廉政狙擊 | 方力申又做衰仔二世組 網民揶揄：有錢仔又做返有錢仔

《廉政狙擊》方力申又做二世組

繼在《美麗戰場》演完食軟飯二世祖龐振宇之後，今次方力申在《廉政狙擊》繼續飾演二世祖。不過方力申之前就表示兩個二世祖的角色大有不同，更聲稱今次《廉政狙擊》的「邦少」爛仔好多：

「雖然最近兩個劇我都做有錢同有少少廢嘅大少爺，有相似有唔似， 《美麗戰場》 入面嘅宇少憎阿爸，呢次《廉政狙擊》邦少憎個後母阿媽，但最唔同嘅係呢個邦少爛仔好多，壞人一個！」

派人綁架胡定欣 角色戲份被刪？！

方力申今次的角色是屠敏（胡定欣）的繼子，二人因為爭奪財產不和，之後更與胡定欣斷絕關係，派人綁架胡定欣事敗，並於第8集返回菲律賓，角色戲份唔多，唔知方力申會唔會之後都定型只做二世祖嘅角色？

「後母」胡定欣曾警告方力申：你唔好接呢個角色！

除咗因為再次飾演二世祖而備受關注之外，今次方力申在《廉政狙擊》更要飾演胡定欣的繼子。方力申自爆兩人早在入行前已經因為聯校活動而認識，一直都有保持聯絡，雖然已經認識25年，但今次卻是兩人首次合作。胡定欣亦笑言接受不了方力申飾演其繼子，並且警告過對方不要接拍此角色：

「今次啲男演員個個由同輩變咗做我後輩，Bosco做我細佬，方力申做繼子！我同方力申講，你唔好接呢個角色，有乜理由你係我繼子呀！」

網民揶揄：有錢仔又做返有錢仔

時隔不夠一年，方力申又再次以二世祖角色登場，引來不少網民熱議。其中更有網民揶揄指 ：「兩套劇中人物性格和現實唔似，我淨係知道唯一相同就是小方你現實都是有錢仔，住獨立屋做業主、又做生意、又是馬主，又收藏好多貴重藝術品，最近仲學人養埋錦鯉，我真是好羨慕。」

方力申半億獨立屋超豪華 滿屋天價藝術品

入行20年的方力申，的確一直被外界稱為「圈中隱形富豪」之一，早年不但花費600萬與朋友們齊齊成為馬主，更搬進位於元朗市值接近半億的4,000平方呎獨立屋。方力申更於去年聖誕節公開豪宅內部，大曬家中高達3米高的聖誕樹，又大曬充滿藝術品嘅豪宅內部，非常富貴！