東張西望「何伯何太」專訪續集內容曝光！何太再爆金句反擊傳聞
何太質問觀眾：「唔通有錢就唔係真愛咩？」
何太在《東張西望》的預告中，與何伯在茶餐廳受訪，環境與日前他們被網民「捕獲」的茶餐廳一致。《東張西望》節目預告透露，何伯夫婦一直沒有離開香港，雖然外界有不少閒言，就連TVB也派出阮兆祥抽水嘲笑，兩公婆大方接受訪問，何太於片中表示：
「阿叔畀咗身體我、畀咗肉體我，就留咗啲錢畀佢仔女保管，佢仔女攞錢去，我就要跟佢捱苦，先證明到人哋係真愛，咁傻嘅！唔通有錢就唔係真愛咩？咁奇怪。」
再度出面強調，自己對何伯出於一片真心，據了解全新的採訪內容安排在星期一晚上播出，有觀眾懷疑二人如此高調受訪背後可能另有動機。
疑似何太真人除罩相流出
在最近成立的「何伯＆何伯老婆關注組」中，有網民貼出疑似何太真樣，圖片中見二人在餐廳中同坐一邊，何伯細心遞水給何太，相處融洽。小紅書上亦有同類照片有眼利的網民認出所在地方是深圳新光華對面，二樓的新發茶餐廳，照片曝光後引起網民熱議，「個阿伯又話搵個人服侍自己，點知掉轉。」「新一代65-70多嘅長者，女人比親人和錢更重要」「呢隻阿伯，佢對前妻有冇咁細心，水都餵埋」「起碼報細咗20年」「啲老人家口味真係特殊！鍾意服侍人！」「餵個囡飲水！」「有情飲水飽」「又幾Sweet」
何太真人撞樣女明星？
網民認為圖中的新何太與藝人七師傅和葉旋有幾分相似，至於對何太的外表就見仁見智，反應兩極「幾靚女喎，仙女」「又幾骨子喎！」「算ok架喇，有時仲靚過啲未生嘅添」「伯伯鐘意呢啲款，阿伯殺手」，另一邊廂，有網民批評何太真實年齡似over 50，十分顯老。
「 何伯續集」梁敏巧黑絲上陣取代魏柏豪
現年28歲的東張女神梁敏巧（Maggie）在周日於限時動態上載訪問何伯夫婦的照片，相中見她以短裙look加黑絲上陣，並寫道：「全城熱話我都參與埋一份 明天有我同何伯何太傾偈」。
網民都笑指：「如果換咗東張女神何伯會把持不住」「何太想要100萬元做生意凍過水」另一方面，亦有網民覺得今次換主持事件可能同魏柏豪表現有關：
「個男主持真係要好好加油，轉數真係慢幾拍。好似好怕講錯野咁！」
新何太否認離境 再接受《東張西望》訪問
在小紅書上，有市民更在香港街頭上影到疑似何太再度拍攝節目，不少人猜測，難道是再次接受《東張西望》訪問，疑似再出續集講述後續，令一眾網民十分期待。「東張收視呢期依賴何太」「拍電視劇都得」「流量密碼」「開始懷疑是東張劇本」「等唔切喇，幾時出！」
何伯續集「預告片」出現後網民咁回應：
「呢個何太面皮厚度無人能及，敢講敢做敢俾人睇，完全唔怕醜，好厲害！」
「李思捷阮兆祥: 何生何太你俾我抖下好唔好? 」
「一结婚就攞100萬，好明顯不是真心。啲錢係人哋往生的老婆及阿伯儲來養老，人老會有病痛睇医生，再老啲行動不便可能要請工人照顧或住老人院，所有都要錢，唔通阿伯瞓係床你會幫佢换片和冲涼嗎？阿伯呢個年纪要安穩生活和凑孫玩樂，唔應該拿咁多錢去做生意，香港現在飲飲食業有前景？真係笑死人 ，做生意一定赚架？你呢個女人識做生意？況且有部份人家仔女俾父母做家用儲落嚟，你呢個女人好明顯為錢。咁爱阿伯就出去做工賺錢飬佢，要做生意就自己赚本來做啦」
「建議東張訪問埋認識『何太』 嘅街坊，仲有 『阿8』 嘅仔女。 然後東張做媒人，搵齊雙方，坐埋一齊對質，呢個先至係高潮」
「呢單野已經全城關注，東張應該快啲追訪何生何太的仔女」
「我凈係知識左三個月結婚攞一百萬一定吾係真愛 係喇，收番間公屋，你出去打工，照顧佢，全世界會收聲」
相關資訊：聯名戶口開設教學 「雙簽」戶口情侶分手有保障 遺產/風險/債務處理一文睇清
