姜麗文自爆未夠一歲母親拋夫棄女父親秦沛為爭撫養權捱窮

Q: 今屆萬千星輝頒獎典禮2021 得獎名單詳情？

今屆頒獎禮名單由最佳男配角開始、姜麗文大熱奪飛躍進步女藝員後，飛躍男藝員鬧雙胞⋯⋯ 得獎名單詳情 ｜ 最後五強名單

Q: 「非親生」的鍾嘉欣今屆能奪獎嗎？

鍾嘉欣為了出席今屆頒獎禮，一早帶同兒子由加拿大返港，賽前一日曾有說她閃電離港，但事實係⋯⋯ 詳情請看

May 1 2024

姜麗文曾於《萬千星輝頒獎典禮》奪得「飛躍進步女藝員」獎項，雖然有個好戲爸爸秦沛撐腰，但入行多年都是靠自己向上爬，近年她憑《開心速遞》外傭「Lisa」一角入晒屋，演技大獲好評，終於唔使「因父之名」。最近補辦婚禮的姜麗文，曾經在訪問中自揭，自己年幼時秦沛為爭一對子女撫養權，不惜傾家蕩產，亦因為這個原因，令姜麗文與哥哥姜文杰更加懂事。

姜麗文相隔兩年補辦婚宴秦沛笑到見牙唔見眼

現年38歲的姜麗文（Lesley）與圈外另一半Pakho原定2020年2月2日結婚，當時二人的誓詞已寫好，但卻因疫情而將婚期無奈押後。直至日前姜麗文終於在社交平台分享了在香港補辦婚宴的照片，相中見到一向孝順的Lesley逐一向長輩們敬茶：「與我們的家人一起進行美麗的茶宴，這是多麼美妙的方式來慶祝我們的愛。」相中秦沛望着心愛的女兒穿著婚紗，眼中流露出無限疼愛與不捨，不過在女兒女婿向他斟茶的一刻，秦沛便笑成四萬咁口，相當搶Fo！而Lesley的四叔姜大衛、四嬸李琳琳及二人的女婿曹永廉等家人也有現身婚宴，為Lesley送上祝福。

姜麗文生母 Lesley與爸爸秦沛。（圖片來源：IG@lesleychianglove） — Lesley與爸爸秦沛。（圖片來源：IG@lesleychianglove）

飛躍進步女藝員｜姜麗文爆父親為爭撫養權變窮

姜麗文與父親秦沛感情深厚，日前在商台節目《1圈圈星光背後》，姜麗文首度公開講親生母親

「我親生媽咪喺我1歲前已經走咗，我真係冇乜feeling，亦唔係嬲，爸爸為咗可以keep我同哥哥可以喺埋一齊，佢乜嘢都畀晒佢(生母)，我非常之感恩，覺得爸爸好偉大。嗰陣86年，啱啱贏咗《癲佬正傳》金像獎最佳男配角，佢再變番窮喎！嗰時阿爸為養家咩都接咩都做，我哋喺片場見證住佢拍戲好辛苦，覺得佢真係無得頂！」

姜麗文生母姜麗文日前接受商台節目訪問。（圖片來源：《1圈圈星光背後》影片截圖） — 姜麗文日前接受商台節目訪問。（圖片來源：《1圈圈星光背後》影片截圖）

重溫得獎場面｜萬千星輝頒獎典禮2021｜飛躍進步女藝員｜姜麗文

姜麗文2017年加入TVB，從唱作歌手轉型為演員，喺《愛回家之開心速遞》飾演外傭姐姐Liza為人熟知；而喺《星空下的仁醫》飾演嘅病童媽媽更令觀眾共情，首次入圍馬上飛躍，得獎實至名歸！姜麗文能夠攞獎，全有賴各位投票支持，大家一齊恭喜佢啦！

姜麗文生母姜麗文覺得爸爸秦沛非常偉大。（圖片來源：IG@lesleychianglove） — 姜麗文覺得爸爸秦沛非常偉大。（圖片來源：IG@lesleychianglove）

秦沛是「Long D爸爸」

在片場長大的姜麗文，看過秦沛在高溫40度下拍戲，兩兄妹深深感到父親的偉大，所以無論兒時讀書或出來工作，他們都會更加努力做好自己。由於年幼時已在加拿大生活，談到以前經常與秦沛分隔兩地，姜麗文說：「其實佢係『Long D爸爸』，成日工作飛來飛去，不過佢成日都寫嘢同畫嘢，又會送禮物畀我哋，等我哋覺得佢成日都陪住我哋。」

姜麗文生母秦沛曾為爭一對子女撫養權，花光所有興蓄。（圖片來源：IG@lesleychianglove） — 秦沛曾為爭一對子女撫養權，花光所有興蓄。（圖片來源：IG@lesleychianglove）

姜麗文生母姜氏兄妹從小看著爸爸辛勤養家，自然特別生性。（圖片來源：IG@lesleychianglove） — 姜氏兄妹從小看著爸爸辛勤養家，自然特別生性。（圖片來源：IG@lesleychianglove）

自資出碟從來冇買過名牌

姜麗文曾與哥哥姜文杰自資出碟，以歌手身份在香港出道，錢賺唔到生活拮据，他們都從來不向父親伸手：「爸爸實在太勤力喇，佢已經76歲，我憑乜嘢用佢多年嚟儲嘅錢呢？佢係咪應該用呢啲錢同我媽咪(指繼母)享受生活過二人世界呢？我到依家都未買過名牌，自己生存到就冇問題。」即使秦沛曾提議出錢畀姜麗文買樓做首期，她都拒絕。

姜麗文生母姜麗文表示長大後從不伸手問爸爸拎錢。（圖片來源：IG@lesleychianglove） — 姜麗文表示長大後從不伸手問爸爸拎錢。（圖片來源：IG@lesleychianglove）

姜麗文生母為了實現歌星夢，姜麗文試過連60蚊的士多啤梨都買唔起。（圖片來源：IG@lesleychianglove） — 為了實現歌星夢，姜麗文試過連60蚊的士多啤梨都買唔起。（圖片來源：IG@lesleychianglove）

60蚊盒士多啤梨都買唔起

當姜麗文回憶與哥哥姜文杰耗盡20萬積蓄，製作三首歌的EP，就更加點滴在心頭：「我咃除咗租錄音室，仲要請樂手，攝影師同拍MV……好快已經使咗20萬。第一年做新人，我哋只賺咗萬幾蚊，試過窮到去超巿，想買一盒好想食嘅士多啤梨，60蚊我都買唔起，最後喊住走，好彩阿爸唔知呢件事，嗰陣時真係好辛苦！」

姜麗文生母姜麗文與哥哥姜文杰曾入行做歌手。（圖片來源：IG@lesleychianglove） — 姜麗文與哥哥姜文杰曾入行做歌手。（圖片來源：IG@lesleychianglove）

姜麗文生母歌星唔易做，姜麗文入不敷支都頂硬上。（圖片來源：IG@lesleychianglove） — 歌星唔易做，姜麗文入不敷支都頂硬上。（圖片來源：IG@lesleychianglove）

重提最傷心一次

對於主持重提患抑鬱症，姜麗文承認是因為失戀導致：「我嗰時都唔知自己患抑鬱症，覺得失戀唔開心好合理吖！不過嗰個係人生最大嘅失戀，OH MY GOD！嗰個痛苦係到依家都…..所以我拍《星空下的仁醫》隨時都可以喊得出，因為當時嗰個Hurt好大！(當中係咪包括對方出軌？)OH！好老實講，我到依家都真係唔知！唉！唔好講呢啲……我試過三次想死，就係有呢個病，我依家先識得更愛、更錫自己！」眾所周知，姜麗文患抑鬱症前曾與鄭俊弘拍拖多年，因為這次情傷，她試過4年冇拍拖，17年終於覺得自己準備好，在朋友介紹下認識現在的未婚夫Pakho，二人一拍即合，至今都未曾鬧過交。

姜麗文生母姜麗文曾與鄭俊弘拍拖多年，當年鄭仍是二打六冇人識，與姜麗文出街都是女方畀錢。（圖片來源：東方新地圖片庫） — 姜麗文曾與鄭俊弘拍拖多年，當年鄭仍是二打六冇人識，與姜麗文出街都是女方畀錢。（圖片來源：東方新地圖片庫）

姜麗文生母當年鄭俊弘都有同秦沛姜麗文行街。（圖片來源：東方新地圖片庫） — 當年鄭俊弘都有同秦沛姜麗文行街。（圖片來源：東方新地圖片庫）

姜麗文訂製父親「顏爺」造型耳機外殼網友神回：「你大我呀！」

秦沛女兒姜麗文（Lesley）在無綫電視劇《星空下的仁醫》中，演技脫胎換骨備受觀眾讚賞。Lesley近日在IG分享新搞作，竟然自製父親秦沛的經典電影角色「顏爺」耳機外殼，結果獲網友極速神回：「你大我呀」！

自製「顏爺」耳機外殼

秦沛女兒姜麗文（Lesley）至今已入行近10年，雖然星途一直浮浮沉沉，不過她因為早前在無綫電視劇《星空下的仁醫》中的一場喊戲，獲網民大讚演技大躍進，更人氣急升。Lesley近日就在IG分享新搞作，竟然搞笑地將父親秦沛在電影《五億探長雷洛傳》的經典角色「顏爺」相片，放在新耳機的外殻上，並留言道：「各位觀眾我的新耳機！！！依家唱歌永遠都會聽到阿爸同我講「你大～聲啲！」，獲網友大讚有創意，紛紛留言：「你大我呀」、「你沛得起」、「聽爸爸的話」等等。