張學友點名盛讚炎明熹憂欠缺休息 同樣歌唱比賽出身、拒任評判背後有原因

張學友籌備演唱會 練歌專攻高難度歌曲

入行快將四十年的學友，除坦言已籌劃開演唱會之餘，又分享保持靚聲秘訣是每星期練足6日歌：

「長嘅話（練歌）兩個鐘頭，短嘅話就40分鐘到一個鐘左右，專係練唱一啲自己唱唔到嘅歌。（吓？你都有歌唱唔到？）我好多歌都唱唔到架，好似《藍雨》我就錄咗好多次同錄咗好耐，呢啲歌你唔練一個禮拜，再唱會辛苦少少，但如果唔練兩到三個禮拜，直情係要重頭練過。」

拒絕九位數字邀請 怕做歌唱比賽導師有原因

學友另外還分享了當年由高峯滑落的失落及迷惘感、對今昔樂壇發展的看法，更會開腔剖白為何拒盡千金、都堅持不為任何歌唱節目擔任導師或評審，對此學友大方承認謂：

「我自己比賽出身，我覺得比賽好唔容易，夠膽企上去唱已經好犀利，我自己好唔忍心話呢個唔得嗰個唔得。第二去到做導師或者要教唱歌，我唔知點樣教呀，你可能會話：『你唱咁多歌唔識教？』我真係唔識，我本身唔係正統學唱歌出身。」

盛讚炎明熹 擔心對方欠缺休息

不過張學友亦表示拒絕做評判不等於不鼓勵大家參加歌唱比賽，自己有留意近年歌唱比賽出道的歌手，尤其是炎明熹，他更點名稱讚 「唱得好好」，不過訪問中張學友亦有擔心炎明熹的休息時間不足：「我都係唱歌㗎嘛，有時都會見佢唱到無氣⋯⋯」

張學友希望本地娛樂業界有更好的培訓系統去栽培有潛力的新人，因為張學友感到八九十年代樂壇巨星輩出只是「運氣」，來到新時代，面對韓國有系統經營娛樂事業的模式，要做到巨星不能再靠運氣。其實這並不是張學友首次點名讚賞炎明熹，早前在《Star Talk》都有表示自己有留意炎明熹，認為她有潛質，值得鼓勵及更多機會。

揭昔日唱片業走下坡真相 慨嘆同業靠運氣兼食老本

他又指以前做歌手靠運氣為主，現在做歌手背後必須具備有系統的支持：「依家有咗韓國嘅例子，佢哋係有系統去培養新一代，仲成功將成個國力提升咗。但人哋做緊嘢嘅時候，我哋仲喺度食緊老本。」

曾去加拿大領事館傾移民 臨門一腳決定留港

學友還大方直認對香港這個地方有特有的感情及情懷：「因為我喺呢度出世、喺度大，喺香港得到我所有嘅嘢，我唔可以控制別人同下一代點諗，因為每個人經歷唔同，但我自己嘅經歷一路都喺呢度。」

「喺二、三十年前，有人提議移民，我上過去加拿大領事館，嗰時話好易（申請移民）吖嘛，上到去坐喺度一諗到以後要對住嘅全部都係外國人，個心就頂唔順，又走咗。我係裙腳仔，黐住喺嗰度就嗰度，對香港嘅感情真係放唔低。」

張學友自揭有「舞台恐懼症」

學友在訪問中自揭有「舞台恐懼症」，馬時亨及張文新聽畢忍不住爭相質疑，學友見狀只能舉例說：

「有次喺頒獎典禮後台，我同張國榮先生一齊出場，佢喺後面係震晒嘅，我諗冇人會相信係咁，我都唔相信佢會驚，但佢真係震晒，佢問我：『學友，出面啲觀眾係點架？』，你哋係唔會知道我哋好多時都係好驚。」

張學友昔日珍貴照片及片段曝光

《馬時亨‧香港情》第一集，邀得歌神張學友及有「金曲之父」美譽的張文新擔任嘉賓，節目中曝光了不少學友初出道時的珍貴片段，除有《全港十八區業餘歌唱大賽》大合照、還有1983年的《歡樂今宵「盡顯才華SING聲星」》珍貴參賽片段，及1986年與呂方在紅館舉行的《雙星演唱會》珍貴海報。

張文新爆張學友參賽多次被「叮」走

原來張文新與張學友早於《十八區》已結緣，二人相識接近四十載，張文新大讚學友當年獲獎「冇花冇假」：「嗰時每一區起碼千幾人報名，十八區加埋超過二萬人。」張文新又笑指學友雖然甫出道已火速爆紅，但其實在勝出《十八區》之前，學友曾在歌唱比賽中多番被叮走。

張學友演唱會2023｜首站選址澳門！

《張學友 60+巡迴演唱會》首站澳門，將於2023年6月9日在澳門威尼斯人金光綜藝館舉行啟動，有關此次巡演日期與售票資訊，請全球樂迷們密切留意演唱會消息公佈。

張學友演唱會2023｜澳門站門票4.20公開發售

日期：4月20日起

購票機構：金光票務

購票請按

售票處： 澳門威尼斯人® 西翼大堂金光綜藝館售票處
電話訂購：澳門熱線：+853 2882 8818 /香港熱線：+852 3065 9899 /中國內地免費熱線：4008 42 9018

張學友演唱會2023｜《張學友 60+巡迴演唱會》香港站

今次選澳門為巡唱首站，是因為澳門的場地多，原先亦考慮香港為首站，更想過戶外演出，但因為有很多技術問題是戶外場地難於解決，所以現在亦只會選在紅館，亦已經入紙申請，最快明年2024年可以舉行。

《馬時亨‧香港情》嘉賓名單

合共八集的《馬時亨‧香港情》邀請了15位來自不同範疇、但同樣擁有超卓成就的朋友，分別就電影、音樂、交通、時裝、飲食及教育等話題進行分享，透過主持人及嘉賓們的自身經歷及感受，見證香港今昔美好一面，與觀眾齊齊細味當中的香港情，回味過去，珍惜現在，展望將來。

八集節目的嘉賓名單及討論主題如下：

第一集：張學友，張文新（音樂）
第二集：薜家燕，黎耀祥（交通）
第三集：張智霖，鍾鎮濤（家庭，教育）
第四集：梁家輝（電影）
第五集：陳山聰，鄧達智（時裝潮流）
第六集：譚詠麟，區瑞強（音樂）
第七集：吳錫輝，曾智華（飲食）

第八集：曾志偉，陶大宇（飲食）

除了訪談嘉賓，馬時亨邀來殿堂級林子祥、重新改編及主唱廣東話版本的《東方之珠》作為主題曲，別具意義。