細So否認放售張敬軒親簽CD、竟與偷食事件有關 出Po撇清關係！

張敬軒親筆簽名CD竟遭前商台DJ細So高價放售？

最近有影碟舖高價放售張敬軒於2006年3月發行的《春．夏．秋．冬》大碟，CD封面除咗有張敬軒嘅親筆簽名外，仲寫上送給DJ的留言：「Dear 細So，好多謝你一直以來都支持我嘅音樂，希望你會鍾意呢隻碟！」驚爆發現原來該親簽CD係張敬軒親自送畀前商台DJ蘇耀宗（細So），火速引起網民熱議！

細So低調復出 感慨經常被Unfollow

因為偷食事件與妻兒避走英國的細So，其IG平台低調運作，今年初開始在Threads平台「復出」不時分享心聲，在今年初他曾說過： 「我發現我每post 一個IG post，就有人unfollow 我。咁我係唔係應該向好嗰邊諗，就係…唔鍾意我嘅人(haters) 對我無興趣啦！」當時有網友安慰說不用在意，只需要好好地生活。

細So火速澄清高價放售一事

對於被網民猜測是否高價放售藝人簽名CD賺錢一事，細So日前（12日）就在社交平台親自回應事件：「當日冇得返舊公司搬走我啲CD， 後來有同事幫我攞返部份碟。 其餘仲有好多一路都放喺直播室， 諗住留喺度俾大家用， 點知就唔知俾邊個攞咗去賣。」更自嘲稱：「如果你要賣，都抹走個名同msg先呀，有我個名唔會值錢啲㗎。」並在文末標註張敬軒，並表示自己仍然十分支持佢。

張敬軒極大方回應網民激讚

張敬軒隨後亦火速回覆細So嘅帖文，更搞笑表示：「其實我以前喺兩間電台出沒獵獵埋埋都好多其他artist簽畀各位DJ嘅碟。我係出咗名嘅CD大盜，查實呢單嘢係唔係我經手嘅我都唔敢肯定。不過應該機會不大，因為我唔係好接受到自己個髮型」

張敬軒極高EQ兼大方回應獲網民激讚：「次次回應都好大方」、「難怪咁多DJ同藝人都喜歡軒仔，很圓滑」、「搞笑化解真係張敬軒先做得咁好」、「睇張敬軒嘅threads可以學講嘢」、「EQ十分高！」