋒相對，私下裡也為了師父羅友邦女兒羅蕊蕊的照顧方式爭執不休。當年，羅友邦在追捕悍匪時殉職，兩人共同肩負起照顧蕊蕊的責任。與此同時，招俊朗（張振朗飾）的年幼契女杜子瑜身患白血病，臥底警員溫嘉莉（劉穎鏇飾）不離不棄地照顧她，並責怪招俊朗的無情。招俊朗與僱傭兵宋耀興接觸，被迫協助綁架行動。郭柏飛認為此案與姜曦文調查的目標一致，希望合作，卻遭到冷淡回應。此時，他再次收到來自神秘手機助理Julie的訊息。身陷險境的溫嘉莉昏迷不醒，招俊朗不顧一切地違抗命令，潛入敵營營救她……
劉穎鏇大爆同張振朗合作感受
Tiffany表示：「至於振朗，呢套劇我哋好多場口都一齊拍，而好多時我哋都會事先溝通咗先，可能係度吓嘢又或者分享吓大家對唔同場口嘅睇法，次次我哋都好踴躍咁去討論點樣可以令成場戲更加好，會加好多細位同埋jam啲嘢出嚟，等啲有情緒嘅戲份可以更有support。」
劉穎鏇認從演8年以來喊得最甘
Tiffany則指是次除了要挑戰更多和更高難度場口外，還要應付不少內心戲及喊戲， Tiffany接受TVB.COM訪問時，坦言是次是其八年拍劇生涯以來喊得最多的一部劇集：「今次要喊嘅次數同程度，係突破晒咁多年以嚟嘅經驗。」
談到以往曾直認拍喊戲不容易，Tiffany表示隨著經驗的累積，自己確實比以前容易理解及進入狀態，並謂今次要特別感謝監製Jazz的循循善誘，以及拍檔張振朗的用心交流！「每次我哋拍呢啲感情戲，Jazz都會特別令到成個氣氛／環境好安心，佢拍之前會問我哋係咪熟晒啲對白、係咪ready好，只要我哋ready好就會即刻拍，咁樣好畀到信心我哋，令我哋演起上嚟都有信心啲。」
奪命提示｜劉穎鏇「最強Body3.0」狂騷世一身材
TVB日前在社交網將先後發放兩批劉穎鏇嘅福利照，分別是甜美與淚眼汪汪的仙氣婚照以及一件頭泳衣照，360度全方位展示Tiffany「最強Body3.0」嘅美態。而劉穎鏇嘅「最強Body 3.0」更比之前《隱形戰隊》的2.0更勝一籌，皆因劉穎鏇今次不但操出完美蛇腰，還大騷結實有致嘅背肌及腹肌，十分吸睛！
奪命提示｜劉穎鏇大爆超自律keep fit習慣
Tiffany接受訪問時說：「我都覺得拍《奪命》嗰時，可能係我人生中最弗嘅。一來可能之前拍《隱形戰隊》時操開咗，自己周不時都有跑吓步同做Workout Keep吓。我自己都期望今次可以再弗啲同紮實啲，因為我想觀眾睇落去可以唔同啲。首先飲食方面，我係由自己好似平時咁食，低糖低鹽低油嘅同時係會食返澱粉，可能營養吸收好咗，所以效果都會好啲啲。同埋《奪命》應該係我拍過咁多套劇打鬥最多嘅，變相拍嘅時候都有鍛煉住，令到我都Keep得更好。仲有如果真係遇著啲要超級露腰嘅場口，我會早兩日開始飲少啲水同食少啲澱粉。」
