張致恒做散工被判頭奚落 名氣被利用「擺上檯」 網民意見兩極

張致恒做散工被判頭公開奚落

最近，Steven在社交網站上不時發文，希望能夠找到即時支付的工作。在14日，有網民指自己正在尋找兩名散工，需要搬健身器材，$1,000 即日出糧，做5小時，強調自己唔係吹水藝人Steven張致恒都會來一齊開工，完全是利用他的名氣來吸引更多幫工。消息被放到「香港突發事故報料區及討論區」引起熱討及嘲笑說「有得睇明星….點人做嘢」。

無奈回應：我都係想搵多少少奶粉錢啫

Steven得知後在其Instagram限時動態中發表了自己的看法，他截圖與那名尋找幫工的人的對話，表示自己只不過是想多搵少少「奶粉錢」，反問該名網民「咁樣好玩咩，你叫埋《東張西望》嚟呀嘛」他表達了自己的無奈和困惑。

網民：個判頭都幾x街 肯開工就無謂咁玩人啦

這條消息引起了網民的廣泛關注，有人表示支持Steven的做法，認為他真正努力工作是值得尊重的，那名判頭的行為是不應該「個判頭又幾x街」「如果係既話個判頭都幾x街，人地都係正正常常搵餐晏仔姐，唔洗咁樣開名下話」「當狗咁x」「佢肯開工就無謂咁玩人啦」「搬五個鐘野 每hr 先200辛苦錢」「至少人哋終於有返膊頭返工」不過有網民就認為佢唔po出IG，其實沒有人知道是真，更質疑張致恒是否故意這樣令自己形象變好「呢啲叫自爆，佢唔覆其實無人覺得係真 」「多謝個判頭啦，又幫佢做好形象」「係咪夾埋架，佢唔post 出黎根本無人理」

早前「改過自身」網民紛紛留言鼓勵

見到張致恒終於改過自身，願意為家庭出一份力、積極搵錢，一班網民都替張致恒感到非常高興，紛紛留言鼓勵：「加油呀，冇嘢係搞唔掂嘅，只要努力就得㗎喇」「世上無難事 只要肯堅持 男人無話做唔到嘅事 記住」「咁咪幾好，唔好再呻死死死，努力捱下去，捱捱下就有出頭天。」「養四個小朋友唔易 樂生日快樂」。

張致恒晒1相力證修心養性

張致恒日前在限時動態晒出1張佈滿塵埃嘅安全鞋的照片，並配文表示：「休息一陣先」、「肚餓啊！」力證自己大熱天時都認真開工，修心養性努力賺錢養家，獲唔少網民表示希望張致恒可以捱到耐啲：「今次真係要爭氣啲喇，唔好又半途而廢」、「努力工作，你頭家靠你」、「捱得到就贏㗎喇」、「希望你今次真係修心養性啦」

張致恒地盤開工網民唔睇好 有人質疑扮勤力博洗底 有人叮囑工友1件事

張致恒（Steven）一家六口屢陷財困，更曾出動收款QR Code，求網民「捐錢」，直到上月張致恒公布考獲地盤「平安卡」的喜訊，成為繼吳浩康後第二個藝人撈過界做「職安真漢子」，近日更有網民影到張致恒在地盤開工的照片！

張致恒 被發現已到地盤開工

有網民分享了張致恒在地盤工作的照片，並留言鼓勵他：「努力工作吧，希望能堅持。」睇翻張致恒曾在上月公布成功考取了地盤「平安卡」（即「建造業安全訓練證明書」）的喜訊，並說：「終於有啦！有冇地盤即pay介紹？」

臉帶笑容身型變清減

在被捕獲的照片中，可以見到張致恒頭戴黃色安全帽，穿著灰色上衣配黑色褲，身型比起以往清減了不少，但臉上帶著笑容，同工友有傾有講，似乎心情不俗。

有網民鼓勵：自食其力不丟人

許多網民都對張致恒終於有工開表示支持，紛紛留言為他打氣：「加油啊，腳踏實地總歸是好的，希望能堅持」、「只要努力工作賺錢養家就值得鼓勵，要好好堅持工作啊，要養小朋友們的」、「自食其力不丟人，希望他能堅持吧」。

雯雯早前欠租面臨被逼遷

雯雯上月底透露，因長時間欠租，房東給予最後通牒，要求他們在6月30日前搬家。她無奈地表示：「依家咁即係叫我去死？」雖然最終找到人幫忙支付租金，但她的言論中流露出絕望，她說：「我連狗都不會放棄，更何況小朋友？所以如果要瞓街，不如一齊離開，唔係發悔（晦）氣，而係冇人會明白，係冇路行。」

夫妻罕有齊心否認收7萬

張致恒早前接連在內地登台演出，引起網民熱烈討論，卻被疑似知情人爆出其登台歌酬多達7萬，疑因此引來債主的追數，令Steven急急在其IG限時動態作出否認：「拜託你唔好亂寫可以嗎？搞到個個都嚟問我係咪收七萬，係收七萬我就唔使咁閉翳啦！」雯雯也極速表示：「七萬？如果係，我而家唔使咁乞丐。」夫妻罕有齊心。

張致恒承諾：有多餘嘅錢我一定會還

其後Steven再出限時動態，指網友只是亂講：「我收七萬蚊一場我就唔使咁辛苦去打工啦，就係網友一句亂講嘅說話搞到我而家好麻煩，我只係想努力工作努力生存努力搵錢，求下你哋畀條路我行啦，應付到屋企開支，如果有多餘嘅錢我一定會還畀人。」