戀上西沙｜李爾晨是誰？大隻仔曾活躍於ViuTV劇集 33歲小生簽約邵氏
戀上西沙｜炎明熹大爆拍劇有感情線
《戀上西沙》中GIGI 與李爾晨有一段曖昧的關係：「有少少浪漫，因為我未試過，所以都有啲緊張」。炎明熹早在拍攝時已透露：「會掂手仔，不過就梗係冇咀嘴，因為每個人嘅戀愛都唔一樣」。炎明熹表示自己心目中的愛情是平淡就是福：「過平淡嘅日子都可以好開心，唔一定要大起大跌或者製造驚喜，感受到對方嘅愛意就夠」。
李爾晨瘋狂騷肌 為除衫戲早有準備
在特輯中的男主角李爾晨，與Gigi有不少對手戲，根據劇情需要，也有多場騷肌場面，為此他特意加操訓練：「知道要除衫後，就加緊操練同戒食晚餐。為令身形線條更突出，我加強訓練胸肌同腹肌，仲做埋甩水嘅部分。」李爾晨提及自己之前做過運動員，不需要「甩水」，但退咗役就要特別鍛鍊身材。
李爾晨是誰？理大校草、甲一男排代表
李爾晨（Kyle ）原名李嘉豪，係香港男演員同模特兒，2016年「國際先生」香港代表，2019年底加盟邵氏兄弟，2020年加盟無綫電視。李爾晨大學就讀香港理工大學，曾參選過「2012FACEUStar校花校草」入圍最後5強，亦係香港男子甲一排球員、2016年國際先生香港代表。2019年李爾晨加入邵氏兄弟國際影業有限公司，同年拍攝邵氏與優酷合拍劇集《非凡三俠》飾演殺手。2020年李爾晨完成ViuTV劇集《男排女將》，亦拍過ViuTV劇集《瑪嘉烈與大衛「前度」特別篇》、《身後事務所》、《婚內情》同《娛樂風雲》。
《戀上西沙 》男主角李爾晨入行8年拍過ViuTV 首次擔正做男主角
現年31歲的李爾晨（Kyle）曾經是前甲一男子排球員，他於2016年代表香港參加了國際先生，期後於2019年底加盟邵氏兄弟，2020年加盟無綫電視。他有不少拍攝經驗，在ViuTV劇集《男排女將》、《娛樂風雲》等有演出，加入無綫電視的他雖然戲份不多，但在早前的劇集《羅密歐與祝英台》、《隱形戰隊》、《超能使者》等也能看到他的演出，這次是李爾晨首次擔正做男主角。
李爾晨前女友原來係「福祿壽」女學員！
現為微辣女神的麥嘉欣（Sofia）都曾經與李爾晨拍過拖，過去2人一同被影到一齊行商場、船開P等等sweet到漏，可惜2人始終一海之隔聚少離多各自忙事業而分手。麥嘉欣甩拖之後，卻反而愈撈愈掂，2019年加入微辣之後人氣急升，更曾獲安排上央視的中秋晚會唱歌，雖然去年爆出「阿晶事件」，但對Sofia卻幾乎零影響，事業發展十分強勁。
戀上西沙｜炎明熹想專注學業 Ready拍拖但唔急
今年剛升讀大學的炎明熹，除了被關心能否在平衡忙碌的學業和事業外，大家對於炎明熹18歲後的感情生活亦十分好奇！而炎明熹則自爆在大學冇人追，坦言目前係等待天賜良緣中，同埋目前都想先專注在學業上：「暫時Focus喺學業上，見同學嘅機會唔多，而且分組上都係嗰班同學，同埋呢科都係女仔多」。對於戀愛持隨遇而安的心態，不過就會keep住期待：「一直等機會天降個命中注定嘅人」。
戀上西沙｜炎明熹擇偶要求好簡單 最緊要呢樣夠好
炎明熹仲透露自己唔係一個主動嘅人，就算遇到心儀嘅對象都唔會主動出擊，不過都擔心會因此錯過機會：「就算有人主動追求，都會觀察對方耐啲，先可以進行一段關係。」，又稱相信時間證明一切，排頭亦會先給家人過目。而講到自己的擇偶要求時，炎明熹則表示唔在意男仔嘅類型，最緊要係性格夠好。歌喉了得嘅炎明熹亦稱唔要求另一半識唱歌，但係就幻想過男仔彈結他唱歌的樣子，不過一切都等上天安排。
