飯局妹爆《愛回家》小花叫價X萬 中介提及落選港姐網民狂估真身
《愛回家》飯局妹 收費海鮮價
Charlene除了自己做「飯局妹」，仲做埋「中介」拉攏飯局，她在IG就自稱「紅娘」，表示自己有「6年紅娘經驗，幫男人搵女朋友，100+成功case」，今次在《港女又萬歲》中，她透露旗下「飯局妹」中，有KOL、入過港姐初選，甚至有幾個「上過新聞啲落選港姐」，更大爆有一位比較紅的「飯局妹」，係《愛回家》女藝人！Charlene形容該位女藝人曾入到港姐決賽，上過電視8點檔，當田蕊妮問「八點檔」是否指處境喜劇《愛XX》時，Charlene即回答：「係呀！」引起網民狂估係邊位《愛回家》女藝人。
飯局妹爆接Job「海鮮價」港姐初選、上過新聞更有巿場
Charlene指較紅的藝人收費亦較貴：「嗰啲就海鮮價，如果想多Job就兩萬蚊之內，有啲Artist嗌到五、六萬就難啲搵客。」而講她從中抽取幾多錢？她就表示：「5千至1萬。」Charlene又指有些客不想選「素人」，想要有少少名氣，但又不要價格太貴的，所以曾上過一、兩次新聞的「飯局妹」便更加有巿場：「其實你（港姐）初選上過新聞，個價已經可以高一Grade。」
盤點《愛回家》近30位港姐角色！
《愛•回家之開心速遞》由2017年1月播出至今，已經集郵式有過至少有25位港姐演出！這班港姐演員中，有人依然留守《愛回家》、有人已奪獎帶上光環、有人告別劇組…Charlene只提供有限線索，以下眾多女藝員難免跌入「嫌疑人」之中，認真無辜！按此看《愛回家》港姐演員盤點詳情
爆香港飯局一般3個鐘起
Charlene透露成為飯局妹的條件，一般要樣貌身材「過關」，但亦有客人會特意挑選「唔靚嘅」，而這些準則在疫情時變得較寬鬆：「一個35歲以下女仔，有眼耳口鼻都會有人嗌去食飯。」
自稱「條件寬鬆」凌晨4、5點的飯局都應約
她直認自己亦是在「條件寬鬆」下入行：「我都承認自己樣同身材都唔係特別標青，好多有錢人唔鍾意大X，鍾意平凡嘅身材。」她指香港飯局一般3個鐘起，自己在「搏殺」時期，連凌晨4、5點的飯局都會應約。
相關文章：盤點25位《愛回家》港姐演員 80年代元老級富婆甘做配角
港女Charlene曾上游 自爆「摸胸費」高達10萬
現年31歲的港女Charlene中文名曾上游，做過護士、私影妹，又拍過《通山之戀》、《軍營之旅》、《月光光，心慌慌》等內地網絡電影，自言早在25歲時已持有內地和澳門5個物業，2019她更在元朗置業。她又曾在訪問中講到自己試過收費10萬進行不道德交易，但表示以後不會再接受。2023年尾她上ViuTV《戀講嘢》公開自認係「飯局妹」，指每次食飯都收4千蚊，「摸胸費」更高達10萬，引起網民熱議。早年她更上過《晩吹-啪啪Partner》做嘉賓，分享夜蒲交友攻略。
