奪命提示丨郭柏妍著小背心與丁子朗火辣咀嘴親熱 觀眾唔識欣賞大派負評
《奪命提示》郭柏妍望突破乖乖女形象
《奪命提示》由文偉鴻（Jazz）監製，主要演員有陳山聰、張振朗、劉佩玥、劉穎鏇（Tiffany）、丁子朗、郭柏妍、林子善、呂珊、樊奕敏、區明妙等。新加入做「Jazz女郎」的郭柏妍，在官方宣傳片中透露自己是首次動用真槍拍攝，而且盡量親身上陣：「希望可以突破一直以嚟嘅乖乖女形象！」
丁子朗郭柏姸大膽親熱場面咀對咀肉緊親吻
方子超(丁子朗)、商雙(郭柏姸)兩人幾時變到咁親密？仲講埋啲唔符合佢哋身份嘅說話，原來係韓瑪利幻想出嚟嘅畫面，但拍攝時畫面真實肉搏卻絕無避忌：
TVB新劇大尺度親熱戲惹議 觀眾怒轟「背心槍戰」破壞合家歡時段
《奪命提示》郭柏妍與丁子朗這場火辣吻戲引發熱議，雖然劇情上是關於韓馬莉對前夫出軌的怨恨，但不少觀眾認為親熱尺度實在「沒有必要」，更有觀眾整理劇中多場「性感查案」場面，質疑製作組為收視刻意賣弄情色，甚至批評其內容較昔日三級片更露骨。
焦點一：女警「背心熱褲」查案被批脫離現實
多名觀眾狠批角色設定不合常理：「上山查案著熱褲？子彈仲識避開晒啲性感部位，勁過防彈背心！」（網民「正義師姐」）。有資深劇迷比較經典劇集：「陀槍師姐年代女警著制服都破到案，而家要露腰先得？仲要8:30播，細路睇完以為女警返工要化全妝㗎！」（網民「Madam唔易做」）。
焦點二：親密戲份被指「為做而做」
郭柏妍與丁子朗的幻想親吻戲雖被宣傳為「劇情高潮」，但觀眾普遍不買帳：「查案線求其就完，感情線就慢鏡加吹風咀足半集，不如改名叫《背心提示》？」部分留言更保留原文怒斥：「TVB你係咪要負責任？合家歡時間播啲咁嘅嘢，以前《壹號皇庭》10:30播都冇咁核突！」。
焦點三：與《新聞女王》高下立見
不少網民以《新聞女王》作對照：「Man姐幾套西裝殺晒，使乜露肉？好劇本自然有人追，學下咩叫專業啦！」。亦有觀眾失望表示：「期待咁耐得啲慢鏡頭同背心，不如重播《隱形戰隊》好過！」
郭柏妍苦練槍戰戲盼成功轉戲路
之前在《妳不是她》嶄露好身手的郭柏妍，這次挑戰難度十級跳的高強度動作場口，除了基本打鬥及逃亡場口，片中曝光最多的是型格開槍場口，著上小背心和短褲大騷好身手的她，不但姿勢十足十，就連狠冷的表面表情亦做到足。
首拍槍戰戲正式埋位一度嚇到彈走
談到動用真槍拍攝，郭柏妍接受TVB訪問時坦言起初正式埋位時嚇到一度彈走，並謂事前有刻意進行「持續聽槍聲」特訓，她說：「今次算係我第一套真正要打嘅動作戲，所以拍之前我都好緊張，特登有去做多啲運動同拉多啲筋，希望可以應付到；監製Jazz都有安排我哋上動作指導堂，幫我哋打定底。」
郭柏妍續說：「因為係第一次開真槍，所以都好難忘，因為我由細到大都好怕槍擊戲或者子彈聲，所以我事前有喺屋企不停聽呢啲子彈同嘭嘭聲，等自己冇咁驚，因為我估自己睇戲都已經咁驚，到現實（真係聽到）可能會更驚，所以希望預早聽定多啲適應。我驚嘅程度係會成個彈起同埋調頭走，我記得第一次拍開真槍戲時，我真係開完就即刻彈走咗，好彩嘗試咗幾次都叫做克服咗個難關，我都估唔到自己可以克服到。」
與丁子朗極奔放相擁場面曝光
除了動作場口夠晒睇頭，宣傳片還曝光了郭柏妍與前緋聞男友丁子朗「極級飄逸」的親密相擁場口，雖然拍宣傳片時兩人坐埋顯得好拘謹，但在劇情中的互動就好奔放，不但見到丁子朗對郭柏妍又攬腰又摸大髀，兩人更是胸貼胸，令人想起兩人2023年初緋聞正熱時，兩人曾親身示範大膽健身動作，做到郭柏妍面都紅晒！睇翻《奪命提示》亦係由2023年初開始拍攝，唔知監製Jazz係咪睇完呢段片之後靈感大爆發呢？
《奪命提示》丁子朗郭柏妍動作戲新嘗試：
郭柏妍丁子朗曾情侶檔上陣 親身示範大膽健身動作
郭柏妍和丁子朗2023年1月曾在《東張西望》以以緋聞情侶檔身份上陣，親自示範大膽健身動作。郭柏妍率先要跳到丁子朗身上，以大腿夾實丁子朗條腰，然後再凌空做出仰臥起坐的動作。郭柏妍一跳上丁子朗身上已經非常危危扶，丁子朗亦毫不避忌地一手攬實郭柏妍條腰，一手捉實郭柏妍大腿。動作大膽程度嚇窒一班觀眾之餘，在場的其他演員亦睇到喂哇鬼叫，郭柏妍都做到面紅紅，場面既尷尬又好笑！
大膽程度惹網民熱議：擺明益丁子朗
當日《東張西望》一出街，即刻惹來大批網民熱議。不少網民認為郭柏妍和丁子朗所做的情侶健身動作太大膽，又替郭柏妍感到不值：「芊芊面都紅哂，好心大台唔好搞呢D破壞佢清純形象啦,」、「無人問阿教練，點解要夾住個男人做sit up」、「搞到丁丁耳都红」、「做gym都玩到咁意淫，大台真犀利」、「擺明益丁子朗」等。
郭柏妍同丁子朗示範到面都紅晒！
