支嚳儀客串《愛回家》做蜘蛛精 龔水聯手對抗「爛桃花」

40歲支嚳儀拍劇做蜘蛛精 介入龔水夫妻情

支嚳儀喺第一屆《中年好聲音》被稱為顏值擔當，在最新一集《愛回家》竟然飾演蜘蛛精！支嚳儀喺IG上載咗幾張古裝相，並留言：

「追劇就追得多，人生都就嚟到40歲冇諗過仲有機會可以體驗拍劇，仲要係愛回家。大家好！我係「支珠絲」callmeJuicy！！！！！初次嘗試多多指教。」

支嚳儀指人生就嚟到40歲冇諗過仲有機會可以體驗拍劇。 同劇嘅演員有為支嚳儀打氣。由支嚳儀上傳嘅限時動態片段中見到，化身支珠絲嘅支嚳儀，竟然大膽勾引變成唐三藏嘅龔燁(張景淳)，最搞笑嘅係龔燁嘅老婆熊若水(呂慧儀)竟然變身豬八戒，之後熊若水想搵支珠絲報仇，但卻搵錯對象誤傷大小姐(林淑敏)，劇情七國咁亂又充滿笑料！

若水發現老公太吸引招惹爛桃花

劇情講若水在家中發現了一些可疑的證據，開始懷疑丈夫龔燁（張景淳飾）可能不忠。情緒波動之際，她發現龔燁與瑞素在一起，這讓她的疑惑和不安進一步加深。後來，她了解到龔燁其實是在尋求瑞素的幫助，希望能解決自己的「招惹爛桃花體質」。龔燁向瑞素占卜，希望找到避免爛桃花的方法。若水堅定地表示，作為妻子，她自己就是解決問題的最佳方式。

夫妻檔聯手對抗外來誘惑

不久，龔燁的生活又出現新的挑戰。一位來自新加坡的客戶支珠絲（支嚳儀飾）找上門來，要求龔燁陪同購物。面對這位纏人的女客戶，若水決定採取行動。她與龔燁故意「曬恩愛」，希望透過展示夫妻間的親密無間，讓這位客戶知難而退。

&t=3s

網民點睇？！

「支嚳儀演嘅蜘蛛絲好好笑演技太好」

「龔燁咁靚仔真係好容易招惹爛桃花，龔水嘅唐僧同豬八戒造型真係好唔錯 」

「老龔仔又靚仔兼好可愛，真係好容易招惹爛桃花，難怪老婆水要時時刻刻捍衛正印龔太的地位！ 唐僧龔及豬八戒水造型好正，同埋龔水床戲有埋咀咀就更加好」

「龔燁又靚仔又事業有成，難怪有咁多女人埋身嘅……btw唐僧龔好正，不過可惜片段太短啦」

「平心而論，呀支第一次演出非常好，面部表情不生硬 期待下一次演出」