《愛回家》細龍生鄭世豪含淚say goodbye 惹離巢猜疑
廣告
在《愛回家之開心速遞》飾演細龍生的鄭世豪，憑「廢柴」角色入晒屋，隨住細龍太陳偉琪早前被安排暫別《愛回家》，劇情交代她飛去外地冇歸期，鄭世豪日前亦在社交網上載多張含淚慘樣，還留言與其苟且偷生，不如灑脫離開，一句「goodbye forever」令眾多細龍生粉絲心都碎，誤以為他要離巢無綫與《愛回家》永別。
撰文：東方新地 圖片：鄭世豪IG/fb、《愛回家》電視截圖
細龍生公開道別
《愛回家》早前宣佈衝破1300集，舉行記者會時飾演細龍生的鄭世豪亦有現身，不過日前他在社交網上載了多張慘情劇照，留言寫到自己要離開，永遠再見，但未有交代離開甚麼？究竟是離開《愛回家》，定離開無綫，大批網民與粉
絲留言追問，並力撐叫他不要離開，不過鄭世豪未有作出回應，惹來更多的揣測。
細龍生親自解畫
為了解真相，本刊記者致電細龍生鄭世豪，他才恍然大悟說：「真係好對唔住，原來令大家有咁大個誤會！我仲係喺無綫，只係細龍生因為劇情關係失勢被燉冬菇，要離開風光多年嘅生活。我個角色係會繼續發展落去，不過會落難，
我都想靜待細龍太返來，不過真係未有任何消息。」一場美麗的誤會，令一眾細龍生鐵粉虛驚一場，鄭世豪趁機多謝大家對他的愛戴，叫大家唔使擔心！
細龍生出歌紀念細龍太
細龍生鄭世豪在無綫打滾多年，2013年憑《星夢傳奇》奪得亞軍令事業更上一層樓，之後加入《愛回家》做細龍生，雖然經常被老婆雷珍妮(陳偉琪飾演)鬧係「廢柴老公」，但這對CP成功彈出。早前有傳陳偉琪被公司放逐冇得留低，
細龍太被草草交代去了外國。這時鄭世豪剛加盟新唱片公司天盟娛樂，更寫了一首新歌〈只准你話我是傻〉送給細龍太，MV更由合作三年的細龍太陳偉琪擔任女主角，《愛回家》暫時冇得合體，粉絲睇住MV頂癮先啦！
