屯門娜娜結婚 老公撞樣Anson Lo 同方力申?! 京都大阪蜜月旅行照曝光
廣告
現年36歲嘅「屯門娜娜」董幸兒，因經常於屯門表演而獲「屯門娜娜」封號，今日（9日）在網上傳出一張結婚照，震驚整個網絡界，睇嚟屯門娜娜都搵到屬於自己嘅幸福，有情人終成眷屬。而結婚對象樣貌不俗，仲同方力申有啲似樣，唔通係「屯門方力申」？
屯門娜娜結婚了 老公同Anson Lo、方力申撞樣！？
曾經常在屯門公園出沒並又唱又跳表演的屯門娜娜，因為其精彩的唱跳為人熟悉，亦算是本港「大媽唱跳團體」的先河，每次屯門娜娜出現表演時，也會有「Happy伯」伴隨，當踏入老年的Happy伯被網民拍攝這個年紀依然身手了得，經常同娜娜「Jam舞」！
娜娜結婚了！丈夫撞樣Anson Lo ？
今天（9日）在Facebook群組「真.屯門友」中，流傳出一張照片，當中是屯門娜娜同一名男性（據報名叫廸康）結婚並手持結婚證書的照片，屯門娜娜一襲白色婚紗再配上標誌性粉紅色頭髮，男方亦唔輸蝕地以白銀頭髮加上灰色格仔西裝，兩人都夠晒「潮」！照片流出，屯門娜娜的「老公」被網民指有少少似方力申，亦有人知他某些角度疑似Anson Lo。
Happy伯與新郎世紀大和解
對於屯門娜娜結婚，相信最傷心的便是Happy伯，唔少人戥Happy伯唔抵，認為陪伴娜娜最耐的明明是Happy伯，最後卻無法成為新郎哥，認真慘。不過有網民發現，娜娜有邀請Happy伯出席婚禮，而且仲有同新郎合照，好大方！
網民笑：襟兄弟合照
對於Happy伯咁大方同「情敵」新郎合照，唔少網民都忍唔住笑稱「襟兄弟合照」，「睇得好開」。至於娜娜結婚後，有部份網民認為Happy伯以後冇得再跳舞，唔知孤獨的日子點過好！
蜜月照曝光
在消息發布後的同一晚上，娜娜與迪康有份的「爆音族」Facebook專頁，再發布了二人的結婚和蜜月短片，可以見到屯門娜娜衝出香港去京都大阪度蜜月，二人仲有和服Look分享：
屯門娜娜同老公喺邊度認識？
曾經常在屯門公園出沒並又唱又跳表演的屯門娜娜，因為其精彩的唱跳為人熟悉，亦算是本港「大媽唱跳團體」的先河…詳情請看
Happy伯近況如何？
對於屯門娜娜結婚，相信最傷心的便是Happy伯，唔少人戥Happy伯唔抵，認為陪伴娜娜最耐的明明是Happy伯，最後卻無法成為新郎哥，認真慘。不過有網民發現，娜娜…詳情請看
圖片來源：屯門友, 爆音族
