李婉華曬童年相不算超靚？與吳鎮宇因1事分開 大女學歷強

李婉華曬童年相不算超靚？

現年55歲的李婉華已經移民加拿大多年，但觀眾依然能在幕前看見她的身影，除了在2018年她客串了TVB劇集《再創世紀》，她亦私人開設了YouTube頻道「移加李婉華」拍攝不同類型的影片，向觀眾分享在美加的生活。近日，她在個人社交平台上載了一條短片，呼籲年輕人參加比賽，寫道：「如果你認識熱心貢獻社會，愛護地球，又充滿創意的年輕領袖，就要快啲提名佢哋參加Telus Friendly Future Maker 啦！」她又在短片中呈現了童年時期的自己，可見她外貌反而未及現在驚艷。

李婉華與鍾嘉欣拍戲毫無違和感

李婉華於89年處境喜劇《卡拉屋企》當女主角初出道已驚為天人，03年在加拿大結婚後就引退專心照顧家庭，淡出香港娛樂圈，並在加拿大定居育有兩子一女。Anita已是三子女之母，但外形keep得好，年過半百都唔多覺，2018年曾出山客串TVB重頭劇《再創世紀》，與細16年的鍾嘉欣拍埋，完全沒有違和感。

李婉華ready隨時復出拍劇

本來修心養性做人母的李婉華，近年因為戲癮大發，再加上三個仔女都開始長大，大女19歲，一對孖仔亦13歲，可以作有限度工作，而近年她在溫哥華為中文電台AM1470主持節目《小心華之里》，經常有香港藝人受邀上其節目做訪問，更加令她蠢蠢欲動。

據知情者透露：「Anita（李婉華）婚後將家庭放第一位，近年佢見仔女開始可以照顧自己，老公亦開綠燈，佢先活躍起嚟。早前開始學做youtuber，口齒伶俐嘅佢一啲都冇生疏，製作嘅節目亦好受歡迎，香港有幾間電視台知道佢有意再做幕前工作，已經向佢招手，不過Anita話大前提係唔要長時間唔要困身，因為對孖仔始終仲要人照顧，近年港台成日都開劇，佢老友鄭敬基亦拍唔少，所以佢都好有興趣，另外無綫亦都對佢虎視眈眈，如果佢肯再拍劇一定有好大回響。」

鄭敬基希望李婉華回歸幕前

對於李婉華有意回歸拍港劇，鄭敬基表示未知是否成事：「我成日都同婉華有保持聯絡嘅，但仲未收到佢返來拍劇嘅消息。如果港台搵佢客串我真係唔知，可能佢對香港有個情意結，真係都唔出奇，港台拍嘅劇通常都係短時間，佢可能就啱時間，不過依家又有疫情，我估短期內未必會喇！作為一個識咗咁耐嘅好朋友，佢做咩決定我都會支持佢。」 鄭敬基笑言最想與李婉華、盧苑茵及黎海珊等《卡拉屋企》演員再合作，而《卡拉屋企》是香港人其中一個集體回憶，集氣可能事成呢！

李婉華舊相一覽

李婉華一出道已驚為天人，是圈中天使魔鬼混合體的美魔女。她是TVB當年力捧的「銀河十星」之一，拍劇古今角色佳宜。

李婉華直言不反對女兒入行

李婉華大女Natalie曾在媽媽的YouTube影片中亮相，影片中Natalie教觀眾化加亞裔女生的ABG（Asian Baby Girl）妝容，眼妝傾向歐美妝容。Natalie全程用英文教化妝，表現淡定有自信不怯場。而她的皮膚光滑，五觀外型都盡得媽媽的真傳。

不少網友認為，Natalie青春可人，素顏比濃妝更美，但都大讚她的表現淡定不怕醜，「佢個鼻生得像媽媽那樣挺。媽媽的五官比較漂亮，阿女都唔差，青春淡定！」影片中Natalie提到，將來計劃升讀加拿大著名大學英屬哥倫比亞大學（University of British Columbia）做馬國明和鍾嘉欣的師妹，而媽媽曾提及Natalie準備修讀戲劇課程，更不會反對女兒進娛樂圈發展，但要她多學習先裝備好自己，看來這次母女檔的影片，是為了入娛樂圈鋪路吧！