42歲張柏芝細仔生父疑曝光 神秘男同大仔Lucas勁親密

張柏芝細仔Marcus生父疑曝光

張柏芝日前帶兩個寶貝仔行街街享受天倫樂，shopping之餘仲睇戲直落。其中一張合照除咗見到Lucas、Quintus，仲有一個神秘男人身影入鏡，大囝Lucus幾乎同佢身貼身，睇嚟關係非常親密，張柏芝更key咗紮玫瑰花上神秘男子塊面度，似乎係刻意隱暪神秘男容貌。對於神秘男子身份，網民作出唔少揣測，覺得呢個神秘男有機會係Marcus生父或栢芝新男友，不過點講都好，最細機會係路人甲乙丙行過攝鏡囉。

為廿四孝媽媽 凌晨驚醒負責開車送仔返學

今年分別15和 12歲的Lucas和Quintus今個月在香港正式開學，廿四孝媽媽張柏芝在開學第一天要負責做司機送兩子上學，開學當天柏芝在IG分享了短片，直擊自己凌晨三點五十分驚醒瞓唔返的緊張心情，原來兩子要在上午六點出門口，為了早作準備，本擬清晨五點起床，卻比預期更早醒來：

張栢芝母兼父職秘密生三仔疑似生父曝光

張栢芝從小就懂得照顧人，十幾歲開始照顧同父異母的細佬，婚後與霆鋒生了Lucas與Quintus，她非常盡力做好母親的工作，即使近年母兼父職，無論去到哪裡，都見她帶著一對兒子，三母子關係密切。直到2018年11月，有消息指栢芝秘密生多個仔，之後她親口承認，不過對BB生父身份保密，孻仔亦跟她姓張，栢芝為保護囝囝，從沒公開他的正面照片，亦甚少在港帶他出現公開場所。

張栢芝有仔萬事足 唯一心願想再生個女

知情者透露：「栢芝唔想大家對Marcus過分關注，所以喺香港好少帶佢出嚟，不過佢就成日帶個仔去外國旅行，Marcus一歲大嗰時，栢芝知道喺香港生活都好難避免曝光，其實Lucas同Quintus自細都喺鏡頭下長大，Marcus遲早都要同哥哥一齊面對，所以栢芝都放鬆咗好多，最近佢自己忍唔住成日post囝囝相上社交網。栢芝照顧三個仔不遺餘力，佢覺得啲仔就係佢最大嘅支柱，呢半年佢又要搞時裝店又要湊仔，不過從來都冇話攰，因為三個仔令佢好開心，栢芝仲有個心願未了，就係生個女，唔排除落實計劃再追女。」

Lucas轉眼間已高過媽媽

2011年和謝霆鋒結束5年婚姻後，張柏芝一人獨力養大Lucas和Quintus兩子。包括大仔謝振軒（Lucas）以及二仔謝振南（Quintus），兩人與母親同住。早前Lucas踏入15歲的生日，所以張柏芝都帶同兩個囝囝一齊外出慶祝，食大餐慶祝之餘亦都po出與兩名仔仔的合照；近年張柏芝湊仔、工作兩兼顧，更主力在內地市場打拼，雖然工作忙碌，但張柏芝仍時常抽時間陪兒子。

在Lucas生日時她戴上Celine的漁夫帽以及墨鏡，全身則穿上Monotone藍色色系，十分乾淨俐落。就咁睇完全唔覺得張柏芝似42歲，顏值保證之餘，兩人拍埋似足情侶。

Lucas仿效爸爸行搖滾風?

Lucas 15歲當日當日穿上紅色外套，十分Sharp醒，更同媽媽對紅色帆布鞋襯到絕。Lucas留上長曲髮，甚有Rock味，外型看來已有成年男子氣概，不知道是不是想學爸爸行搖滾路線呢？有網民更認為他是「仔大18變」，從眼大秀氣成長出自己的個人風格。

Lucas學拍拖與柏芝訴心事

今年5月播出的內地真人騷《讓生活好看2》張柏芝有份參與，節目上她大方分享和兒子的相處趣事，並公開兒子戀情，原來Lucas正與同班女同學拍拖。和兒子情同朋友的張柏芝沒有呷醋，更覺兒子有魅力。但她也坦言自己擔心Lucas學識拖女生手仔的方法和技巧之後，就會學「曳曳」。

2018年無預警秘密產細仔Marcus

對於2018年無預警秘密產子，張柏芝當年更透過工作室發聲明承認：「親愛的影迷朋友、媒體朋友、合作夥伴，工作室非常開心地代表張柏芝分享一則喜訊：張柏芝女士已於11月誕下第三子，母子均安。孩子與家人是栢芝一直以來守護的最重要的人，在接下來的日子裹，栢芝會全力為三個孩子創造更加優越的成長條件，同時也會努力帶來更好的作品。『小王子』滿月了，感謝大家的關心與祝福！」