朱晨麗與何廣沛互相「降呢」變同事指被unfollow「好正常」唔好亂猜測

Mar 29 2023

朱晨麗和何廣沛傳緋聞6年，近日何廣沛被發現忽然單方面unfollow朱晨麗的IG帳戶，日前他出席活動時仲親自回應，暗示兩人關係已變回「同事」，今日（29日）到朱晨麗現身TVB活動，亦首次開腔作出回應，但言談間就似乎較為避忌！

朱晨麗何廣沛朱晨麗朱晨麗與何廣沛的緋聞由2017年傳到近日才斬纜，已足足6年。 — 朱晨麗與何廣沛的緋聞由2017年傳到近日才斬纜，已足足6年。（圖片來源：YouTube@TVB娛樂新聞台）

何廣沛解釋unfollow朱晨麗原因：任何關係都會有變化

2017年朱晨麗和何廣沛因為合作拍攝《超時空男臣》而傳出緋聞，事後兩人多次以情侶檔姿態一齊出席活動，亦不時在社交平台互動，但兩人近日被指感情翻波，何廣沛被發現單方面unfollow朱晨麗的IG帳戶，令過往秒Like對方Post的情況成為追憶。

將朱晨麗「降呢」變同事

何廣沛日前出席活動時，親自回應指任何關係都會有變化的時候，認為這樣處理是對大家最好的方式，對任何人都尊重。何廣沛表示自己往後會專注於工作，暫時不會拍拖，又指大家一直都是同事關係，相信往後都會在公司活動上碰面。

朱晨麗何廣沛朱晨麗同何廣沛嘅緋聞傳足兩年多，雖然一直未有承認，但二人經常喺網上放閃，早排更被拍得雙雙秘密遊泰國㖭！ — 朱晨麗同何廣沛雖然一直未有承認，但二人以往經常喺網上放閃，更曾被拍得雙雙秘密遊泰國㖭！（圖片來源：新傳媒照片庫）

朱晨麗尷尬回應被何廣沛unfollow

今日（29日）到朱晨麗現身TVB活動，她在回應被何廣沛unfollow事件時，言談間就顯得較為尷尬，她指每日都有好多人follow或者Unfollow別人，是一件好正常的事，冇乜特別，被問到兩人係咪係真係分開咗？她回答：「唔好立亂猜測啦！」

朱晨麗何廣沛朱晨麗朱晨麗近日po出同楊梓菁high tea合照，似乎搵好姊妹相聚療情傷。 — 朱晨麗近日po出同楊梓菁high tea合照，似乎搵好姊妹相聚療情傷。（圖片來源：IG@rebecca_zhu）

將何廣沛由「朋友」變「同事」

而講到兩人仲係咪朋友關係時，朱晨麗本來想回答「仲係朋友」，但下一秒就極速改口指兩人係「同事朋友」，之後又變成「同事關係」，似乎對何廣沛率先將她「降呢」變同事這件事耿耿於懷！

朱晨麗何廣沛朱晨麗最後朱晨麗只係強調叫大家唔好再猜測，話自己並無唔開心。 — 最後朱晨麗只係強調叫大家唔好再猜測，話自己並無唔開心。（圖片來源：IG@rebecca_zhu）

朱晨麗與何廣沛傳緋聞6年

現年35歲的朱晨麗有「翻版陳法拉」之稱，入行12年緋聞多多，曾與馬國明、何廣沛、黃子恒、何君誠、港男李晉強等傳過緋聞，亦傳過搭上電子大王劉紀明、前經濟發展及勞工局局長葉澍堃的兒子葉瀚華等。其中與何廣沛的緋聞由2017年傳到現在，男方更曾多次被影到訪女方香閨，何廣沛曾語帶相關指自己「你知我最鍾意朱朱」，戀情浮晒面，不過朱晨麗有指因為未揀定而一直未肯公開認愛。2021年底，朱晨麗更被影到帶住圈中閨密到上環夜店狂歡，一眾女子被現場男士們重重圍住，玩得相當盡興！