姚焯菲Chantel新歌MV十日破百萬點擊勝COLLAR！越洋開心答謝歌迷支持
廣告
同為TVB《聲夢傳奇》出身的姚焯菲（Chantel）和鍾柔美（Yumi）早前齊齊推出新歌MV，來一場同門對決，不但有指唱片公司製作MV方面明顯大細超，Chantel新歌《這個姿態》MV更先勝一仗，點擊率大幅跑贏Yumi。近日Chantel再接再厲，於音樂平台上架10日至昨日（1日）點擊次數突破100萬，擊敗上架11日的COLLAR新歌《idc》MV，氣勢強勁！
姚焯菲：做到呢個新嘗試已經好滿足！
新歌《這個姿態》於Youtube有不俗成績，除打入「熱門音樂排名」及「綜合熱門排名」前列外，《音樂排行榜與音樂數據分析 (7日數據)》中高踞全港第4位，點擊次數更於MV上架約一週後，突破100萬！Chantel在網上留言多謝歌迷支持：「好開心大家都鍾意《這個姿態》，做到呢個新嘗試已經好滿足！大家記得要繼續留意同支持聲夢嘅歌啊，我哋會繼續努力。」另一方面，曾被指風格撞到應的COLLAR新歌《idc》MV，點擊次數只有約39萬，明顯比Chantel遜色！
姚焯菲離港前同自己燈箱「打卡」
Chantel目前已飛返新西蘭繼續升學，不過香港粉絲「小菲象」相當有心，為Chantel新歌落力宣傳，應援宣傳計劃包括已租用港、九及新界共138個各類型燈箱、巴士站燈箱及巴士上的廣告播放MV片段，而Chantel離港前更到巴士站的燈箱「打卡」留念。另外，她今日又在IG限時動態轉發一張由朋友晒出的純情貼紙相，該朋友還表示：「震撼瞳孔的日本貼紙相」。
姚焯菲同COLLAR MV撞到應 網民大讚Chantel靚好多
今次Chantel拋開小公主形象，以型格Y2K形象示人，唔少網民同歌迷都大讚有新鮮感之餘，造型又夠好睇。相反新MV一樣行Y2K風格的COLLAR，就被網民狠批今次造型非常不討好，尤其是Candy、Marf和GAO等人的打扮就最為肉酸。網民亦指出雖然Chantel同COLLAR同樣遠赴日本拍MV，但Chantel MV就能夠帶出日本街頭的獨有美感，而COLLAR MV就同喺香港拍冇乜分別。
鍾柔美、COLLAR新歌被指部分旋律相似
同時亦有網民指出Yumi新歌與COLLAR新歌雖然乍聽之下風格不一，但其實某些部分旋律和節奏都非常相似，特別係兩首歌的後半部都非常相似。
大家又覺得似唔似呢？
