新城勁爆頒獎禮2022爆笑盤點｜觀眾入場獲派米？ 新人唱到走曬音

新城勁爆騎呢位 1）觀眾入場獲派1公斤米

在新城勁爆頒獎典禮開始前，一班主持逐一讀出贊助單位名單，台下的觀眾亦在入場前獲得一袋禮品包，禮品包入面包括：1公斤香米、贈券及Wasabi一支，份量十足！

網民「你派必理痛好過！」

不少有份入場的觀眾都忍唔住反問新城：「頒獎禮派米究竟係咩玩法？」亦有網友表示「不如派必理痛仲好！」

新城勁爆騎呢位2）「有聲無畫」搞到一頭霧水

今年新年勁爆頒獎典禮不設電視台同日轉播，一班觀眾假如想看直播，就必須付$398購買新城會籍，才能獲得網上直播的門票，如果唔係就只可以收聽FM99.7新城電台。可是此新穎的安排，在頒獎典禮首輪環節就出事，一班樂壇新人輪流唱出其他歌手的派台歌的時候，因為收聽電台的聽眾「有聲無畫」，所以都唔知道邊個打邊個。就連直播都毫無字幕介紹出場人物，搞到一班觀眾都睇到一頭霧水！

新城勁爆騎呢位3）一班新人唱到走曬音

一班新人打頭陣唱出多首前輩們的派台歌，唔知係唔係因為太緊張，大部分新人歌手都唱到走曬因，惹起網民熱議。不少網民更表示DEZ余宗遙唱Jer柳應廷的《狂人日記》幾乎全首走音，嚇親一班觀眾同聽眾！

新城勁爆騎呢位4）今年Slogan「新葉」變「失業」？

另一個騎呢位就不得不提今年新城頒獎典禮中時不時提到的「樂壇新葉」（今年口號為「音樂新葉 」，又係食「頁」與「葉」的同音字手法）！今年新城頒獎台上用「樂壇新葉」一詞嚟形容一班初出道的新人，但係因為收音問題，令不少觀眾都聽成「樂壇失業」！

新城勁爆騎呢位5）黎展峯同 「NY游學修」撞衫？！

不少網民都覺得今年新人之一的黎展峯身上的外套非常熟悉，經過網民一番討論，發現原來黎展峯身上嘅外套，同游學修去年試當真短片《Black Mirror 》入面扮演平行時空偶像「NY游學修」嗰套衫！

下一頁：新城勁爆頒獎禮2022完整得獎名單