第三名又如何？ 歷屆8位靚爆港姐季軍一覽
撰文：Sunday Kiss｜圖片：新傳媒圖片庫、朱千雪Instagram、劉佩玥Instagram
歷屆8位靚爆港姐季軍一覽
1. 2012年朱千雪
首先係網民至愛的朱千雪！朱千雪為2012年香港小姐季軍，參選時深得網民支持，當年無綫電視首次推行一人一票選出港姐冠軍，但最後網上投票系統伺服器發生問題，三甲依舊按評判評分選出，千雪最終只獲得季軍！而冠、亞軍分別為張名雅、黃心穎。
近年有唔少人睇番轉頭，都話其實2012年呢屆港姐真係超高質，除了現時大受歡迎的朱千雪外，仲有「靚湯」湯洛雯、身材出眾的林泳淘、陳潔玲，以及袁偉豪前女友岑杏賢等。
《EU超時任務》
千雪選港姐後加入無綫，參演過不少劇集，但說到其代表作一定係2016年《EU超時任務》！千雪飾演的Madam Ling凌晨風令人留下深刻印象，與渠頭(王浩信飾) 的一段情更是讓觀眾心酸落淚！
喺當年台慶頒獎禮中，朱千雪同王浩信都憑《EU》成為視后、視帝大熱，不過最終只獲「最受歡迎劇集搭檔獎」，唔少觀眾都好失望！
《踩過界》 再遇王浩信
之後朱千雪同王浩信喺劇集《踩過界》再演熒幕情侶，可惜最後又係令人傷心的結局…
美貌與智慧並重
美貌與智慧並重的千雪BB人紅唔囂又夠貼地，發展演藝事業之餘亦是好學不倦！千雪早年畢業於西門菲莎大學商業和傳理系，後來於香港中文大學攻讀企業傳播社會科學系碩士都仲未夠，佢選擇停工一年，再修讀香港城市大學法律博士學位！
朱千雪為人貼地，素顏返學待人絕無架子，據知仲引來唔少狂蜂浪蝶，成為Law界女神 ！不過佢為讀書犧牲不少私人時間，有時一日要花10至12小時溫習。
成幸福人妻
昨日（6月28日）朱千雪在社交平台宣布，將會嫁青梅竹馬的醫生男友吳昆倫（Justin）。朱千雪表示，二人的媽媽選擇在在同一間醫院房生小孩，二人早在出生已認識， 從前靠媽媽才會接觸，「但現在我們長大了…我們懂得建立屬於我們的友誼，屬於我們的感情，而現在也要開始建立屬於我們的生活。」
2. 2013年 劉佩玥
2013年港姐季軍劉佩玥(Moon)，174cm模特兒身高令佢在當屆鶴立雞群，加上標致面孔及甜美笑容，輕易令人留下深刻印象！
拍劇成功入屋
劉佩玥當選港姐季軍後加入大台，起初以節目主持為主，至2014年首參演劇集《四個女仔三個Bar》，漸漸入屋，又同何雁詩、陳瀅等人成為好姊妹！
直至2015年的《殭》，阿Moon一改戲路，以幹練短髮造型飾演成熟冷酷的女助手羅穎兒，佢在結局篇中為愛人龐應天(關禮傑飾) 報復後在對方的墓中服毒自殺，好震撼！
受力捧程度明顯不及同屆的陳凱琳、蔡思貝， 不過劉佩玥持續喺劇集有不俗表現，憑演技獲觀眾認同。在《城寨英雄》中，阿Moon飾演千金小姐柯德莉，最後與愛人龍成虎陰陽相隔，令觀眾深感惋惜…
早前，劉佩玥在大熱劇《 降魔的》飾演靈異節目主持「啤啤」，演出大受好評，成功入圍台慶「最受歡迎電視女角色」！
新劇輪住上
嚟緊阿Moon有《十二傳說》等劇keep住上， 令人期待！另外，阿moon更曾推出寫真散文集！絕對是大家的福利！
Moon大方展露美妙的身材，美人與美景美妙交融。
書中更首次分享家人、朋友以及身邊重要的伙伴在她人生路上的影響。
3. 2016年 陳雅思
陳雅思為2016年港季軍，不過風頭似乎都被冠軍馮盈盈及亞軍劉穎璇蓋過，所以觀眾對其認識較少，但其實佢樣貌身材都相當唔錯呢！
歎得好健康
早前陳雅思有份主持節目《歎得好健康》，拍住黎諾懿同丁子朗等人去日本同台灣等地，探討一下健康資訊！點少得浸溫泉呢啲畫面呢？果然一浸成名。
誘人小背心
陳雅思早排去旅行，除咗必備的三點式泳衣，仲準備咗一件白色緊身小背心，除了晒事業線，玩完水件白色背心仲要濕濕透透，真係格外誘人！
泳裝歎世界
去馬爾代夫度假，陳雅思又點會冇準備幾套三點式泳衣享受陽光與海灘！
希望嚟緊有更多機會見到陳雅思啦！
4.2011年許亦妮
已踏入30歲的許亦妮，為2011年港姐季軍，同時係最上鏡小姐及亮麗奪目佳麗獎得主，仲代表香港參與2011年國際小姐競選！許亦妮樣貌身材皆算出眾，而且仲有種姣姣地、比較野性的味道，男士們好難抗拒嗰種！
配角客串多
許亦妮當選港姐季軍後加入大台，曾在劇集中以配角或客串身份演出，包括《潮流教主》、《名門暗戰》等等，不過一直未有甚麼突出表現。
拍戲犯眾憎？
至2014年，許亦妮演出《喜愛夜蒲3》，當中有大量性感演出，亦同陳柏宇有唔少對手戲。演成點就唔討論啦，不過當年拍攝時許亦妮被指扮大牌、犯眾憎，罪名包括嫌棄服裝、胡亂發脾氣及遲到要全個劇組呆等乜乜乜，《夜蒲》亦成為佢唯一電影作品。
同大台分手
許亦妮前年與TVB正式合約結束，雖然唔知佢有咩搞作，不過就依然喺社交網站十分活躍，不時大騷35D噴血身材！如果唔計本身性格同觀眾緣，其實佢絕對係個貨真價實的索女～
改名許芷熒
據知許亦妮現時專注打理爸爸的生意，近日更宣布改名為「許芷熒」～
5. 2006年呂慧儀
依家開始將時間跳得前少少，人稱「長腳蟹」的2006年港姐季軍呂慧儀，177cm身高絕對係高人一等，現時大家晚晚都喺處境劇《開心速遞》見到佢，但又記唔記得佢都係港姐季軍出身呢？
「長腳蟹」深入民心
呂慧儀選港姐後成為無綫旗下藝人，至2008年迎來佢演藝生涯的一個重要角色， 在劇集《原來愛上賊》中飾演汪明翔(長腳蟹)，每次出場都大晒高佻身材， 而「長腳蟹」呢個花名亦成為佢深入民心的標記！
「謎女郎 」記唔記得？
呂慧儀又曾經喺綜藝節目《謎》中扮演「謎女郎」，每集皆以性感打扮示人、catwalk出場，同兩位主持秋官及王貽興搞搞氣氛，都算一個經典！
長腳蟹與蟹籽
到2011年，呂慧儀宣布與香港先生黃文迪結婚，2014年誕下兒子黃柏翹(Anton)，拍劇以外的生活就係做個好媽媽～不過，呂慧儀早前宣佈，與黃文廸已於2018年離婚，不敵七年之癢，令大家感到非常婉惜。
6. 1999年 胡杏兒
靚太胡杏兒大家都識，但記唔記得佢係1999年港姐季軍呢？當年杏兒以19歲之齡獲得港姐季軍及活力風采獎， 其後亦代表過香港參選1999年度國際小姐競選。佢卸任後隨即受力捧，短時間內拍過多套劇集！
拍劇無數
胡杏兒在大台十多年間演出劇集無數，以《衝上雲霄》、《流金歲月》及《我的野蠻奶奶》較為人認知。2011年時，杏兒憑《萬凰之王》勇奪視后，係佢繼「飛躍進步女藝員」後另一個獎項！
榮升闊太
胡杏兒與黃宗澤拍拖多年，2012年時正式宣布分手，至2015年宣布與真命天子李乘德(Phil) 拉埋天窗，二人舉行盛大的婚禮，場面星光熠熠，杏兒榮升闊太的生活開始！
胡杏兒 2017年5月宣布懷孕四個月～
萌爆星二代
胡杏兒的寶貝仔李奕霆(Brendan) 於2017年10月出世，Brendan人仔細細肥嘟嘟超可愛，唔只一眾「胡說八道會」靚契媽錫晒佢，一眾網民都被佢電暈！現時杏兒更陀緊第二胎男B，預產期為7月。
7. 1997年佘詩曼
今年45歲的阿佘，喺香港以至華人地區都係名氣響噹噹的女星，較年輕的朋友可能唔知佢其實係1997年港姐季軍！
阿佘雖然已經4字頭，但魅力絲毫不減，可能係全香港最索身家最豐厚的單身女郎！
蔡少芬2008年時下嫁內地演員張晉，二人現時育有兩位可愛囡囡楚兒及信兒。一家四口幸福美滿！最近，蔡少芬宣布再度有喜，恭喜晒！
