奪命提示｜郭柏妍騷長腿上陣做打女 「腳柏妍」再現險毀張振朗終身幸福！
廣告
TVB劇集《奪命提示》開播以來話題十足，昨晚（26日）一集就繼續調查人體離奇自燃事件，於劇中飾演「商雙」嘅郭柏妍就孖住方子超（丁子朗飾）齊齊查案。郭柏妍仲在劇中展現「腳柏妍」嘅實力，大騷長腿上陣做打女，不過打起上嚟有板有眼嘅郭柏妍，其實劇外就相差甚遠……
奪命提示線上看｜1-30集第二周劇情更新 周五晚上人體自燃案真兇現身！
奪命提示｜郭柏妍騷長腿上陣做打女
郭柏妍在拯救好友場口雖然表現有板有眼，不但眼神夠晒兇狠，出拳及起飛腳亦相當有力勁。不過原來一切只是劇組打造的效果，鏡頭背後的郭柏妍在拍攝現場走動時恍如小學生趕放學般，Cutie慌失失樣子配以「盲頭烏蠅式」跑姿，相當搞笑。至於打戲部分，郭柏妍雖表現得一面認真，但依然全程散發著姐手姐腳的味道，可愛爆燈！
奪命提示｜郭柏妍「腳柏妍」上身攻擊張振朗
今晚（27日）郭柏妍又有新搞作，在其中一場跟張振朗學打拳的場口中，郭柏妍將會唧出「狠樣」展現「花拳繡腿」，還會「腳柏妍」上身踢傷張振朗重要部位！而張振朗更係繼昨晚劇情中因欺騙劉穎璇而被蟹夾大脾後，「敏感部位」再度受傷出鏡！
