【東京奧運】周奕瑋逼吳業坤追訪洪詠甄一個問題 網民鬧爆失禮香港人
廣告
繼早前TVB主持陳約臨在採訪在「劍神」張家朗「花癡式」訪問被網民狠批不專業之後，今次又輪到採訪周邊故事的吳業坤同周奕瑋在東京奧運採訪區截停港隊划艇選手洪詠甄做訪問，其表現輕挑被網民鬧爆兩人又再失禮香港人！訪問期間周奕瑋逼吳業坤問了洪詠甄一個與比賽無關的問題，令坤哥尷尬到想「搵窿捐」！唔少網民睇到之後都大怒，狠批兩人行為「唔用腦」及「唔尊重運動員」。
文：東方新地｜圖：吳業坤FB、周奕瑋IG、洪詠甄IG及TVB影片截圖
周奕瑋、吳業坤 被插表現太輕佻
今屆東京奧運TVB派出了4位主持去日本東京當地作直擊採訪，但繼早前陳約臨對張家朗被轟「花癡式」訪問後，日前周奕瑋和吳業坤在採訪區成功截停港隊划艇選手洪詠甄做訪問，結果卻再度爆出採訪災難！
當日周奕瑋在採訪區主動截停港隊划艇選手洪詠甄，話想花費她10秒時間做個訪問，然後周奕瑋就叫坤哥提問，但坤哥這時竟說：「冇呀，你走啦、你走啦！」而當洪詠甄正想離開之際，周奕瑋就搶住開口說：「坤哥想問你鍾意小方啲歌多啲定佢啲歌多啲？」
坤哥尷尬「搵窿捐」
雖然這個問題同比賽無關，但洪詠甄停了幾秒後都有尷尬笑答：「其實我冇聽中文歌！」聽到這個答案，令吳業坤亦尷尬非常，即時怪責周奕瑋說：「依家你咪得到呢個答案囉！你想我點？我想『搵窿捐』都搵唔到！」
這個採訪被TVB冠以「獨家專訪」之名在節目《東京五輪直送》第14集播出，但觀眾收看之後卻鬧爆周奕瑋和吳業坤表現太輕挑、唔用腦及唔尊重運動員等，惹來一面倒負評。
