尹光接受Do姐訪問稱鍾意唱1款歌！入行以來首次去叱咤戰衣已準備

Dec 22 2023

口水多過浪花︳Do姐主持的商台節目《口水多過浪花》今日（19日）搵嚟人氣歌手尹光（光B)上嚟做嘉賓，由光B細細個開始講起，講到光B因AI爆紅到出歌再成為叱咤男歌手5強，一文整合5大重點！

尹光偷渡來港！7歲就開始唱歌由細到大未做過嘢

尹光講起屋企8兄弟姊妹，當年26歲即69年年尾偷渡嚟香港已70年，笑言自己由細到大未做過嘢，年輕時幫爸爸睇住盤戲院生意，7歲開始唱歌，11歲做童星登台，當時爸爸其實反對，尹光就偷偷哋去學唱歌。尹光大個之後一開始唱歌都係為興趣，後來唱唱吓就想用嚟搵食，但嗰時興唱國語歌，捱咗4年都係無人欣賞。好彩當時遇到呀sam就唱返粵語流行曲就好啲。

尹光 do姐尹光〈荷里活大酒店〉作曲作詞都係尹光！ — 〈荷里活大酒店〉作曲作詞都係尹光！（圖片來源：尹光〈荷里活大酒店〉截圖）

大爆自己本來都唔鍾意唱市井歌！

Do姐問到尹光點解會唱市井歌呢種類型，尹光就表示「有頭髮邊個想做癩痢」！原來佢都鍾意唱啲斯斯文文的情歌，可惜都係無乜人欣賞，反而唱市井、諧趣歌就多人聽，尹光表示佢都唔係好鍾意架咋，就無計當時就好歡迎，一唱就唱咗53年。

尹光 do姐尹光尹光早前幫 HKTVmall唱〈Deal你阿爸〉 — 尹光早前幫 HKTVmall唱〈Deal你阿爸〉（圖片來源：youtube＠環星音樂 / 環星娛樂 WSM Music HK）

因AI爆紅尹光謙虛表示無原唱咁好聽

Do姐提到尹光因為網民用AI整咗尹光版的〈一人之境〉同埋〈Dear My Friend, 〉而令尹光爆紅，尹光就表示佢第一次聽都覺得好好聽，跟住公司就叫佢學，佢見歌好聽網上又多人睇條片，就扚起心肝學咗佢，所以登台時都有拎出嚟唱。Do姐問到尹光同原唱有咩分別，尹光都好謙虛表示自己無原唱咁好聽，自己可能多啲粵曲成份。

尹光 do姐尹光〈Dear My Friend, 〉姜濤的歌曲 — 〈Dear My Friend, 〉姜濤的歌曲（圖片來源：ig＠keung_show）

尹光：我從來無叻過知張家輝都聽〈Dear Myself〉眼濕濕

講到尹光的〈Dear Myself〉時，尹光解釋呢首歌講咗佢成個人生的辛酸史，由70年講到23年，最鍾意中間一句歌詞「我唱著無無聊聊從未太閃耀」因為自己從來都無叻過，只係多人識。尹光都話好多人聽完都指好有感觸，跟住提到原來佢都知張家輝聽到眼濕濕，表示真係好犀利。

尹光 do姐尹光《Dear Myself》 — 《Dear Myself》（圖片來源：youtube＠環星音樂 / 環星娛樂 WSM Music HK）

尹光 do姐爆裂點仲話將尹光〈Dear Myself〉介紹咗俾張學友聽 — 張家輝聽尹光《Dear Myself》聽到眼濕濕仲介紹埋俾張學友（圖片來源：《爆谷一周》）

尹光：我從來未入過叱咤拎到獎真係會喊出嚟

尹光先表示真係好開心入到叱咤我最喜愛男歌手最後5強，因為覺得叱咤真係好難入。而拎獎信心只有百分之十，表示對手太強，邊有信心可以贏到，不過自己已做戰衣撐場，就算自己唔得，睇到人地領獎，佢都會好開心。尹光表示佢預咗無獎，但如果真係拎到佢可能會喊出嚟，因為原來尹光出左咗道咁多年從來都未去叱咤。尹光預告嚟緊一年想搞慈善演唱會回饋社會，同埋唔會退休想好似修哥咁做到90歲！