岑杏賢被朱千雪踢爆嫁金融才俊 32歲生日晒鑽戒
廣告
岑杏賢告別上一段戀情已經四年，前度袁偉豪同張寶兒已經訂婚，條件好到加零一嘅岑杏賢亦與加拿大籍香港人Kelvin拍拖，今日32歲生日的岑杏賢，被好姊妹朱千雪、湯洛雯等人踢爆將嫁人，仲在生日P上晒巨鑽戒，幸福無比！
撰文：東方新地 圖片：東方新地、岑杏賢、朱千雪、湯洛雯IG
岑杏賢唔想認 豬姊妹玩踢爆
岑杏賢其實昨日曾接受報章訪問，被問到婚期，她甜笑謂：「暫時未喎，順其自然啦」怎知轉個頭，被好姊妹朱千雪、湯洛雯等豬隊友「出賣」，其實岑杏賢和朱千雪、湯洛雯、蔣家旻和張嘉兒一直是圈中閨密，昨日為岑杏賢舉行生日P時，興奮爆出岑杏賢要嫁人了！
朱千雪等在社交網po出岑杏賢生日兼婚前派對合照，留言：「希望妳喜歡 我們為妳準備的一切，只想妳幸福、快樂。」亦大爆姊妹即將嫁作人妻。
岑杏賢條件優厚 未婚夫為金融才俊
當年因為缺乏安全感，岑杏賢同袁偉豪終於都喺2016年宣布分手，分手後條件優厚嘅岑杏賢一直單身，好多姊妹都替佢心急，但不消半年，岑杏賢便在情人節放閃，透露男友係加拿大籍香港人，叫Kelvin 35歲，任職金融投資，喺朋友婚禮上認識，之後一拍即合！
