季前賽｜MIRROR復出現身記者會 正面回應紅館事故後敏感問題
《季前賽》4位MIRROR成員齊現身
自7月底MIRROR紅館演唱會發生嚴重事故後，MakerVille於8月中宣佈MIRROR「休團」兩個月，踏入10月，MIRROR各成員陸續復出開工，MIRROR亦宣佈推出新團歌《We All Are》，而今次記者會，亦是4位MIRROR成員：姜濤、Ian（陳卓賢）、Edan（呂爵安）、Stanley（邱士縉），近月來首度在公開活動上現身，並接受傳媒訪問。
張繼聰做「痴漢隊」教練
今次記者會上，大家除了分享拍攝期間的笑料和趣聞外，「痴漢隊」和「翰林大學隊」仲會即場進行一場前哨戰，其中由教練「喪波」張繼聰帶領的街頭籃球隊「痴漢隊」，成員有「高家孝」姜濤、「關浩德」Edan、「張智良」Stanley、「朱昆潤」肥仔以「楊舜光」193。
「翰林大學隊」成員則有「卓立鋒」Ian、「陳國秋」Brian（陳安立）、「張仕南」Phoebus（吳啟洋），以及Marco （葉振弘）和黃定謙，教練則是「潘Sir」強尼。
女角方面，Yoyo（葛綽瑤）飾演球隊經理，Evelyn（蔡穎恩）飾演Stanley老婆，她笑言會同Stanley有床上激烈戲份，童愛玲就演姜濤阿媽，李敏演Edan家姐，娟姐（練美娟）就會同肥仔有感情線。
記者會上一眾演大打友誼波，場上十位球員中只得姜濤戴住口罩，肥仔初時因為「急屎」拒絕落場，但原來只係留力打下半場。比賽中Stanley、Phoebus、Ian和姜濤等都先後有入波，最後由「翰林大學隊」勝出，「痴漢隊」球員要被罰彈額頭。
MIRROR四子回應演唱會事故後敏感問題 ：
Ian陳卓賢、Edan呂爵安、Stanley邱士縉今日宣傳新劇《季前賽》，除咗分享演唱會意外後嘅心路歷程外，Ian都有講返點解辭演電影《拼命三郎》；姜濤就回應返港時獲安排行VIP通道嘅原因，否認公司厚此薄彼；而Edan就講返同袁澧林嘅緋聞。大家冇見MIRROR咁耐，相信都有好多嘢想知：
Q1：Edan 當時在台上，當日和現在心情如何 ？
「大家呢段時間嘅心情都唔同，好複雜，諗多咗好多嘢，需要啲時間去消化。」Edan表示幾位兄弟的復原時間都有不同，大家與公司商討過，認同兩個月是大家都能適應的時間。「但公司都會評估我哋嘅情况，如果我哋覺得唔OK都會同公司講。依家可以出番嚟做嘢，都會繼續畀心機做嘢。」
Q2：Stanley是否有看心理醫生？
Stanley受訪時表示，成員都想去醫院探望，但公司指醫院探訪人數有限制，所以現階段他們不適合前往。Stanley又補充︰「事件發生嗰陣時就一定會難入睡啲，始終係自己好好嘅兄弟，所以係辛苦啲，慢慢平復咗情緒就會好啲，一步一步行囉。」
Stanley表示自己也是舞蹈員出身嘅，會上心啲，說起來也有點眼濕濕。不過Stanley澄清他沒有患上創傷後壓力症（PTSD）︰「我冇咁嚴重，但公司都擔心我哋，好照顧我哋嘅情緒，反而即刻去搵啲顧問評估番我哋嘅狀態。傾偈之後，我覺得呢啲反應係正常，自己都安心。」
Q3：Ian因心情未平復而辭演電影，現在狀態如何？
Ian坦言至今仍自覺未完全準備好，需要再沉澱一會︰「辭演係8月時做出嘅決定，我當時認為自己未能揣摩好角色。電影公司話等我，睇吓10月尾或者幾時會唔會好啲，但我認為冇必要令劇組百幾人等我一個去調整自己，好似拖累咗大家嘅進度，而且當時亦未知自己10月時嘅狀態會係點，會唔會勝任到呢個工作。」
Q4：姜濤：我知大家一定有呢個疑問⋯⋯
被問到復工前姜濤決定與家人外遊，他表示已預料到大家一定有此疑問，他強調自己答應與家人旅遊已有一段時間，加上自己好想離開香港散吓心：「我都考慮咗好耐，我覺得我嗰時淨係想離開呢度。」Edan更為身旁的姜濤護航︰「始終我哋係呢一段時間嘅關注度比較高，如果想放鬆，未必有咁多選擇，出國會容易啲平復思緒，沉澱吓，有一個良好空間思考同休息。」
Q5：Edan 是否找到真愛 ？
對於Edan傳戀上29歲「文青女神」袁澧林，他強調2人只是好朋友，並為網民猜測二人家居背景合照相近而解畫︰「絕對唔係佢屋企嚟﹗可能我哋合作嘅次數比較多，佢喺《闔家辣》入面又演我女朋友，令大家有咁嘅疑惑。我有睇相入面嘅背景，好明顯張梳化係唔同嘅，而且好多裝修都有類似嘅雲石，所以唔係咁嘅一回事，多謝大家關心﹗」
姜濤度假後返港極速復工
備受粉絲期待的《季前賽》，主角除了有4位MIRROR成員外，還有ERROR成員肥仔（梁業）、193（郭嘉駿），以及剛變回「一線藝人」的張繼聰，而女角則有《全民造星4》出身的Yoyo（葛綽瑤）、李敏、娟姐（練美娟）和童愛玲等。其中姜濤早前同屋企人飛去巴黎及英國度假，玩足大半個月，直到昨日（10月20日）才與姜媽一同返港。
張繼聰做「痴漢隊」教練
今次記者會上，大家除了分享拍攝期間的笑料和趣聞外，「痴漢隊」和「翰林大學隊」仲會即場進行一場前哨戰，其中由教練「喪波」張繼聰帶領的街頭籃球隊「痴漢隊」，成員有「高家孝」姜濤、「關浩德」Edan、「張智良」Stanley、「朱昆潤」肥仔以「楊舜光」193。
姜濤 VS Ian
而「翰林大學隊」成員則有「卓立鋒」Ian、「陳國秋」Brian（陳安立）、「張仕南」Phoebus（吳啟洋），以及現役籃球員何倚富，和已退役的籃球員蘇伊俊等。之前劇照中，已有不少姜濤和Ian在球場上對戰的場面，獲網友大讚好有型。
《季前賽》故事簡介
阿孝（姜濤@MIRROR 飾）、阿德（呂爵安@MIRROR 飾）及張良（邱士縉@MIRROR 飾）曾經是街頭籃球場的常客，不過因為各自的原因和理由，暫時放下心愛的籃球活動。直到一次，全港首屈一指的大學籃球隊B隊來到社區掃場。以喪波（張繼聰 飾）為首的街坊們不甘心籃球場被霸佔，於是向他們作出挑戰。
三子臨場應喪波的邀請，聯同街坊們上演一場對抗賽。最終合三人之力和喪波的戰術下，將籃球隊擊退，成功保住球場。戰勝過程被網紅放上網，一夜之間成為城中話題。大學籃球隊A隊隊長鋒（陳卓賢@MIRROR 飾）得知球隊慘被街坊擊敗，心有不甘帶同正選球員踩場一雪前恥。面對正統籃球隊的進攻，三子與喪波一敗塗地，兩邊為了面子立下誓約，6個星期後再決戰。
作為教練的喪波拉著三子特訓，並找來光仔（郭嘉駿@ERROR 飾）和豬潤（梁業@ERROR 飾）加入球隊。在喪波的帶領下五人球隊挑戰全港各區街場，漸漸成為有組織的正規籃球隊。但不斷的挑戰令他們發現人外有人、天外有天，從前在街頭上得到的甜頭不過是自欺欺人。眼見期限越來越近，眾人心灰意冷，加上生活上的各種不如意，究竟眾人會否再次放棄籃球，還是面對自己再戰一次？
《季前賽》姜濤 X Ian 陳卓賢 努力熱身！
