尾二一屆口罩小姐|16強寫真相一文睇清 韓三八村姑都可以變女神!
小清新組:包大人「護陰」過敏 韓三八蛻變反勝?
第一組的影寫真的是小清新組,成員包括包大人、MK、師姐及韓三八,包大人影相果陣原來緊張自己個「陰」(額頭瀏海)影幾下就要去梳頭,搞到其他人哭笑不得,都唔知個陰緊要定張相緊要!
![尾二一屆口罩小姐 口罩小姐 成日都要梳陰令眾人大感無奈](https://imgs.orientalsunday.hk/wp-content/uploads/2022/08/-2022-08-30-2.15.15_757602855630dbd3e8559d-1024x556.png)
韓三八村姑變女神
原來全組入面最不被睇好係韓三八,可能因為比較男仔頭,有網民就更加覺得佢好村姑feel。不過經過攝影師蝦條同一眾主持教導之後,終於影到幾張靚相,蝦條話直頭進步神速,而改善之後,網民都覺得攝影師蝦條真係好勁!
![尾二一屆口罩小姐 口罩小姐 韓三八對眼都識笑!](https://imgs.orientalsunday.hk/wp-content/uploads/2022/08/-2022-08-30-3.37.57_721372534630dbe9ebbfd3-1024x555.png)
性感組:馬小玲戰鬥力難突破 KGB點都影唔出兩張相
第二組攝影係性感組,成員包括馬小玲、咚咚、KGB及三寶,打頭陣的馬小玲放開自信影完後嚇到同組O曬嘴,個個都心諗,原來馬小玲扮豬食老虎,個水準咁高點突破?
![尾二一屆口罩小姐 口罩小姐](https://imgs.orientalsunday.hk/wp-content/uploads/2022/08/hi2wjsn_246078266630dd6f56a3e4.gif)
咚咚雖然怕怕醜醜,但估唔到放膽擺pose之後連攝影師都要定一定神,可以話係其中最大黑馬!之後KGB雖然服裝上早有準備,揀一件充滿戰鬥力的性感內衣,不過人就好似未準備好,影相時眼神表情都唔到位,搞到好難先影到張。
![尾二一屆口罩小姐 口罩小姐 咚咚堪稱禾稈冚珍珠!](https://imgs.orientalsunday.hk/wp-content/uploads/2022/08/-2022-08-30-3.46.44_1859290128630dc462d72b4-1024x572.png)
陽光組:格格地獄黑仔王 阿MOON被狠批頭髮似梅菜
第三組攝影係陽光組,成員包括格格、Moon、秋香同triple may,一開始格格就自言「太陽見到都掉頭走」結果不幸言中,佢影相時真係冇太陽到。格格仲係咁顧住有冇西瓜,冇都要坐個西瓜水泡,搞到現場攝影師都「黑人問號」。另一方面,阿Moon影相被肥仔(梁業)批頭髮似pat梅菜,完全唔開胃。
![尾二一屆口罩小姐 口罩小姐 冇西瓜好似冇靈魂,但點解西瓜咁重要?](https://imgs.orientalsunday.hk/wp-content/uploads/2022/08/-2022-08-30-3.51.20_1933679975630dc4d0a6f85.png)
Triple may 同優雅組第二集上陣
陽光組仍然有一人未影寫真,果個就係Triple May ,節目尾聲都未出現,觀眾都大為鼓譟,個個都話要睇佢,莫非真係主角就要留在最後?而優雅組兼總成績戰果都會稍後一齊揭曉,到底6號、肚臍餅、美谷同聞西將會影成點?
Kylie C背景起底![尾二一屆口罩小姐 口罩小姐 Triple May就係Kylie C.鄭杞瑤),早前先拍完《戀愛Staycation》成為焦點,以往亦曾被「熊仔頭」和「藍仔頭」主理的YouTube頻道FHProductionHK邀請,拍攝了一段「拍一日拖」的短片](https://imgs.orientalsunday.hk/wp-content/uploads/2022/08/280050651_1320528578469151_5640160061530036094_n_1196885477630ddbd133f9a-819x1024.jpg)
第十二集看點:肚臍餅「40億千金」
肚臍餅(051)原來本名為蔡頌思(Jocelyn)。她曾經參加過2020年香港小姐面試。Jocelyn後台極為猛料,是「海產大王」蔡繼有的孫女、新華集團主席蔡冠深的女兒,其家族坐擁40億身家;因此她有一個外號叫「40億千金」,今次要佢影寫真,佢會唔願意係幕前大膽嘗試呢?
![尾二一屆口罩小姐 口罩小姐 蔡頌思](https://imgs.orientalsunday.hk/wp-content/uploads/2022/08/299726678_446257023910522_7619895386007497809_n_93738767063088b8fd3c3e-1024x684.jpg)
導演爆內幕相
而導演「高估」亦有在個人IG分享拍攝內幕及花絮,更笑指原來有工作人員當中影到流鼻紅!
節目影寫真相係之前出現過
原來搵攝影師蝦條操刀影寫真提升吸引力係ViuTV拿手好戲!之前他們的真人騷節目《賭命夫妻》搵來五對夫妻參加挑戰,節目頭三集先由五位人妻接受誘惑,與五位男藝人扮演的PTBF約會,第三集時就係蝦條哥操刀,為五位人妻拍攝火辣寫真集,之後五位人在第四集進行大反擊,到今次口罩小姐又點呢?
![尾二一屆口罩小姐 口罩小姐 人夫們睇到嘩嘩聲。](https://imgs.orientalsunday.hk/wp-content/uploads/2021/10/26_54584308061666b95ac46c.jpg)
51號「肚臍餅」原來背景超猛,曾與那個演員傳緋聞?
早就被起底的佳麗原本名為蔡頌思(Jocelyn),原來「肚臍餅」曾經參加過2020年香港小姐面試,後台極為猛料,是…詳情請看:51號「肚臍餅」蔡頌思背景猛 「40億千金」曾與黃建東傳過緋聞
《尾二一屆口罩小姐》誰被喻為最大黑馬?
有一口罩小姐雖然怕怕醜醜,但估唔到放膽擺pose之後連攝影師都要定一定神,因為…詳情請看