安德尊端午節串爆王俊棠被5字鬧爆反擊!盤點入行39年「5大仇家」
盤點大王安德尊5大「仇家」:
1. 端午節公開串爆王俊棠遭反擊
日前端午節龍舟賽事中,負責主持節目的安德尊在節目中公開批評被稱為「御用惡人」的王俊棠,指責對方在賽事中「黑口黑面」:
「佢一人贏全家,一人累身家,佢累晒人地架,佢叫喊令人好炆,佢又扮大佬喎,佢今年係鼓手啦。鼓手應該要係畀香港小姐坐喺度,等我哋睇住香港小姐划啊嘛,佢嗱口嗱面咁,咁你點同佢拍住啊。」
此外更聲稱王俊棠因忙於賺錢而缺席訓練:你棠哥練水又練得少,人哋練11堂,你得3堂。淨係掛住四圍去搵食,你咁樣累咗啲同事,日日去練水。」對此王俊棠接受傳媒訪問時終於開腔反擊,指大王經常「口水多過茶」,又「成日吹水唔抹咀」!
![安德尊 安德尊在節目狂串王俊棠!(圖片來源:TVB)](https://imgs.orientalsunday.hk/wp-content/uploads/2024/06/dzty6ordh7ch1lyta4puygcbnxsfchdf8ojpdfdozw0_259622259666a762cc7f47.jpeg)
2. 李錦聯:傳曾發生肢體衝突堪稱「死敵」
大王安德尊與李錦聯的恩怨可謂人盡皆知。兩人在《都市閒情》節目中多次合作,但由於李錦聯過度注重外表,引起安德尊的不滿並公開嘲諷對方,大爆對方割雙眼皮。此外,有傳兩人在2011年甚至發生了肢體衝突,導致電視台高層介入調查。儘管後來在《區區開伙》節目中再度合作,但兩人的關係依然充滿火花。
![安德尊 安德尊與李錦聯曾於《都市閒情》中合作過,2人更有「無敵鴛鴦鏟」的經典畫面。(圖片來源:TVB《都市閒情》截圖)](https://imgs.orientalsunday.hk/wp-content/uploads/2024/02/-2024-02-22-5.27.44_59196936865d71398c07fa.png)
今年年初,大王在J2節目《玲玲友情報》中借機解開多年不和傳言,認真的說︰「平時我哋相處嘅模式,都好似節目咁,其實我對佢okay㗎。」但被問到雙方關係時,能言善道的大王一時語塞,接住解釋︰「我同你講點解,因為我成日干涉佢嘅生活,佢成日飲酒,我勸佢『你唔好再飲啦,又傷身,又會騷擾到側邊其他人』,由頭到尾就係唔准飲酒。」
![安德尊 安德尊在《玲玲友情報》再次提及與「死對頭」李錦聯的事情。(圖片來源:TVB)](https://imgs.orientalsunday.hk/wp-content/uploads/2024/02/8b_203414760765d59e49b9fd7.png)
3. 林盛斌(阿Bob):婚宴大鬧現場火藥味農
在2014年的《年代大激鬥》節目中,安德尊與林盛斌(阿Bob)的關係也十分緊張。當時安德尊在一場婚宴中擔任司儀,而阿Bob因不滿其嘈吵,醉酒後上臺奪麥並大聲斥責安德尊,導致場面一度尷尬。這次事件讓兩人的關係變得更加緊張。
![安德尊 林盛斌同安德尊曾經一起主持節目《年代大激鬥》(圖片來源:TVB)](https://imgs.orientalsunday.hk/wp-content/uploads/2024/06/bc7d9694-dc97-43fb-a58f-0cd92986ef3d_21327139666a76951ff4a.jpeg)
4.蕭秀香(三姐):大爆三姐脾氣火爆
在《流行都市》節目中,大王與蕭秀香(三姐)之間的互動同樣充滿火花。大王曾透露三姐的脾氣非常火爆,一旦發火便能令全場安靜:「三姐有時好爆火,我哋好驚佢,唔可以得罪。香港有幾多個女廚師?同埋拎住個殼,鏡頭唔見就敲落嚟。佢會話『你再講呀!』個個都收聲。」
![安德尊 連三姐都有交惡!(圖片來源:TVB)](https://imgs.orientalsunday.hk/wp-content/uploads/2024/06/28faa9f6a39cb38743f81dbf8cf23cce_1261148066666a7525dc749.jpg)
5. 李家鼎(鼎爺):狂窒安德尊網民讚好
鼎爺李家鼎加入《流行都市》的新環節「鼎爺家常菜」,與大王合作教煮餸。儘管兩人合作不多,但節目中的互動卻頻頻擦出火花。去年,大王在節目中的提問頻繁,引來鼎爺的不滿::「我未出聲,唔好問嘢住!」又呼喝安德尊要落油:「快啲快啲」,嚇到一向寸寸貢的安德尊都要乖乖收聲。安德尊接受訪問時直認,當時錄影廠「好火」,因鼎爺入廚火喉十足,不過對於被指「太嘈」引起鼎爺不滿,大王卻堅持要繼續講嘢大聲:「佢都咁大聲,咁我都咁大聲囉,我不嬲都咁大聲!鼎爺係我哋前輩,佢有啲咩我都跟住去做,佢話乜我就乜,呢個好平常。我同鼎爺相識幾十年,大家就係咁溝通㗎喇,可能大家少見我哋一齊上電視!」
之後兩集「鼎爺家常菜」中,鼎爺的拍檔而換由安德尊和宋芝齡,換成胡諾言和張美妮,網民紛紛表示支持:「應該係鼎爺要求掉走大王」、「安德尊真係好嘈好煩,鼎爺一定唔鍾意呢套,直頭都唔想望佢」、「原來好多人同我一樣都唔鍾意安德尊,冇佢喺度,真係睇得好舒服」等。
![安德尊 依家已換成胡諾言同張美妮。(圖片來源:《流行都市》截圖)](https://imgs.orientalsunday.hk/wp-content/uploads/2023/10/09a_1432622304652cfd2e60b7c.jpg)