愛回家|林鈺洧短打上陣騷長腿硬撼呂慧儀 鍾志光睇到眼定定!
林鈺洧「港版羅拉」騷完美身材
2022年港姐冠軍林鈺洧日前終於在劇中登場,仲扮演5年前紅極一時的運輸界「港版羅拉」,林鈺洧完美復刻經典背心短褲,大騷長腿同超有曲線的完美身材!不少觀眾都留言大讚林鈺洧:「又真係幾還原喎!」「一睇就係『港版羅拉』」「經典重溫」連同場的「Kai叔」鍾志光都睇到眼定定,兼且不斷邀請林鈺洧幫自己開班教搬貨!
![林鈺洧 林鈺洧日前終於在《愛回家》中登場。(圖片來源:YouTube@TVB (official))](https://imgs.orientalsunday.hk/wp-content/uploads/2024/05/-2024-05-09-5.29.14_870952734663ca31521899-1024x842.png)
林鈺洧硬撼「長腳蟹」06年港姐季軍呂慧儀
今集呂慧儀不斷希望鍾志光可以開「大師班」畀自己,仲表示自己有變逆天長腿的秘訣,不過就慘遭鍾志光狠拒。點知林鈺洧隨後就以短褲晒長腿造型登場,完全係硬撼有06年港姐季軍「長腳蟹」呂慧儀,令網民都忍唔住留言:「『長腳蟹』今次有對手」「又有長腿代表!」「水水之後要點樣保持地位」「接龍兩大長腿女神相遇」
![林鈺洧 呂慧儀在劇中表示自己有逆天長腿。(圖片來源:YouTube@TVB (official))](https://imgs.orientalsunday.hk/wp-content/uploads/2024/05/-2024-05-09-5.28.31_2133912817663ca4b2d20d8.png)
林鈺洧港姐冠軍曾上ViuTV分享性史、被封「性女」獲爸爸林俊賢安慰
林俊賢女兒林鈺洧(Denice)爆冷成為港姐冠軍,其實她入行已有五年,前年在 ViuTV星座節目《對號入座》中,她大爆自己性史而引起網民關注,更被封為新一代「性女」,其後於真人騷節目《鬼同妳上位》中,更曾經以參賽者身份挑戰各種大膽的探靈任務,力爭上位!
日本25大賞紅葉勝地推薦![林鈺洧 港姐冠軍林鈺洧曾經在ViuTV不同綜藝節目亮相。(圖片來源:tvb.com)](https://imgs.sundaykiss.com/wp-content/uploads/2022/09/2022-09-25-23.05.33_1190316748633071a64f6ac.jpg)
林鈺洧被封新一代「性女」
80年代的小生林俊賢與第一任外籍妻子所生的混血女兒林鈺洧( Denice), 擁有 43吋長腿的她,當時被封為「最強星二代」,15年因為親戚的引薦簽約成為熊黛林師妹成為model,可惜一直工作量唔多。近年加入ViuTV,因為星座節目《對號入座》大爆自己性史而引起網民關注,平時也不吝嗇分享性感美照的她,也因此被被封新一代「性女」。
![林鈺洧 Denice是無綫80年代當紅小生林俊賢與首任中英混血兒太太所生的女兒,所以擁有四分之一英國血統。(圖片來源:東方新地)](https://imgs.orientalsunday.hk/wp-content/uploads/2020/08/i1_1186a_funn_p52_53_2460433705f45c75f4eb6e-701x1024.jpg)
林鈺洧曾上ViuTV分享性史
人馬座的Denice早前在節目《對號入座》中分享自己性史,她自爆有過五位性伴侶,其中天蠍男在持久力和招式量上都最令她滿意:「佢唔止靚仔,高大,喺床上有好多招式同持久,如果需要同天蠍座嘅男仔發生關係,係需要好大體力,佢會將妳反嚟反去,翻天覆地咁,好暈,流晒汗。」
![林鈺洧 人馬座的林鈺洧Denice早前在節目《對號入座》中分享自己性史,她自爆有過五位性伴侶,其中天蠍男在持久力和招式量上都最令她滿意。(圖片來源:東方新地)](https://imgs.orientalsunday.hk/wp-content/uploads/2020/08/i3_1186a_funn_p52_53_20538326695f45c72f5eee4.jpg)
![林鈺洧 被網民封為 「性女」 後,Denice表示曾收到爸爸林俊賢的安慰:「佢叫我大方啲去講,話『你又唔係搶人老公,又唔係周圍玩一夜情,或者做啲缺德嘅嘢,好多騷都講呢啲題目。』令我心情舒暢番晒。」(圖片來源:IG@denicelams)](https://imgs.orientalsunday.hk/wp-content/uploads/2020/08/i4_1186a_funn_p52_53_987381555f45c733e8913.jpg)
新探靈節目首日開拍即撞鬼!
Denice驚爆拍攝探靈真人騷 《鬼同妳上位》首日已撞鬼: 「係拍拍吓嘢突然抖唔到氣,感覺好有壓迫感,之後就腰痛,師傅即刻幫我唸經作法,落山嗰陣就開始冇咁痛。」Denice表示為免被爸爸林俊賢阻撓,所以開拍並無知會過他:「驚佢話我做乜要做啲咁嘅嘢,所以一直都唔敢講。」
![林鈺洧 Denice驚爆拍攝探靈真人騷《鬼同妳上位》首日已撞鬼。(圖片來源:東方新地)](https://imgs.orientalsunday.hk/wp-content/uploads/2020/08/j1_1186a_funn_p52_53_20356081915f45c73762373.jpg)