曾介入彭順 李心潔婚姻 32歲李悅彤Liddy踢走正印嫁澳門富二代上岸
原文刊於：東方新地
李悅彤因疫情閉關 與囝囝在家嬉水
李悅彤淡出娛樂圈的前年低調嫁澳門富商鮑偉業，為保護夫家少有提及老公背景，升呢做咗媽媽嘅佢，相夫教子之餘，亦大搞家品生意及做KOL教人整BB副食品。
日前李悅彤在IG上載與囝囝的玩水照片，留言說：「今夏第一下水禮！終於有去旅行嘅感覺啦！」
雖然疫情稍有緩和，不過她都沒有鬆懈，同囝囝James繼續閉關，只在家中天台，以吹氣泳池與囝囝嬉水，相中的Liddy換上黑色超性感泳衣，雖然是一件頭泳衣，但泳衣中空到肚臍相當誘惑，加上生B後Liddy的上圍升Cup，性感程度令人噴血。
李悅彤 陀B嫁富二代
「小三」本性難移，2014年只有26歲的李悅彤 ，就以青春無敵生擒李心潔老公彭順，偷食事件搞到滿城風雨，兩人極速斬纜，彭順最終獲李心潔原諒，不過做 「小三」被千夫所指，Liddy依然未有學乖，前年被揭陀B後，自爆已經嫁人，但原來澳門富二代老公鮑偉業，同樣是人夫人父。
同彭順因拍戲撻著，但影大合照時刻意扮避忌。
李悅彤做過彭順小三
介入彭順李心潔婚姻，被拍到同彭順親暱行商場，旁若無人攬腰又啜嘴，被封超強小三，後彭順獲李心潔原諒，夫妻和好，李心潔更在2016年7月誕下一對孖仔。
解畫話識人老婆
其實早於2015年，李悅彤已經被拍到同鮑偉業孖住在銅鑼灣行街撐枱腳，不過當時Liddy就只承認同對方是朋友關係，誰知報道出街，又再被讀者踢爆男方早有家室，當時Liddy迅速轉口風解畫，更指一早認識對方老婆，唔怕會被誤會云云，但事隔四年，Liddy已經踢走正印人妻，做埋鮑太兼生埋仔。
其後被揭懷孕，李悅彤迅速自爆已同澳門富商鮑偉業結婚，兒子4個月大時，更為囝囝在旺角帝景酒店大搞百日宴，與港澳親朋慶祝。
李悅彤圈中好姊妹Coffee和藍莓亦有出席百日宴。
圈中姊妹到賀
成為愛情贏家，李悅彤誕下兒子James，曾為兒子在旺角帝景酒店舉行百日宴，大宴港澳親朋，不過「小三」本性就未能過到奶奶一關，據知情者透露：「Ivan同前妻係門當戶對， 鮑母本來就好鍾意呢位賢淑新抱，個仔要離婚佢當然好反對， 見頭家就咁散晒梗係唔開心，加上Liddy同彭順單嘢搞到咁大，個底咁花，思想傳統嘅鮑母接受唔到，至今都仲未釋懷！」
百日宴派現金$38888
當晚百日宴請來四川變臉大師表演外，更設有38888元大抽獎，送現金給現場到賀的親友。
晒巨鑽
升呢做闊太，Liddy亦今時唔同往日，連湊仔都唔覺意騷吓大大粒鑽戒。
做公關成功埋身
嫁富商變上等人生活無憂，李悅彤前年中更獲老公打本，做老闆娘在葵涌開設家品店，不過，多次受訪她都堅拒談老公， 封嘴原來有因。據知情者透露：「Liddy 2015年轉咗做活動策劃， 就係喺佢依家老公Ivan間公關公司打工，佢好快已經埋到老闆 Ivan身邊，唔止係得力助手，兩個仲發展埋戀情，本來Ivan同 老婆感情好好，又有個三歲嘅仔，不知幾幸福，喺2014年，Ivan兩公婆仲結伴飛峇里參加過阿B同范姜嘅婚禮，不過，Liddy出現後，佢同老婆關係就唔同晒，最後Ivan為咗Liddy選擇同老婆離婚，關係咁複雜，加上男家屋企好低調，Liddy咪封口唔提！」幸福不是必然，成功嫁人上岸，Liddy真係要好好珍惜！
踢走正印
鮑偉業是澳門富二代，在澳門開有公關市場推廣公司及娛樂製作公司，同唔少圈中人稔熟，2014年他就同當時老婆結伴出席阿B峇里婚宴，不過2015年，鮑偉業同B哥卻牽涉金錢糾紛！
Liddy出現前，鮑偉業同老婆非常恩愛，經常秤不離砣！
狂晒幸福
成功搶走人夫的Liddy ，母憑子貴，不時在社交網大晒幸福。前年10月懷孕37周，就晒出大肚寫真，著住性感透視孕裝同 老公面貼面晒溫馨，老公又攞住紙牌公布 BB 性別。
成功嫁鮑偉業做幸福人妻，李悅彤亦有在社交網公開婚照，以勝利者姿態現身。
嫁入豪門做闊太
曾被邀出席Fendi皮草活動，優哉游哉！
升呢做闊太後，湊仔嘅奶粉袋當然用名牌。
出街人狗都一身名牌打扮，又獲老公打本在葵涌廣場開設生活百貨店，做埋老闆娘。
