奪命提示｜重溫郭柏妍22歲泳裝環節問答 A0港姐快問快答尷尬講「收兵」

劉穎璇帶路 郭柏妍大賣性感 一集換足8個造型被轟「好Cheap」

劉穎璇及郭柏妍在《奪命提示》最新奇案單元中化身孖妹組合「Double C」，2人更先後以貓女郎、白色晚裝、嬌俏空姐、啦啦隊、女僕水著、霸氣皮背心、瑜伽及「偽出浴Look」8大造型亮相，每一套造型都吸睛到爆，搞到唔少網民都直言呢個單元係「福利單元」！

A0郭柏妍22歲選港姐形象正面清新

當年22歲郭柏妍參加《2020香港小姐》入行，自參選以來鮮有緋聞纏身，形象正面清新，因而被譽為「港版子瑜」，她更坦言從未談過戀愛，展現出極為純情的個性。

被封「港版子瑜」 港姐泳衣環節曬身份證

2020港姐總決賽要一眾佳麗曬出身份證的照片，郭柏妍都不例外。不過郭柏妍的身份證照片同當時的郭柏妍相差甚遠，就連郭柏妍自己都話「大家冇睇錯，相入面嗰個真係我嚟，正所謂女大18變，越變越靚咪得囉！」問答環節主持之一的Do姐都有問郭柏妍「有冇同學唔認得你？」郭柏妍都大方回答指「之前都有試過，但佢哋之後都認得我」，淡定過關。

即問即答指自己冇收過兵

當年港姐的泳衣問答環節仲玩「快問快答」，麥美恩問到郭柏妍「想唔想快啲拍拖」，郭柏妍即刻話「想」，當麥美恩接著問「最高峰期收過幾多隻兵」，郭柏妍就笑住講「冇」，睇到「Do姐」鄭裕玲、陸浩明、麥美恩、Patrick Sir都笑得好開心！

遭網民同香香比較 得體回應獲激讚

問完個人問答環節之後，仲有團體問答環節，當時就有網民指「鏡頭一pan去後面，見到岑麗香就殺曬你哋幾個」，前幾位佳麗都答得模模糊糊，但郭柏妍就非常精靈地回答「我都覺得係香香靚啲，因為佢本身就已經係冠軍」。

最後成功奪季軍 演藝路超順利

郭柏妍最後憑出色表現奪得季軍，隨即加入TVB，展開演藝之路，首部作品《白色強人II》已展露潛質。其後佢接連出演《雙生陌生人》、《下流上車族》等劇，憑《下流上車族》嘅「車芊芊」一角人氣急升，更喺《萬千星輝頒獎典禮2022》獲「飛躍進步女藝員」獎。2025年，佢喺新劇《奪命提示》演出，繼續喺TVB發光發熱。

https://youtu.be/O2Oo_wGiVt4?si=sF0WBmquggVWC1pO&t=395