新聞女王｜28歲倪嘉雯獲封「最美過鏡女同事」讚佘詩曼暖心三件事

Youtuber 出身倪嘉雯加入無綫後即憑飾演女記者惹關注

28歲倪嘉雯2020 年加入無綫後因演出《愛‧回家之開心速遞》備受注目，客串次數超過 30 次的她，多番飾演女記者或網台主持等，如今 Carmen 在《新聞女王》中飾演記者 Amber，與之前成名作意外有了呼應。Carmen 另一代表作是其「御用少女版」身份，更曾因在《十八年後的終極告白 2.0》中神還原年青版龔嘉欣引發熱話。仍算新人的 Carmen 在《新聞女王》中出鏡率相對算高，每當需要過鏡或食花生時定必「Ready」，難怪獲封「最美過鏡女同事」。

倪嘉雯生痱滋獲阿佘隔空送藥

對此 Carmen 笑言能在台慶劇中參與度如此高十分興奮，並預告之後集數將更有發揮 ：「可以喺台慶劇參與度咁高真係好感恩同好多謝佳導。呢套劇我身邊好多親友都有追，佢哋見到我會 Cap 圖畀我話見到我。」談到做回記者「老本行」，Carmen 笑言很奇妙：「有網民笑言我由記者妹升咗做女主播。」談到與阿佘合作，Carmen 坦言「發夢都冇諗過」：「可以同佢阿佘同框拍劇、做佢下屬，仲要成日朝夕相對真係太開心，我每次開工都心心眼望住佢。」並大讚阿佘三件窩心事：

「佢對我哋所有人都好好，嗰時日日都拍 Office 戲好似真係返工咁，阿佘會準備 Supplement 同湯水畀我哋，又會同我哋 Share 用開嘅美容機，叫我哋輪住用。好記得我拍緊時喉嚨發炎，生咗粒好大嘅痱滋，吞口水都痛，阿佘見到我食藥，就問我係咪喉嚨痛，當佢見到我真係生咗好大粒痱滋後，佢就話第二日拎痱滋藥畀我。第二日佢係冇通告嘅，點知佢竟然託人帶畀我，再留言教我點樣用同搽，真係好感動。」

即睇更多IG靚相：