收昆凌350萬林寶做生日加聖誕禮物 周杰倫：第一次被女生送車
撰文：Kamen 圖片：Instagram
最豪華生日加聖誕禮物昆凌送350萬林寶畀周董
最近周杰倫同昆凌聯同朋友開「醜毛衣」聖誕party，互相交換禮物，當中昆凌就夾埋朋友畀驚喜老公。讓老公係不知情嘅情況下抽到由昆凌準備嘅「鞋盒」，「鞋盒」內係各式各樣的遊戲，周董按照指示一日通關後，最後閉眼到了車庫。
去到車庫張開眼睛，周董發現眼前是一架價值350萬嘅林寶堅尼URUS超級SUV，這一份禮物除了是聖誕禮物，同時也是周董的生日禮物。
周董隨即在IG發佈2人在車旁的合照，表示當時完全嚇傻。「今年的聖誕交換禮物竟然串通朋友們讓我抽到 @hannah_quinlivan 準備的鞋盒 裡面打開開始各種遊戲指示 最後一個閉上眼走到車庫 眼睛睜開真的嚇傻了…,,,,,謝謝你精心策劃準備的生日禮物 😍 Thank u for this Birthday gift my love @hannah_quinlivan」還加上hash tag「#人生第一次被女生送車」
周杰倫分享小周周趣事
周杰倫於婚後就當了專業爸爸，不時會向媒體談及一對子女的生活點滴。而早前天王爸爸就在社交媒體提到遇到有粉絲想與他合照，想不到三歲的小周周(Hathaway)上前說：「我也可以！」
其實周杰倫跟昆淩都分別在社交媒體分享有關小周周跟Romeo的照片，從昆淩的照片中可見他們姊弟都十分愛黏媽媽。其中一張昆淩發佈的照片中，可以看到只有三歲的小周周已經長高到身高162cm昆淩的腰部，還有跟姐姐拖手的Romeo。
是次可愛對話惹來許多粉絲的妒忌，紛紛說很想碰碰運氣與天王父女合照，更說很羨慕那個粉絲！另外亦有很多粉絲對於小周周的近照曝光感到訝異，原來轉眼間，小周周已經長那麼大。
保護孩子私隱
周董同昆凌雖然成日都會喺個人社交平台分享生活點滴，但係為咗保護一對仔女，平時都只係會PO小朋友嘅側面同後尾枕！
永遠的後尾枕！
而且囡囡小周周出鏡率，比小小周多好多，好多網民都笑佢哋兩公婆，好似唔記得自己有個仔咁！
最近昆凌去米蘭參加時裝週，就喺IG晒出兩張相，一張係佢抱住囝囝「小小周」，坐咗喺大教堂前面嘅樓梯。雖然「小小周」戴住帽，戴埋黑超，但係都睇得出同老豆出自同一個餅印！更加有網民好抵死咁話：「個嘴同周董同款！」
更加抵死嘅係，周董見到囝囝畀網民勁讚，竟然呷醋，用真身喺昆凌IG留言，話「小小周」搶晒佢嘅風采！
另一張係「小小周」同一個外國小朋友合照。「小小周」冇戴帽，一頭金髮就好明顯喇！相信呢方面就係遺傳咗昆凌嘅混血DNA喇！
