《愛回家》小花半年冇工開！靠底薪過活、感嘆受公司「改制度」影響

孟希璘冇工開靠底薪生活

孟希璘15歲患上原發性雷諾氏綜合症，導致關節長期腫痛又經常發熱，須長時間接受治療。最近孟希璘就因為此病停工，不過早前佢接受訪問就透露心律不正同「甲亢」仍需時間康復，不過關節痛嘅情況就已經改善唔少。孟希璘更大爆停工以來都係靠積蓄來維持生活，並稱自己「都係有底薪嘅」，而且慳錢成習慣嘅孟希璘亦明白演藝行業的確會有好大落差。

孟希璘呻公司變制度少咗工開

孟希璘亦透露，TVB現時多數劇都係與內地視頻平台同步，因此拍劇嘅模式已經唔似以前流水式作業咁劇接劇，亦係新劇產量下降嘅原因。而且除咗自己外，公司亦有唔少同事都面臨冇工開嘅情況。

孟希璘爸爸大有來頭

孟希璘仲提及父親孟龍亦與自己面臨類似情況，孟父是香港資深動作演員，甚至幾年冇開過工。但係孟希璘就稱父親從來都冇放棄過，依然keep住研究電影製作，並於冇工開嘅日子揸van仔維持生活，令自己學識好好裝備自己，等機會來到時就盡情投入。