姚焯菲18歲生日變女王 「小菲象」邀炎明熹拍片送6字祝福

After Class「同片不同框」齊人 全靠姚焯菲生日

日前姚焯菲嘅後援會上載咗一段新片，片中除咗見到多位藝人例如：陳瀅、吳業坤、JW王灝兒、泳兒以及眾《聲夢》歌手外，久違未與After Class合體嘅炎明熹（Gigi）亦以拍片方式現身，為好友送上祝福。而片中仲會見到鍾柔美（Yumi）及詹天文（Windy）嘅身影，都算係After Class久違地「同片不同框」齊齊出鏡！

炎明熹現身影片 送上 6字祝福

近期因傳出有意離巢被雪藏嘅炎明熹亦有拍片祝福姚焯菲，更係After Class久違地齊齊出鏡。Gigi在影片中向Chantel送上一句「18歲卜卜脆」6字祝福，並期望對方心想事成，亦希望Chantel 可以「食好多好食嘅嘢」。

姚焯菲同呢位一代歌后竟然有交集

除咗一眾藝人送上祝福嘅影片外，後援會亦上載咗一段姚焯菲的成長歷程，片中更有超多絕密相公開！不過當中最吸引嘅，就莫過於由一代歌后徐小鳳抱住BB姚焯菲嘅照片，令唔少網民都驚嘆2位竟然有交集！而姚焯菲亦冧爆拍片畀18歲嘅自己，更寄予自己要成為1個好嘅大人以及生活開心。