《奪命提示》劇情楊卓娜 VS 丁子朗「對峙」直言係入行逾20年人生最難嘅戲

Mar 24 2025

《奪命提示》第四集預告出現化身60歲清潔老婦嘅楊卓娜，除咗「老妝」引起網民熱議外，楊卓娜與丁子朗精彩嘅對手戲同樣備受關注，唔少觀眾睇見預告後都直言好期待楊卓娜今次在劇中嘅發揮！

奪命提示｜楊卓娜入行逾20年遇「人生最難嘅戲」

楊卓娜早前接受訪問時，就直指今次嘅角色無論係妝容、動作定係演技方面均遇到超大挑戰。楊卓娜更補充指「每一場戲都需要好大體力」，並驚嘆遇上咗「人生最難嘅戲」：「啲情緒好似唧牙膏咁要唧晒出嚟，要唧到盡，好多場都要崩潰得嚟又自然，仲要對白好長，好難呀我覺得！」

奪命提示楊卓娜唔少網民都大讚楊卓娜嘅演技十分出色。（圖片來源：TVB） — 唔少網民都大讚楊卓娜嘅演技十分出色。（圖片來源：TVB）

奪命提示｜楊卓娜丁子朗「對峙」場口勁緊湊

TVB今日釋出最新精華片段，片中楊卓娜與丁子朗「對峙」場口更係十分緊湊！楊卓娜除咗一再強調自己冇殺人外，講到激動處時更拎起𠝹刀以死證明清白，雖然只係短短30秒嘅片段，但係就已經引來唔少網民大讚演技超班：「楊卓娜真係好好戲」、「講真60歲嘅樣可以化出嚟，但係把聲真係聽得出下咗苦功」、「就算係配角都一樣咁出色」、「對楊卓娜的演技完全放心」等。

奪命提示線上看｜劇情1-30集奇案劇透（持續更新）「童夢之家」真兇曝光！

奪命提示楊卓娜楊卓娜更係演技大爆發上陣！（圖片來源：TVB） — 楊卓娜更係演技大爆發上陣！（圖片來源：TVB）

楊卓娜變60歲清潔女工曬演技

楊卓娜在《奪命提示》中飾演神秘清潔女工，無論衣著打扮或是老妝均入型入格，與平時明艷照人一面有極大反差！楊卓娜早前接受訪問時，透露角色年齡約為60歲，而為配合、甚至凸顯角色的悲情背景，楊卓娜演繹時刻意加了不少細節位，希望令角色出來效果更蒼老。楊卓娜透露拍攝初期，由於還處於摸索階段，角色妝頭花費時間更係超過兩小時！

奪命提示線上看｜劇情1-30集奇案劇透（持續更新）真兇提早曝光！

奪命提示楊卓娜楊卓娜在《奪命提示》中飾演年約60歲嘅神秘清潔女工。（圖片來源：TVB） — 楊卓娜在《奪命提示》中飾演年約60歲嘅神秘清潔女工。（圖片來源：TVB）

楊卓娜獨家訪問講《奪命提示》喊戲有成長

她更在《奪命提示》挑戰從影以來最瘋狂的角色 — 一名60多歲的情緒壓抑女士。「這套劇對我來說真是Heavy到爆！為了呈現真實狀態，我刻意減肥，不塗防曬，在陽光下耕田曬黑皮膚。」她更說：「無論以前演過多少哭戲，我都放在一邊；無論觀眾Comment好與不好，我都會放在一邊。我希望觀眾看到這一套戲，感受我的改變和成長。」