55歲李麗珍揮別舊情重投工作 曾有感而發：好多人想睇我點死

撰文、圖片：東方新地

李麗珍重投工作愛情排第三

疫情反覆，圈中不少電影電視和演員工作都被迫停工。陳果新戲成為疫情下工照開還能準時煞科的異數，早前在舉行煞科活動，除了導演陳果，男主角張達明、黃又南，還見到久未露面的李麗珍。16年與潘源良第四度分手，18年男方在毫無預警之下突然在加拿大與年輕十七年嫩妻結婚，珍妹話一切來得太突然曾經一度患上抑鬱，長時間不願面對大眾自我封閉，多得朋友開解女兒鼓勵，終於走出困局。曾經永遠把愛情放在第一位，珍妹早前接受訪問都表示情傷過後，重新排位，目前把事業放在第一位，第二位係家庭，第三位才輪到愛情。

一人回流獨居深井

果然說到做到，為潘源良閃婚曾經避走加拿大暴飲暴食肥到128磅，19年珍妹回歸 ViuTV拍攝劇集《娛樂風雲》時已經減磅兼重現笑顏、今次參演陳果新戲，在一眾合作女星魏秋樺、文雪兒當中，明顯化妝最淡卻保養最佳穿著最年輕，完全睇唔出1月8日就滿55歲。珍妹在記者會上笑容滿面、記者會後亦和合作同事打成一片，工作完畢即由工作人員驅車送回深井疑似是珍妹以朋友價租住多年的黎耀祥太太名下單位。去年拍攝劇集時，珍妹曾經有感而發：「娛樂圈好現實，出道得耐會畀人話過氣，好似我個角色咁，復出可能有粉絲支持，亦都好多人想睇我點死。（現實生活嘅你又覺得係點？）都唔知，我覺得一半半，希望可以努力工作，但有啲唔鍾意我都唔出奇，我會努力撐落去！」

囡囡許倚榕在加拿大繼續學業近月回港避疫，拍戲期間又經歷喪父之痛，難得珍妹可以迅速回復心情亦能適應獨居生活、真正積極投入工作往後日子為自己而活。