尾二一屆口罩小姐｜嚴選10大話題佳麗 「母女檔」參賽最意外

相關文章：爆料勁多佳麗係行內人！ 有星二代有選過國際小姐

《尾二一屆口罩小姐》網民嚴選10大話題佳麗

話題佳麗之1｜ 046及046A「母女檔」惹議！

在50強選拔的環節，有一位「媽媽級」的參賽者上場，一身古裝打扮正打算進行才藝表演前，在場評判問其參賽原因，她表示全因女兒而參加，得知女兒在場隨即ERROR一眾主持叫女兒上台，即時變成「母女檔」表演，最終成功打動一眾主持評判成為節目首隊「母女檔」組合入圍，而193亦大讚其女兒質素相當不錯，肥仔更埋怨節目組「點做嘢！」

臨時拯救「母女檔」被指劇本

二人成為節目首隊「母女檔」組合入圍，其母臨時學習舞步獲網民大讚，更被指「比女兒跳得還好！」。不過一眾網民認為「母女檔」一切都是節目組的套路。當我們小編在短暫訪問過程中，問到「劇本」是否真有其事46A女兒參賽者表示非劇本所言「媽咪唔識路同埋想有人陪住佢，所以同佢一齊去。」完全所謂「劇本」都是誤會，全因她疼錫媽媽才陪伴左右，孝心滿分呀！

話題佳麗之2｜021號佳麗 跳舞入圍

021號佳麗名為Suki，IG名whl.jpg，佢一出場就話自己好想做幕前所以參賽，仲喺台上大跳勁舞充滿力量。而且佢仲識得評判之一YouTuber藍仔頭。Suki本身跳開舞，仲有個跳舞團體S.Jewelous HK跳K Pop為主，而且仲係網店模特兒。

話題佳麗之3｜022號佳麗朗誦歌詞

022號佳麗表演項目係朗誦節錄版《別來無恙》，當時岑珈其讚佢可以將一段咁熟悉嘅歌詞變得陌生。雖然022號出鏡時間唔多，不過都有網民喺討論區求IG。

話題佳麗之4｜028號佳麗「玩蛇女」震撼全場！

028號佳麗自我介紹時大膽玩蛇，將大蟒蛇盤於自己肩上，評判藍仔頭仲嚇到腳軟，呢個出眾表演令佢成功入圍。網民起底發現，028號佳麗其實係阿櫻，YouTube頻道Chill Up的KOL之一，另有經營個人頻道阿櫻日記。除咗鍾意爬蟲類動物，阿櫻仲會玩占卜。

話題佳麗之5｜033號佳麗媚姨阿女植詠珊

033號佳麗真身係植詠珊Cathy，即係媚姨個女，早前客串演出過《I SWIM》，一出場已經有網民認出，仲笑言《阿女又戀嚟》回歸。現年33歲的Cathy曾做過空姐又做過報紙記者，到2018年加入有線做娛樂新聞主播，到2021年初離開有線後，與阿媽媚姨一同參加了ViuTV節目《阿女又戀嚟》，卻意外地令媚姨人氣急升。

話題佳麗之6｜035號佳麗 雜耍有才藝

035號佳麗出場表演雜耍有板有眼，不論評判定係ERROR都讚不絕口，阿Dee當時喺後台仲話佢「入硬」。035號表現淡定又有才藝，網民紛紛求IG。

話題佳麗之7｜039號佳麗長腿一字馬

039號佳麗名叫Vicky係一位鋼管舞導師，一出場討論區即刻有網民討論，仲起埋佢IG出嚟。而Vicky IG入面不時分享性感鋼管舞影片以及美妙身形，網民仲發現佢孖生家姐Celia都係跳鋼管舞，仲參演過MV。

話題佳麗之8｜045號Kylie C IG@ckykylie

045號佳麗表演足球旁述，就連評判之一做過資深足球評論員的強尼都大讚佢落足心機準備，加上身形出眾成功入圍。網民起底發現佢就係25歲咪神Kylie C.（鄭杞瑤），早前先拍完《戀愛Staycation》成為焦點，以往亦曾被「熊仔頭」和「藍仔頭」主理的YouTube頻道FHProductionHK邀請，拍攝了一段「拍一日拖」的短片，節目中Kylie C.甫出場便成功電暈主持人「藍仔頭」，搞到平時見慣大場面的「藍仔頭」口窒窒要賴自己眼瞓，仲講笑話：「平時我做開主導㗎嘛，今日無啦啦被人主導返轉頭，我覺我自己好似一個唔識講嘢嘅人，搞到我個心係咁跳！」

話題佳麗之9｜070號佳麗 即場驗身？！

070號佳麗一出場身形令三位女評判讚嘆，上一屆口罩小姐亞脾阿姨仲即場「驗身」，阿姨仲認證係「真嘢」。雖然070表演時用口咬住支筆畫Sound Bear，雖然有啲無厘頭，不過表現淡定對答如流，加上身形出眾自然順利入圍。

話題佳麗之10｜073號佳麗 未能入圍被起底！

073號佳麗，IG名chupo_venus，雖然樣子順眼，不過呢自我介紹時竟然講爛gag係咁「哈哈哈」，當然冇得留低。不過除罩一刻發現係靚女，所以網民即刻起底。Venus資料報稱係花藝師，讀過浸大BBA同演藝學院，IG除咗post靚相仲會唱下cover。

即睇《尾二一屆口罩小姐》入圍50位佳麗官方相：