愛回家｜寸爆姜糖「拉隊走佬」事件劇集名更大玩姜濤金句

Apr 14 2023

TVB處境劇《愛．回家之開心速遞》不時都會諷刺社會時弊，點知最近仲抵死到串爆西九音樂節「姜糖拉隊走佬」一事，套劇玩到咁鬼大，集名都叫「用實力說話」，似乎語帶雙關影射緊姜濤金句！

愛回家姜濤再搬屋避世 MIRROR 自叱咤頒獎典禮之後，姜濤就一直以身體不適為由，缺席多個公開活動。 — 連收視一哥TVB都抽擊，姜濤躺著也中槍！（圖片來源：my903）

《愛回家》踩過界寸爆敵台天王姜濤粉絲

昨日《愛．回家之開心速遞》（13日）一集踩過界，集名抄足姜濤金句「用實力說話」，呢集內容講述組合「大四喜」成員龍敢威（羅樂林飾）、譚道德（陳榮峻飾）、熊樹根（劉丹飾）及龍敢佳（鍾志光飾）喺節目中演唱新歌「Back Pain」。鍾志光回到後台唔多開心，羅樂林即問：「你創傷後遺症又復發？」鍾志光回應：「唔係，只不過我頭先唱唱吓，見到有啲觀眾行出去，咁係唔係叫做廁所位？」陳榮峻即刻解釋話表演有人「出出入入」好正常。

雖然情節好短，但《愛．回家》嘅內容似足諷刺早前姜濤粉絲喺音樂節見Anson Lo出場，拉大隊離場，引起神徒不滿之事。

姜濤愛回家《愛回家》寸爆姜粉金句逐格睇！ — 《愛回家》寸爆姜糖金句逐格睇！（圖片來源：《愛．回家之開心速遞》截圖）

姜濤粉絲被力數3宗罪：Anson Lo壓軸表演拉隊走人

MIRROR中4位人氣最高的成員Ian、Edan、Anson Lo和姜濤獲邀參與上週末一連兩晚的西九音樂節，其中Anson Lo和姜濤齊齊於週日登場表演。雖然當晚大會安排每位歌手出場前都有足夠的休息時間，以便在場觀眾出入會場。不過當姜濤表演結束後，就有大批身穿姜濤粉絲會會服的「姜糖」選擇在壓軸表演的Anson Lo登場後，才開始拉大隊離場。此行為被網民和Anson Lo粉絲「神徒」狂轟，批評「姜糖」不懂得尊重其他歌手之餘，連同團成員都唔俾面。

愛回家姜濤有網民指出「姜糖」在同隊成員Anson Lo壓軸出場時，竟然大搖大擺拉隊離場，令Anson Lo要對住大量空位表演。 — 有網民指出「姜糖」在同隊成員Anson Lo壓軸出場時，竟然大搖大擺拉隊離場，令Anson Lo要對住大量空位表演。（圖片來源：東方新地）

愛回家姜濤從網上流傳的影片中可見，不少身穿姜濤香港後援會會服的「姜糖」在Anson Lo的時候相繼離場 — 從網上流傳的影片中可見，不少身穿姜濤香港後援會會服的「姜糖」在Anson Lo的時候相繼離場。（圖片來源：IG@respectyourself402 截圖）

愛回家姜濤不少離場的粉絲都有姜濤應援物係手。 — 不少離場的粉絲都有姜濤應援物係手。（圖片來源：討論區截圖）

愛回家姜濤手持姜濤燈牌的粉絲都陸續離開現場。 — 手持姜濤燈牌的粉絲都陸續離開現場。（圖片來源：討論區截圖）

故意阻擋其他觀眾視線

同時因為「姜糖」選擇在Anson Lo開始表演後才拉隊離場，所以導致在場觀眾被迫睇「人頭」，睇騷視線嚴重受阻。有在場觀眾指出，當時不少觀眾都有出聲要求「姜糖」離場時盡量「踎低啲」，但大部分「姜糖」依然沒有理會，繼續掂行掂過，行為十分自私。

愛回家姜濤有網民截取粉絲群對話，證明早有拉隊離場計劃。 — 有網民截取粉絲群對話，證明早有拉隊離場計劃。（圖片來源：網民留言截圖）

「神徒」大合照大批「姜糖」踩場嗌口號

此外，昨日有段短片在網上瘋傳，指當Anson Lo粉絲「神徒」在音樂節開始前大合照時，大批「姜糖」上前嗌口號：「熱愛係姜，無可取代」。不少網民都留言表示認為「姜糖」的行為非常幼稚：「尊重真係好重要，但係睇得出佢哋冇」、「我覺得呢班人好無品，行為無知，佢哋侮辱緊嘅係佢哋自己嘅偶像，如果我偶像班粉有咁嘅行為，我會覺得好羞恥」等。