44歲李珊珊出Po交代健康狀況 開心報喜：醫生讚指數好靚仔

出post交代健康狀況：醫生讚呀！今次指數好靚仔！

李珊珊近年甚少露面，對自己的私事亦少有提及，日前她在IG分享健康狀況，字裡行間散發喜悅︰「今天再到醫院看報告。醫生讚呀！今次指數好靚仔！繼續服藥保持住。我的口，一路打開，沒有合上，笑着回家。」

吃藥多年害怕喪志 堅持有回報

李珊珊又說：「你們知道嗎？吃了多年藥，每天重複做一件事，連鐵人也會喪志的。今天，即使未到標竿，一份堅持及忍耐，現在值回票價！此刻，很想跟他們道謝。在艱難時刻，曾大大力，扶我一把，或共同渡過。」此post一出有網民留言為她打氣，希望她能保持健康。

2017年公開患上驚恐症：覺得自己在瀕死邊緣

李珊珊傳出患病後曾惹來不同揣測，2017年她公開自己患上驚恐症，透露病發嚴重時感覺在瀕死邊緣。她憶述第一次出現非常激烈病徵時，發熱、標冷汗、全身冇力、呼吸困難、不停地掙扎直至眼前一黑，那種窒息的感覺令她覺得在瀕死邊緣。曾做過不同檢測，專科醫生都找不到病因，病徵持續出現，每日都徘徊地獄又折返人間。

2019年尾，李珊珊再為「精神健康基金會」拍片，以手寫紙牌告訴大家她抗驚恐症經歷，並獲多位圈中好友：林保怡、古天樂、何超蓮、甘比、崔加寶、鄭秀文（Sammi）拍片支持！

珊珊在片中透過卡紙分享故事：「我係李珊珊，I have a story to tell…2017年，我身處醫院，當時因為種種原因 ，第⼀次出現非常激烈嘅病徵，發熱、標冷汗、全身冇力、呼吸困難，不停地掙扎，直至眼前⼀黑， 嗰種令人窒息嘅感覺，我直頭覺得係瀕死邊緣。經過唔同嘅檢測，專科醫生都搵唔到病因，病徵持續出現，每日都徘徊地獄又折返⼈間，兜過唔少冤枉路，做過唔少測試，都係搵唔到病因。」

「直至有⼀日…經轉介去見劉英傑醫生，我先知道，個病係叫驚恐症，幸好劉醫⽣說教曉咗我，情緒病其實同傷風感冒⼀樣，有得醫。我開始向信得過嘅朋友分享，輕描淡寫地透露我嘅狀況，就好似患咗傷風感冒⼀樣，No big deal。然後，我就只係做兩件事，準時覆診，準時食藥，加上好友們嘅關心同不離不棄，病情慢慢好轉，驚恐症嘅症狀無再發生，瀕死邊緣嘅感覺無再出現，我就知道，我嘅情況受到控制。」

「而家睇返轉頭，慶幸當初堅持搵病嘅根源，知道問題根源先可以搵啱解決方法。情緒病其實同普通病無分別，搵啱醫生食啱藥，病就自然會好。我選擇行出嚟同大家講我嘅故事，係希望有相同遭遇嘅朋友，又或者你身邊有相同遭遇嘅朋友，都可以分享佢哋嘅故事。」

重溫李珊珊昔日風姿

李珊珊是1996年度香港小姐競選冠軍及1997年度國際華裔小姐競選亞軍，入行後曾出演多部電視劇電影，以《鑑證實錄》系列中的「小棠菜」最令人印象深刻，李珊珊2004年後逐漸淡出娛樂圈。