TVB劍擊評述CoCo連翊希直播落淚竟惹不滿？ 建築界學霸曾是江旻憓隊友

連翊希 CoCo 為隊友感觸落淚被狠批

現年29歲的連翊希係香港女子重劍隊的一員，連翊希不僅外貌出眾，她的專業評述也深受網民喜愛，更因外貌與「聲夢小花」姚焯菲相似而備受關注。早前在男子重劍32強賽中，香港隊員何瑋桁落敗後，與連翊希視訊對話中更流下了男兒淚，連翊希亦為隊友感觸而忍唔住落淚，令唔少網民都話十分感動。不過連翊希真情流露的一幕就引來部分網民的負評，更狠批連翊希「贏又喊輸又喊」，不滿佢在直播時的表現。

連翊希3理由解釋兼回應負評

對於網民的批評，連翊希日前就在社交平台上回應，並指出當中的3個原因：「成日電視見到我好似眼濕濕咁，純粹係我對眼本身比較敏感，同埋已經連續通頂三晚做評述眼睛疲勞了。另外尋日睇男子重劍比賽點解會咁感觸，唔夠專業要喺鏡頭面前喊，因為作為隊友，我了解大家背後付出的辛酸，真的盡了全力好想贏但結果未盡人意的感受很深，真情流露了控制不住忽然湧上來的情緒，同埋個人唔夠瞓，情緒真係會波動大少少，知道大家開電視係唔會想睇人喊苦喊忽，往後上鏡會控制好情緒」。

連翊希仲強調希望觀眾能更多關注運動員的實力而非外表，並指出實力與外表無關，為何瑋桁平反。帖文一出引來許多網民留言，大家都對連翊希表示支持，仲大讚佢嘅評述既客觀又有感染力。

連翊希為追夢放棄建築師職業

連翊希曾就讀於拔萃女書院，及後在香港大學修讀園境建築學系，是一位學業和運動兼優的人才。不過連翊希為了追求運動員夢想，選擇暫時放棄建築師職業。連翊希在2014年及2018年的亞運會上，與江旻憓、朱嘉望等人合作，成功為香港贏得2面女子重劍團體賽銅牌。而在上屆東京奧運，連翊希亦有份參賽，與江旻憓、佘繕妡及朱嘉望在女子重劍團體賽中不敵國家隊，最終以第7名完成比賽。