李龍基突改口供「自認偷情」透露名下八個物業已去向 網民激讚：高手

李龍基、王青霞監獄中情書交流

李龍基透露，即使Chris正在服刑，兩人仍然透過書信保持聯繫。Chris在獄中不忘寫信給他，已經寫了超過122封信，而李龍基也有回信，他分享了信中的一些內容：

「我有寫，不過唔係寫太多，通常係寫一啲好鼓勵性嘅歌詞，例如『斜陽裡 氣魄更壯 斜陽落下 心中不必驚慌』，又或者『小小苦楚等於激勵』，老實講，其實諗深一層唔係乜嘢大不了，只不過喺裡面多咗時間去自我去檢討、自我去修正。」

王青霞被判25個月刑期 出獄要等到2026年

王青霞Chirs早前因涉嫌使用虛假文件及作出虛假陳述等罪行6月19日在沙田裁判法院受審，判刑當日李龍基就喺庭上3度崩潰大喊，得知未婚妻被判刑時更重申之前許下嘅承諾……王青霞在庭上承認了5項罪行，包括違反逗留條件、使用虛假文書、管有虛假文書、對入境事務主任作出虛假申述以及在香港逗留期間從事僱傭工作。最終獲法官判處25個月的刑期，而李龍基離開法庭時冇回應任何提問，只係邊行邊表示唔會上訴，更再次向大家承諾：「一定會娶佢。」

李龍基突認偷情名下八個物業已贈前妻

對於外界有一直傳李龍基名下有八個物業，將全部轉贈予Chris的傳言，李龍基堅決否認：「其實我係窮光蛋嚟，因為我同前妻離婚，其實覺得對佢唔住，所以我係淨身出門完全畀晒佢，簽字離婚放棄晒啲嘢，係因為Chris，2019年嘅時候。」他又突認偷情 ，是Chris的介入導致婚姻破滅。

李龍基稱未婚妻不會變心：我食硬佢

李龍基提到兩人的年齡差距達36年，但他堅信Chris不會因為年齡而改變心意：「可以寫包單佢一定唔會變心，因為喺環境之下，唔可以令佢變心，佢喺香港無人無物得我一個，我食硬佢。」

李龍基表示，雖然他有信心自己和Chris的感情堅固，但也承認在這個變幻莫測的世界中，沒有什麼是絕對的：「喺呢個時刻我亦都可以寫包單我唔會變，但老實講，呢個世界冇人可以講係絕對，大吉利是我聽日明天行出去，係唔知有乜嘢事，因為而家呢個世界真係太多變幻，有時候我唔想變，但係忽然間變，變咗去另一個國度，你最好的準備就是最壞的打算。」

提到女友入獄當晚他出席了葉子楣的生日派對，他表示：「我有苦衷，為免拒人於千里，才勉為其難答應出席，但我承認自己的敏感度不足。」

未婚妻入獄後感情受考驗！李龍基自爆周身飛來蜢

基哥又提到雖然外界近月因為未婚妻事件認為佢係「戲子佬做戲」，不過佢就話「戲子先重情」，不過又指唔會將自己負面情緒帶到演出。佢又提到，自從未婚妻入獄之後，感情受到考驗，因為唔少女性埋身仲主動表示要成為女伴。

自稱「重情」唔受外界引誘

而王青霞於獄中亦表達憂心，基哥就話自己呢一刻仍保持住對佢嘅真心真意喇。過往每次出現佢都同王青霞糖黐豆，不過而家就仲有幾年形單隻影嘅時間，基哥就指自己唔怕孤獨，會將集中力分散咁話。

https://www.youtube.com/watch?v=dXPnSvq-2Us