【鐵探】演技備受讚賞 姜皓文與太太同甘共苦19年
編輯：Sunday Kiss｜原文：東方新地｜圖片來源：Facebook，Instagram，節目截圖
姜皓文捱足33年終苦盡甘來
今年53歲、花名黑仔嘅姜皓文出身於亞洲電視，入行33年，由茄哩啡做到配角王，再做到今時今日男主角位置，今年甚至首次獲提名金像獎「最佳男主角」，雖然最終都輸咗畀黃秋生，但其實一切得來不易。
姜皓文喺《翠絲》中，飾演從小就內心女性化嘅佟大雄，直到大個已經結婚生仔後，畀朋友喚醒「內心嘅自己」，決定做跨性別手術，成為翠絲。
延伸閱讀：【香港電影金像獎2019】黃秋生演活半癱病人 再奪影帝寶座
姜皓文被激讚勁好戲
近年幾乎套套港產片皆有姜皓文其影，而最近播出的新劇《鐵探》他亦有份擔演，首次為TVB拍劇的黑仔於劇中演技大爆發，尤以於監獄中Bingo（姜皓文飾）與患有腦退化症的嫻姐（盧宛茵飾）相認一幕最為深刻，亦感動不少觀眾！
由電視圈跳到去電影圈，再由電影圈首拍TVB電視劇，多年於演藝圈的浸淫，實力當然無可置疑，難怪黑仔都被網民大讚該幕對手戲非常好戲，令人催淚！而且，有網民指黑仔的內心戲、感情戲比同劇演員，甚至同樣飾演過警隊臥底的謝天華（《潛行狙擊》的Laughing哥）更動人！
面對網民讚賞，黑仔謙虛澄清《鐵探》的Bingo與《潛行狙擊》的Laughing哥是兩個不同的卧底角色，並解釋獄中相認一幕之所以如此入戲，原來是想起過往與婆婆相處的畫面，皆因其婆婆都同樣患有腦退化症，曾試過食飯途中突然不認得黑仔。
延伸閱讀：【鐵探】「老戲骨」許紹雄大晒演技 戲外實為廿四孝爸爸
與太太同甘共苦19年
姜皓文與殷寧(原名金慧英)結婚19年，人前人後表現恩愛，去年結婚周年紀念日，黑仔更送上檳城一層樓給殷寧，揚言要與摰愛「牽手相伴甘苦與共」。黑仔對於老婆多年來的遷就更是感恩，雖然時有嘈交，不過二人很珍惜這段關係。
希望毎年同太太行紅地氈
黑仔為香港電影有巨大貢獻，每年都接拍多部電影，幾乎年年都被提名金像獎。今年黑仔首次被提名「最佳男主角」，雖然最終落敗，但仍對外大方回應「再接再厲」，更表示最希望其實係「毎年都能夠和太太在這紅氈上奔跑」，真係好Sweet呀！
姜皓文：我哋成日嗌交
二人結婚已經19年，姜皓文笑言佢哋成日嗌交：「初初結婚唔識得點去珍惜，唔識點去處理婚姻生活，兩個人生活，唔係咁簡單，唔係話住埋一齊，你就我、我就你，真係有種節奏喺度，大家要配合得好好。我覺得最忌一樣嘢，兩口子點樣發脾氣、點樣惡都好，唔好講啲真係太傷人嘅說話，一次就你、兩次就你，三次就真係唔得㗎嘞，唔可以郁啲話離婚、分開，千祈點嬲都要忍住唔可以講，除非你唔想段婚姻長久落去啦！老土啲講句人氹人係OK嘅，個節奏咪大家盡量去配合囉！」
愛玩煮飯仔
問佢閒時同太太做咩多？黑仔回答：「我有我，佢有佢，哈！佢鍾意啲花花草草，好鍾意魂遊太虛諗啲佢自己世界裡面嘅嘢，但係每年我哋都會一齊放假去旅行，因為我哋生日同結婚周年連住幾日，平時就一齊煮吓飯，依家我唔鍾意出街，飲酒又唔揸得車，我依家都少飲，因為我好控制唔到自己，我會追酒飲，飲完亂晒籠，又斷片，好恐怖㗎，試過同朋友返內地飲酒，飲到唔見咗我，我去咗第度唔知同邊個飲，瞓醒褲袋一大疊咭片，所以好危險。」
姜皓文坎坷身世
因身同感受而更容易投入劇情，黑仔於訪問中更坦言自己睇劇本時已經不禁眼濕濕！事實上，黑仔的童年及青少年時期亦並不過得如意，他一出世後不久爸爸便拋棄家庭，只好與媽媽及弟妹過活。後來，媽媽患病，無可奈何之下惟有把弟妹都送到兒童院，減輕負擔。
14歲時，媽媽過身，黑仔被送到由香港學生輔助會營運、位於觀塘的少年宿舍，自始自己照顧自己。雖然如此，黑仔仍正面面對生活，初中時他與宿友到酒樓賣點心、做裝修、表演雜技，靠自己賺錢維持生計。
其後，因當時的女朋友於特約演員公司工作，因緣際會下成為人人口中的「茄喱啡」，更膽粗粗下參加亞視第一屆香港電視先生選舉，奪得亞軍兼誤打誤撞加入亞視，正式入行！
曾欠債財困
不過當時未有人氣的黑仔曾被認錯是莫少聰，而且出鏡機會極少，打開銀包只有幾元，可說是窮到燶。試過被包租婆追屋租，鎖門，被稅局追交稅等。財困情況下，黑仔最後用所剩的錢買六合彩，博中獎有錢交租，最後沒有中獎的他幸好有朋友願意借錢，才令他捱過那段黑暗日子！
捱足33年苦盡甘來
人生浮沉，黑仔反自嘲自己只得沉，幸好最終他亦捱到出頭天，片約不斷，而近年黑仔最爆嘅角色相信是電影《翠絲》中演變性人，黑仔透露：「拍《翠絲》嗰陣情緒好波動！個個都成日催我睇醫生，係難抽離！」
反觀《鐵探》，黑仔拍同惠英紅(紅姐)拍劇都好有壓力，「話晒影后，好彩紅姐好人啫，紅姐真係好到不得了，佢真係超級偉大，拍之前佢會幫你暖場，等你對住佢唔會好大壓力，我依家發覺原來惠英紅係一個小妹妹嚟，佢真係少女到不得了，同我講吓食嘢、買嘢、減肥，好開心嘅!」
衝擊金像獎影帝
雖然人生經歷不少低潮，但如今回頭一看，也許一切皆是上天給姜皓文的考驗。人生崎嶇不平，亦正因如此，一切的經歷更有助他代入角色演戲！
