愈來愈多藝人結婚，榮升媽媽，生BB唔單止冇令佢哋走樣，有啲仲愈生愈靚，完全唔似已經生咗小朋友！以下10位星級媽媽，個個都話佢哋有氣質，完全好似「凍齡」美女咁，生B前後完全冇分別，大家又認唔認同？
撰文：Sunday Kiss
都變：相關藝人Facebook及微博、新傳媒資料庫
蔡少芬上年喺社交網站上載返自己1993年拍攝TVB劇集《天倫》嘅劇照出嚟，即刻引起討論，好多網民都驚訝話當年嘅佢靚過晒而家啲韓星！蔡少芬11年前下嫁張晉之後誕下2女，分別7歲及5歲。雖然已經生咗2個小朋友，但係蔡少芬生B前後個樣基本上無變，只係髮型由長變短！
郭羨妮2011年結婚後第二年就生咗囡囡Kylie，而家已經6歲大喇，郭羨妮生B前後個樣都冇變過，好似食咗防腐劑咁同以前一樣咁靚呀！
現年41歲嘅鍾麗淇生咗兩個寶貝女Isabella及Michela，一家四口非常幸福。鍾麗淇有著健康的生活習慣，因此keep到一副好身材，完全看不出已經四字頭，簡直好似凍齡咁，生B前後都咁靚！
梁詠琪2011年下嫁西班牙籍老公Sergio，之後2015年生咗囡囡Sofia。雖然身為1女之母，但生B前後嘅樣貌幾乎冇變，不過就多咗份女人味！
陳茵媺2013年下嫁陳豪後三年抱三，三名女兒分別5歲、4歲和3歲。雖然為3女之母，陳茵薇生B前後嘅樣貌幾乎不變，同選港姐個身幾乎一樣樣！
謝安琪2007年同張繼聰結婚後，10年間生咗1仔1女。但係依10年間唔單止個樣無變老，更加變得靚咗又女人味咗，難怪網民都封佢為女神！
袁詠儀1990參選香港小姐並奪得冠軍以及「最上鏡小姐」，2001年同張智霖結婚，育有一子，囝囝魔童已經11歲。現年47歲嘅靚靚樣貌同選港姐嘅時候分別唔大，保養得非常好！
徐淑敏2009年時與飲食業界才俊黃浩成婚，至今已經成為3女之母。徐淑敏個樣幾乎同2006年選港姐嗰陣冇分別，不過而家睇落輪廓比以前深咗，唔知係咪生3個囡囡令佢女性荷爾蒙大爆發？
黎姿2008年同商人馬廷強結婚，身為3女之母嘅佢個樣完全唔似已經47歲，保養得非常好。
張栢芝上年誕下第三子，已經係三子之母嘅佢，無時無刻都散發出陣陣嘅少女味，生B前後完全冇改變過！
