李佳芯21歲動漫、旅遊Model靚相翻HIT 青澀甫士被龍友圍住任影唔嬲
最近就有網民喺YouTube頻道分享2003年李佳芯以模特兒身份的珍貴影片,片中李佳芯喺高達展覽中著上與GUNDAM同色系列嘅制服,望落仲好清新!
李佳芯21歲略帶可愛baby fat 年紀小小已經任影唔嬲
當時嘅李佳芯青春少艾,只得21歲,照片中見到佢係有少少baby fat。可能當時佢仲細個,未識化妝,妝容望落少少重手。不變嘅係,李佳芯細細個已難掩美麗氣質,現場有不少男士都被李佳芯吸引。就算面對多人圍觀,李佳芯依然笑容滿面,任影唔嬲,果然細細個已經好專業!
![李佳芯 舊相流出 李佳芯當時青春少艾,有啲baby fat。](https://imgs.orientalsunday.hk/wp-content/uploads/2023/02/7q-ej6kgcf7cjpwmln6kaw8kkjmjxjcw6rr9uoq6_va_207419201763e0c2def1169-1024x576.jpg)
李佳芯模特兒變視后 旅遊雜誌行程大曬冷
李佳芯自2012年由收費電視轉到TVB後,從姣精演到人母,原來未紅前的她在「旅遊界」已經好受歡迎,出名肯捱肯摶好相與,曾經多次同《新假期》上山下海,由台灣、日本,去到意大利、澳洲、斐濟,最勁仲去埋南極!
![李佳芯 舊相流出 李佳芯自爆20歲的初戀經歷最辛苦。](https://imgs.orientalsunday.hk/wp-content/uploads/2023/02/photo_6271790234266088976_y_204974373063e0c38311c4d-1024x858.jpg)
01|2009年斐濟之旅 激罕有比堅尼look!
雖然李佳芯沒有好似一般模特兒出寫真集,平日出席大台活動都鮮有走性感路線,不過09年27歲嘅Ali 其實一向不介意健康性感,和《新假期》去斐濟時,就大曬Bikini +長腿。
![李佳芯 舊相流出 李佳芯 睇住靚景浸浴,當然夠晒歎。](https://imgs.weekendhk.com/wp-content/uploads/2017/11/nhv4dxh3MJN7gxp/ali__1_11234464625a0ea4f48c14f-1024x707.jpg)
02|走勻全台灣影婚照(2005年)
12年前的李佳芯剛投身Model界,還未做有線主持,第一次同《新假期》出Trip,人生第一次的婚紗相就要走勻全台灣影。當年的妝髮造形今日睇起上來當然娘味十足,不過當年唔興過份的Photoshop、唔興假眼睫毛和大眼仔,Ali 靚樣同今時今日差唔多,證明靚樣真材實料啦!
![李佳芯 舊相流出 李佳芯 影靚相彈性要高,見到條公路都可影一餐,Ali 一樣配合到。](https://imgs.weekendhk.com/wp-content/uploads/2017/11/nhv4dxh3MJN7gxp/ali__7_10961712575a0ea4e628ee0-726x1024.jpg)
攀山涉水擺甫士
影過婚紗相的人就知,靚相一般在兩日內瘋狂影晒;李佳芯在拍攝期間要著住婚紗攀山涉水、公路狂奔:爬上台南的七股鹽山、在青青農場拍攝薰衣草和野花遍地的場景,忍受38度高溫及長期暴曬的拆磨。
![李佳芯 舊相流出 李佳芯 七股鹽山的鹽堅硬巉手,Ali著住婚紗爬上去影相都唔易。](https://imgs.weekendhk.com/wp-content/uploads/2017/11/nhv4dxh3MJN7gxp/ali__15_628786115a0d96200c317.jpg)
當年的記者憶述,拍攝當日台北天氣驟晴驟雨,拍攝團隊只好躲在車內,待雨停時李佳芯立刻跑出車影,影不到兩三張又下雨了,又要躲起來。如是者,跟天公玩足一整天躲貓貓。李佳芯都以專業態度面對,第一次出Trip,其實好難得!
![李佳芯 舊相流出 李佳芯 拍攝時38度的高溫、又時晴時雨,Ali 坐埋一邊整理妝髮都無黑面。](https://imgs.weekendhk.com/wp-content/uploads/2017/11/nhv4dxh3MJN7gxp/ali__12_4082763975a0ea4ecb1b65-718x1024.jpg)
翻閱2005年的陳年舊雜誌,當年記者好鍾意寫詩,而影相的攝影師亦好鍾意Model頭戴一大朵花(利申那位是台灣婚攝公司的攝影師)。
![李佳芯 舊相流出 李佳芯 去到墾丁海邊叫Ali同臨記「老公」耍親熱,絕無托手踭!](https://imgs.weekendhk.com/wp-content/uploads/2017/11/nhv4dxh3MJN7gxp/ali__71_15985955165a0ea504d5439-816x1024.jpg)
03|天寒地凍沖繩追櫻(2007年1月)
為了向廣大的讀者報導日本的櫻花情報,《新假期》記者往往要帶同Model 提早出發。去完台南的1年半後,李佳芯跟《新假期》記者2007年1月出發到沖繩,在短短5日拍攝時間內要影櫻花、又要影海邊Resort。當年的記者指,那時候李佳芯已經是模特兒界的女神,但過程雖然辛苦捱凍,一樣好影無架子有交帶。
![李佳芯 舊相流出 李佳芯 1月出發沖繩影櫻花,其實仍凍,但為咗封面靚,赤膊捱凍仲笑容燦爛!(390期|07年2月出版)](https://imgs.weekendhk.com/wp-content/uploads/2017/11/nhv4dxh3MJN7gxp/390ww_bka_cover_16562990015a0dd84b7fae8-804x1024.jpg)
春寒扮初夏 背心短裙頂硬上
1月的沖繩還是冬天,只有10度的低溫,但為了畫面好看,拍攝時全程要穿上春裝,背心短裙,女神一樣拍心口頂硬上,抵讚!
![李佳芯 舊相流出 李佳芯 繼續是招牌燦爛笑容,邊個會估到Ali今時今日會做到咁奸嘅角色!](https://imgs.weekendhk.com/wp-content/uploads/2017/11/nhv4dxh3MJN7gxp/ali__3_8215260945a0dd949c55a9-1024x684.jpg)
04|勇闖南極不怕辛苦(07年11-12月)
翻查資料,當時的李佳芯未做主持,但當時在Model 界她都多見報,算搶手貨。原來女神仲早過洪永城兩年去南極拍攝(編按:洪永城在NowTV年代曾以幕後身份,與黃貫中前往南極拍攝《一個地球》),係咪威先!
![李佳芯 舊相流出 李佳芯 好多人問張相係咪Key,當年《新假期》美術部主管確認,只得左邊放大嘅企鵝有做手腳,輯相真係去咗南極登岸影㗎!(435期|08年1月出版)](https://imgs.weekendhk.com/wp-content/uploads/2017/11/nhv4dxh3MJN7gxp/435a_bka_cover-1_18575797515a0db5339ea31.jpg)
咪以為去極地就好爽皮,其實要坐足兩日半的飛機,由香港飛荷蘭落阿根廷,幾乎環遊全球,然後再捱30個鐘的船程⋯⋯聽到都想準備嘔吐袋。坐郵輪入南極,大浪到有如坐足兩日海盜船,而且南極天氣變幻莫測,能否如期登岸也需聽天由命。所以,女神每日就像飛虎隊般,隨時候命。
![李佳芯 舊相流出 李佳芯 隨時候命!女神日日整裝待發出發影相都無怨言。](https://imgs.weekendhk.com/wp-content/uploads/2017/11/nhv4dxh3MJN7gxp/ali__1_9410922935a0ea4e48f895-1024x684.jpg)
去南極當然想睇企鵝,但為保護牠們,規矩講明必須跟企鵝保持最少五米距離,以免影響企鵝的生活。唔知係咪女神太靚(定手上的企鵝公仔?),對人類已沒有戒心的企鵝們也會自動走近,又或乖乖站在附近任影唔嬲。
![李佳芯 舊相流出 李佳芯 如果當年有IG,女神呢張相應該爆晒Like。](https://imgs.weekendhk.com/wp-content/uploads/2017/11/nhv4dxh3MJN7gxp/ali__5_11474664725a0dceb202ce2-683x1024.jpg)
05|意大利坐老爺車(08年5月)
2008年的意大利都靈、五漁村之旅,Ali 就連續兩星期登上《新假期》封面,李佳芯跟著記者採訪拍攝Alfa Romeo的四天古董車托斯卡納豪華自駕遊,當年都索價2千歐羅!不過坐在經典的Alfa Romeo Spider 1600老爺車,駛過一片片鮮黃油菜花田,穿梭於一字排開的柏樹之間,享受頭髮被風吹起的感覺⋯⋯好屈機呀!
![李佳芯 舊相流出 李佳芯 意大利五漁村的繽紛小屋,加埋女神食雪糕,靚!(455期|08年5月出版)](https://imgs.weekendhk.com/wp-content/uploads/2017/11/nhv4dxh3MJN7gxp/455ww_bka_cover-1_2448356785a0dc6d7aff4e.jpg)
意大利的五漁村(Cinque Terre)近年成為亞洲人的熱門之選,女神當年去到,除了學習地中海人悠閒步伐,在漁村影靚相,仲有機會大嚼當地海鮮同松露。
![李佳芯 舊相流出 李佳芯 要知道旅遊記者出Trip無化妝隨團,咁近影大頭相,睇得出Ali幾乎零瑕疵!](https://imgs.weekendhk.com/wp-content/uploads/2017/11/nhv4dxh3MJN7gxp/ali__6_14347538695a0dea2ea9bc4-1024x683.jpg)
李佳芯曾走性感路線?
李佳芯自2012年由收費電視轉到TVB後,從姣精演到人母,原來未紅前的她在「旅遊界」已經好受歡迎,出名肯捱肯摶好相與,曾經多次同《新假期》上山下海,由台灣、日本,去到意大利、澳洲、斐濟,最勁仲去埋南極!即看:激罕有比堅尼look(獨家)
李佳芯疑與舊愛翻撻復合?
李佳芯(Ali)兩年前和拍拖七年的陳炳銓分手後,裙下之臣不少,就算緋聞一個接一個,李佳芯依然不為所動;最近有傳李佳芯與陳炳銓掟煲唔掟蓋,陳炳銓為見李佳芯一面…詳情請看