新聞女王｜佘詩曼肉搏小生何廣沛 劇透第四集何依婷激吻馬國明
新聞女王｜35歲何廣沛問48歲阿佘「要唔要嚟多次」自爆身水身汗有異味
第二集片段中，35歲何廣沛和女皇佘詩曼二人在床上纏綿，男方從後熊抱，更問阿佘「要唔要來多次」、「只會同你說真話」，佘詩曼以黑色吊帶低胸睡衣上陣，都好誘惑！何廣沛提到這一幕的背後花絮，原來拍攝時係盛夏，天氣熱之餘，何廣沛又要由另一場地趕至，雖然事前節食三個月Keep Fit，但都難免「身水身汗」所以要向佘詩曼道歉，不過阿佘尷尬笑稱現場聞唔到異味。
新聞女王｜佘詩曼激罕晒事業線何廣沛激凸「豬腩肉」
激情畫面逐格睇，仲見到佘詩曼激罕晒事業線，非常搶鏡！另一方面，有內地網友批評何廣沛暴露「豬腩肉」，肚皮有幾摺明顯未修身，認真尷尬，更被嘲襯唔起阿佘。「為啥不找個身材好的 這身材都沒腹肌配不上阿佘」、「那男的 我真的不想看到他演戲」、「我覺得吳偉豪更適合演這個小奶狗」。
新聞女王｜激情畫面預告 馬國明何依婷後樓梯激吻
49歲的馬國明和29歲的何依婷雖然年紀相差20歲，但拍起戲來卻一點也不尷尬，當中2人更有激情場面。在第4集初段，飾演黃金時段主播「梁景仁」的馬國明 ，將會「霸王硬上弓」激吻佘詩曼的下屬「徐曉薇」何依婷，橫跨敵對組別的辦公室戀情，原來2人早就有私情，合謀迫走佘詩曼！接下來的集數二人仲會喺馬明辦公室打情罵俏，意識比何廣沛的床戲更大膽！
新聞女王｜何廣沛自爆：有啲嘢對唔住阿佘！
佘詩曼同何廣沛不止是新聞部同事，幕後亦有一段秘密地下情，仲會上演一幕香艷床戲，一眾台前幕後昨晚就約埋一齊食飯齊齊欣賞首集推出，何廣沛佘詩曼就分享拍攝細節，阿佘爆何廣沛堅持足足3個月保持一身好肌肉上陣，何廣沛笑言：
「忍口唔緊要，我都覺得有啲嘢對唔住阿佘，因為話說個location 有啲遠，我由另一個劇組過嚟嘅時候，我係行咗廿幾分鐘上山，上到嚟係身水身汗，但因為要拍，我又冇時間梳洗，同埋嗰時係夏天，所以其實嗰段床戲有浸味㗎！阿佘好專業，冇介意過我！」在旁的阿佘笑指：「真係聞唔到。」
新聞女王︱佘詩曼肉搏譚俊彥
48歲的阿佘非常有艷福，在劇中有2條感情線，先與43歲的譚俊彥上演親熱戲。飾演黃金時段主播「Man姐」的阿佘，先與飾演車房老闆「陳子傑」的譚俊彥在餐廳親一番，再於在房間入面飛擒大咬，嘴唇咬嘴唇，相當刺激！
